குடியுரிமை சட்டத் திருத்தம் இந்தியாவின் அடிப்படையை பொடிப் பொடியாக்கி இருப்பதாக கவிஞர் வைரமுத்து தெரிவித்துள்ளார்.
அத்துடன்,  ‘ஒடுக்குமுறைகள் இருக்கும் வரை போராட்டம் இருக்கும் என்றும் சிலர் போராட்டம் என்றும்,  சிலர் வன்முறை என்றும் பேசுகிறார்கள் எனவும் தெரிவித்தார்.
சென்னையில் இடம்பெற்ற நிகழ்வொன்றில் கலந்துகொண்டு கருத்து தெரிவித்த அவர் இவ்வாறு குறிப்பிட்டுள்ளார்.
இதன்போது தொடர்ந்து தெரிவித்த அவர், “இந்தியாவின் அடிப்படையை குடியுரிமை சட்டத் திருத்தம் பொடிப் பொடியாக்கி இருக்கிறது. அறிவுலகினர் அனைவரின் கருத்தும் இதுவே.
மத்திய அரசு இச்சட்டத்தை உடனடியாக திரும்பப் பெற வேண்டும் என்ற கோரிக்கையை முன் வைக்கிறேன்” என்று கூறினார்.