பிரபல தனியார் தொலைக்காட்சியில் ஒளிபரப்பாகும் பிக்பொஸ் நிகழ்ச்சியில் இருந்து கஸ்தூரி வெளியேற்றப்பட்டுள்ளதாக தகவல் கசிந்துள்ளது.
சமூகவலைத்தளங்களில் அடிக்கடி சர்ச்சைக்குரிய கருத்துக்களை கூறி கலவையான விமர்சனங்களை பெற்றுக்கொள்ளும் இவர், பிக்பொஸ் நிகழ்ச்சியில் பெரும் எதிர்பார்ப்பினை ஏற்படுத்தினார்.
ஆரம்பத்தில் வனிதா நிகழ்ச்சியில் இருந்து விலக்கப்பட்டதுடன் பிக்பொஸ் நிகழ்ச்சியில் தொய்வு ஏற்பட்டது. லொஸ்லியா, சாக்ஷி, கவினின் முக்கோண காதல் கதை தொடர்சியாக ஒளிபரப்பப்பட்டது.
இந்த நிலையில் யாரும் எதிர்பாராத விதமாக கஸ்தூரி நிகழ்ச்சிக்குள் வருகை தந்தது இரசிகர்கள் மனதில் பிக்பொஸ் நிகழ்ச்சி குறித்த எதிர்பார்ப்பை அதிகப்படுத்தியது.
ஆரம்பத்தில் கஸ்தூரி அழகாக காய் நகர்த்தியிருந்தார் என்றே கூறவேண்டும். இதன் பிறகு இவர் பிக்பொஸ் இல்லத்தில் ஒரு நகைச்சுவையாளராக மாறிப்போனார்.
வனித்தாவின் வருகையால் கஸ்தூரிக்கு அங்கு எந்த வேலையும் இல்லை என்றே கூறலாம்.  இந்த சூழலில் கஸ்தூரி இந்த வாரம் நாமினேட் செய்யப்பட்டு வெளியேற்றப்பட்டுள்ளதாக தகவல் கசிந்துள்ளமை குறிப்பிடத்தக்கது.