அறிமுக இயக்குனர் ரவீந்திர மாதவா இயக்கத்தில் தயாராகி வரும் பெயரிடப்படாத திரில்லர் படத்தில் நடிகர் அதர்வா பொலிஸாராக நடிக்கிறார்.
இதுதொடர்பாக அறிமுக இயக்குனர் ரவிந்திர மாதவா பேசுகையில்,
“ நடிகர் அதர்வா இதற்கு முன் 100 என்ற படத்தில் பொலிஸாக நடித்திருக்கிறார். ஆனால் இந்தப் படத்தில் அவர் மாஸ் ஹீரோவாக நடிக்கிறார். சாதாரண வாழ்க்கையை வாழத் தொடங்கும் அதர்வா. ஒரு புள்ளியில் பொலிஸாக வேண்டும் என்று ஆசைப்படுகிறார். அதற்காக அவர் செய்யும் ஹீரோயிச செயலே அவரை பொலிஸாக்குகிறது. அதன்பிறகு அவர் என்ன நடந்தது? என்னானது? என்பதுதான் இந்த திரைப்படத்தின் கதை.” என்றார்.

 

இயக்குனர் ரவீந்திர மாதவா, ‘பட்டத்து யானை’ என்ற படத்தில் உதவியாளராக பணியாற்றியவர் என்பதும், இயக்குனர் ஜீவாவின் உதவியாளர் என்பதும், நடிகை அனுஷ்கா நடித்த பாஹுமதி என்ற படத்தின் வசனத்தை எழுதியவர் என்பதும் குறிப்பிடத்தக்கது.
இதனிடையே இந்த ஆண்டில், அதர்வாவின் நடிப்பில் பூமராங், நூறு ஆகிய படங்கள் தமிழில் வெளியாகின. அத்துடன் அவர் இந்த ஆண்டில் ஜிகர்தண்டா படத்தின் தெலுங்கு ரீமேக்கிலும் நடித்து, தெலுங்கிலும் நாயகனாக அறிமுகமாகியிருக்கிறார். தற்போது இயக்குநர்  ஆர் கண்ணன் இயக்கத்தில் பெயரிடப்படாத ஒரு படத்திலும் அதர்வா நடித்து வருகிறார்.