டிஸ்கவரி தொலைக்காட்சியின் மிக பிரபலமான ‘மேன் வெர்சஸ் வைல்ட்’ நிகழ்ச்சியில் நடிகர் ரஜினிகாந்த் கலந்து கொண்டுள்ளார்.
டிஸ்கவரி தொலைக்காட்சியில் ஒளிபரப்பாகும் ‘மேன் வெர்சஸ் வைல்ட்’ நிகழ்ச்சி உலகப் புகழ் பெற்ற நிகழ்ச்சியாகும்.
இந்த நிகழ்ச்சியின் நாயகன் பேர் கிரில்ஸ், அடர்ந்த வனப்பகுதியில் ஆபத்தான சூழ்நிலைகளில் எவ்வாறு உயிர் பிழைத்திருப்பது, அங்கிருந்து எப்படி தப்பி வருவது என்பது குறித்து மக்களுக்கு கற்றுத் தருகிறார்.
இதில் அவ்வப்போது உலகப் பிரபலங்கள் கலந்து கொள்வது வழக்கமாகும். அந்தவகையில், இதில் கடந்த ஆண்டு ஒகஸ்ட் மாதம் உத்தரகாண்ட் மாநிலம் ஜிம் கார்பெட் தேசிய வன உயிரியல் பூங்காவில் நடந்த நிகழ்ச்சியில் இந்தியப் பிரதமர் நரேந்திர மோடி கலந்துகொண்டிருந்தார்.
இந்த நிலையில், இந்த நிகழ்ச்சியில் தற்போது நடிகர் ரஜினிகாந்த் கலந்துகொண்டுள்ளார்.
கர்நாடக மாநிலம் மைசூரில் உள்ள பந்திபுரா புலிகள் காப்பகத்தில் இதன் படப்பிடிப்பு நடந்து வருவதாகவும் 2 நாட்கள் நடக்கும் இந்த படப்பிடிப்பில் நடிகர் ரஜினிகாந்த் நிகழ்ச்சித் தொகுப்பாளர் பேர் கிரில்ஸுடன் இணைந்து பங்கேற்றுள்ளார் என்றும் தெரிவிக்கப்பட்டுள்ளது