2018ஆம் ஆண்டுக்கான 66ஆவது தேசிய திரைப்பட விருதுகள் அறிவிக்கப்பட்டுள்ளன.
அதன்படி,
• சிறந்த தமிழ் திரைப்படமாக பிரியா கிருஷ்ண மூர்த்தி இயக்கிய பாரம் திரைப்படம் தெரிவாகியுள்ளது.
• சிறந்த தெலுங்கு திரைப்படமாக படமாக கீர்த்தி சுரேஷ் நடித்த மகாநடி தேர்வுசெய்யப்பட்டதுடன் அந்த திரைப்படத்தில் நடித்த கீர்த்தி சுரேஸுக்கு சிறந்த நடிகைக்கான விருது வழங்கப்பட்டுள்ளது.
• சர்ஜிக்கல் தாக்குதலை மையமாக வைத்து எடுத்த உரி படத்திற்கு சிறந்த பின்னணி இசையமைப்பிற்கான விருது வழங்கப்பட்டுள்ளது.
• சிறந்த ஹிந்தி படமாக ஸ்ரீராம் ராகவன் இயக்கிய அந்தாதூன திரைப்படம் தெரிவாகியுள்ளது.
• பத்மாவத் திரைப்படத்திற்காக சஞ்சய் லீலா பன்சாலிக்கு சிறந்த இசையமைப்பாளருக்கான விருது கிடைக்கப்பெற்றுள்ளது.
• சிறந்த துணை நடிகைக்கான விருதிற்காக ‘பாதாய் ஹோ’ படத்தில் நடித்த சுரேகா சிக்ரி அறிவிக்கப்பட்டுள்ளார்.
• சிறந்த பின்னணி பாடகராக அரிஜித் சிங் தெரிவாகியுள்ளார்.
• சிறந்த பின்னணி பாடகியாக -பிந்து மாலினி கன்னட திரைப்படத்திற்காக தெரிவாகியுள்ளார்.
• சிறந்த நடிகர்களுக்கான விருது ஆயுஷ்மான் குரானா (அந்தாதூன்) விக்கி கவுசல் ( உரி) ஆகிய திரைப்படத்திற்காக கிடைக்கப்பெற்றுள்ளது.
• சிறந்த நடனத்திற்கான விருது பத்மாவத் படத்தில் வரும் கூமர் பாடலுக்கு அறிவிக்கப்பட்டுள்ளது.
• சிறந்த திரைப்படத்திற்கான விருது ஹெலாரோவுக்கு (குஜராத்தி) வழங்கப்பட்டுள்ளது.
• தேசிய ஒருங்கிணைப்பு குறித்த சிறந்த திரைப்படத்திற்கான நர்கிஸ் தத் விருது ஒண்டல்லா எரடல்லா என்ற கன்னட திரைப்படத்திற்காக வழங்கப்பட்டுள்ளது.
• சிறந்த அறிவியல் தொழில்நுட்ப படத்திற்கான தேசிய விருது ‘ஜி.டி.நாயுடு – தி எடிசன் ஆப் இந்தியா’ என்ற திரைப்படத்திற்கு வழங்கப்பட்டுள்ளது.
• அத்துடன் திரைப்படம் எடுப்பதற்கு உகந்த மாநிலமாக உத்தராகண்ட் மாநிலம் தெரிவு செய்யப்பட்டுள்ளமை குறிப்பிடத்தக்கது.

சிறந்த நடிகருக்கான விருதை வென்றார் விஜய் சேதுபதி!

 
இந்திய திரைப்பட விழாவில் நடிகர் விஜய் சேதுபதிக்கு சிறந்த நடிகருக்கான விருது வழங்கப்பட்டது.
அவுஸ்ரேலியாவின் மெல்பேர்ன் நகரில் இந்திய திரைப்பட விழா இடம்பெற்று வருகிறது.
ஏதிர்வரும் 15ஆம் திகதிவரை நடைபெறும் இந்த விழாவில் 60 படங்கள் திரையிடப்படுகின்றன..
இதில் விஜய்சேதுபதி நடித்துள்ள ‘சூப்பர் டீலக்ஸ்’ திரைப்படம், சிறந்த நடிகர், சிறந்த இயக்குனர், சிறந்த படம் ஆகிய பிரிவுகளின் கீழ் பரிந்துரைக்கப்பட்டு இருந்தது.
இதில் திருநங்கையாக நடித்திருந்த விஜய் சேதுபதிக்கு சிறந்த நடிகருக்கான விருது வழங்கி கௌரவிக்கப்பட்டுள்ளது. அவர் நடிப்புக்கு ஏற்கனவே பாராட்டுகள் கிடைத்தன. இப்போது சிறந்த நடிகர் விருதையும் பெற்றுள்ளார்.
அத்துடன், இந்த விழாவில் நடிகர்களான விஜய் சேதுபதி, ஷாருக்கான், அர்ஜுன் கபூர், நடிகைகள் காயத்ரி, உள்ளிட்ட திரையுலக பிரமுகர்கள் பலர் கலந்துகொண்டுள்ளமை குறிப்பிடத்தக்கது.