மெர்லின் பட இயக்குனர் கீராவின் இயக்கத்தில் “எட்டுத் திக்கும் பற” திரைப்படத்தில் சமுத்திரக்கனி நடிக்கிறார். இப்படத்தின் தலைப்புக்கு பலத்த எதிர்ப்பு எழுந்த நிலையில், இதற்கு படத்தின் இயக்குனர் கீரா விளக்கமளித்துள்ளார். இது பற்றி அவர் கூறுகையில்,
“பற” என்பது சாதியின் குறியீடு அல்ல. அது விடுதலையின் குறியீடே ஆகும். அதனை யாரும் சென்சாரில் புரிந்துகொள்ளவில்லை.
இதனால் சமூக வலைத்தளங்கள் மூலமாக கொலை மிரட்டல்கள் வருகின்றன. நான் சாதி வெறியன் இல்லை. அவ்வாறான ஒரு சாயத்தை பூசி என்னை மிரட்டுகிறார்கள். நான் எப்போதும் சாதிக்கு எதிர்ப்பு தெரிவிப்பவன். இது போல பல எதிர்ப்புக்கள் வந்தன. அதனாலேயே படத்தின் தலைப்பை “எட்டுத் திக்கும் பற” என மாற்றினேன்.
சமூக நலனுக்காக போராடுபவர்களுக்கு ஆதரவாக செயற்படும் கதாபாத்திரத்தை அம்பேத்கர் கதாபாத்திரம் வெளிப்படுத்தும். அந்த கதாபாத்திரத்திலேயே சமுத்திரக்கனி நடித்துள்ளார். ஒரே இரவில் நடக்கும் சம்பவங்களை ஒரு புள்ளியில் இணைப்பதே படத்தின் உண்மை.
ஆணவக்கொலைகளை எதிர்க்கும் படமாக இப்படம் அமையும் என படத்தின் இயக்குனர் கூறியுள்ளார்.