பிரபல எழுத்தாளரும் நடிகருமான கிரிஷ் கர்நாட் தனது 81ஆவது வயதில் காலமானார்.
உடல்நலக்குறைவால் பாதிக்கப்பட்டிருந்த நிலையிலேயே அவர் இன்று (திங்கட்கிழமை) காலை காலமானார்.
இவரின் மறைவிற்கு சினிமா பிரபலங்கள், இரசிகர்கள் உள்ளிட்ட பலரும் இரங்கல் தெரிவித்து வருகின்றனர்.
1938ஆம் ஆண்டு மே 19ஆம் திகதி மகாராஷ்டிரா மாநிலத்தில் பிறந்தார். கன்னடம், ஹிந்தி, தமிழ் உள்ளிட்ட மொழிகளில் நடிப்பு, இயக்கம் என பல துறைகளிலும் சிறந்து விளங்கினார். தமிழில் ‘காதலன்’, ‘ரட்சகன்’, ‘செல்லமே’, ‘ஹேராம்’ போன்ற படங்களில் குணச்சித்தர வில்லன் ஆகிய வேடங்களில் சிறப்பாக நடித்திருந்தார்.
இவர் நடிகராக மட்டுமல்லாது திரைக்கதை, இயக்கம் என சிறந்து விளங்கினார். இதனால் ஏராளமான விருதுகளையும் பெற்றுள்ளார். அதேநேரம் சிறந்த எழுத்தாளராகவும் விளங்கினார்.
இவரின் சினிமா மற்றும் இலக்கிய சேவையை பாராட்டி மத்திய அரசு பத்மஸ்ரீ மற்றும் பத்மபூஷண் விருதுகள் வழங்கி கௌரவிக்கப்பட்டமை குறிப்பிடத்தக்கது.