சென்னை புழல் காவாங்கரையில் உள்ள இலங்கை அகதிகள் முகாமில் வசிக்கும் அஜித் ரசிகரான உமாசங்கரை ரோஷன் என்ற விஜய் ரசிகர் கத்தியால் குத்தியுள்ளார்.
குறித்த பகுதிில் உள்ள இளைஞர்கள் நேற்றிரவு வீட்டின் அருகில் பேசிக்கொண்டிருந்துள்ளனர். இதன்போது விஜய்யை பற்றி உமாசங்கர் தரைக்குறைவாக பேசியதாக தெரிகிறது.
இதனால் அவர்களுக்குள் கடும் வாக்குவாதம் ஏற்பட்டு மோதலில் ஈடுபட்டுள்ளனர். ஆத்திரம் அடைந்த ரோஷன் தனது வீட்டில் இருந்த கத்தியை எடுத்து வந்து அஜித் ரசிகர் உமாசங்கரின் தலை, மார்பு பகுதியில் சரமாரியாக குத்திவிட்டு அங்கிருந்து ரோஷன் ஓடிவிட்டார்.
ரத்தவெள்ளத்தில் விழுந்து துடித்த உமாசங்கரின் அலறல் சத்தம் கேட்டு அக்கம் பக்கத்தினர் ஓடிவந்து அவரை உடனடியாக பாடிய நல்லூரில் உள்ள ஆரம்ப சுகாதார நிலையத்தில் சேர்த்தனர்.
உயிருக்கு ஆபத்தான நிலையில் உள்ள அவருக்கு தீவிர சிகிச்சை அளிக்கப்படுகின்றது.
இதனையடுத்து விஜய் ரசிகர் ரோஷன் கைது செய்யப்பட்டுள்ளார்.