சென்னை: நடிகர் ரஜினிகாந்த் தனது பெயரில் புதிய டிவி சேனல் தொடங்க போவதாக அறிவிப்பு வெளியிட்டுள்ளார்.
நடிகர் ரஜினிகாந்த் அரசியல் கட்சி குறித்து இந்த வருடம் அறிவிப்பு வெளியிடுவார் என்று கூறப்பட்டது.

ஆனால் வருடம் முடிய இன்னும் ஒரே வாரம்தான் உள்ளது. இதுவரை அவர் அரசியல் கட்சி தொடங்குவது குறித்து எந்த அறிவிப்பும் வெளியிடவில்லை. மாறாக தற்போது புதிய தொலைக்காட்சி சேனல் தொடங்கி போவதாக தெரிவித்துள்ளார்.
நேற்று ரஜினிகாந்த் சென்னை விமான நிலையத்தில் அளித்த பேட்டியில், எனது பெயரில் புதிய தொலைக்காட்சி சேனல் தொடங்க உள்ளோம்.
அதற்காக பதிவு செய்து இருக்கிறோம். விரைவில் இதுகுறித்து அறிவிப்பு வெளியாகும்.
எனது பெயரில் யாரோ தொலைக்காட்சி தொடங்க போவதாக அறிவிப்பு வெளியானது. அதன் காரணமாக முன்கூட்டியே எனது பெயரை பதிவு செய்தேன். இனி வரும் நாட்களில் தொலைக்காட்சி குறித்து தெரிவிக்கப்படும்.
இன்னும் தேர்தல் கூட்டணி குறித்து முடிவெடுக்கவில்லை. தேர்தலுக்கு இன்னும் பல நாட்கள் உள்ளது. தேர்தல் நேரத்தில் கூட்டணி குறித்து முடிவு செய்வோம், என்று நடிகர் ரஜினிகாந்த் பேட்டியளித்துள்ளார்.