நடிகர் விஜய் நடிப்பில் லோகேஷ் கனகராஜ் இயக்கத்தில் உருவாகியுள்ள மாஸ்டர் திரைப்படம் ஒரு உண்மைச் சம்பவத்தை அடிப்படையாக கொண்டது எனத் தெரிவிக்கப்படுகிறது.
இது குறித்து மாஸ்டர் திரைப்படத்தின் கதையை எழுதியுள்ள பொன் பார்த்திபன் கூறுகையில், இயக்குனர் லோகேஷ் கனகராஜின் நிஜ வாழ்க்கையில் உள்ள ஒரு நபரின் கதையால் ஈர்க்கப்பட்டே இந்த படத்தை உருவாக்கியிருப்பதாக தெரிவித்துள்ளார்.
விஜய் கல்லூரி பேராசிரியராக நடிக்கும் இந்த திரைப்படத்தில் விஜய் சேதுபதி வில்லனாக நடிக்கிறார். இவர்களுடன் மாளவிக்கா மோகன், ஆண்ட்ரியா, ஷாந்தனு, ஸ்ரீமண் உள்ளிட்ட பலர் நடித்துள்ளமை குறிப்பிடத்தக்கது.