கேரள மாநிலத்தில் குடும்பத்தாருடன் இணைந்து கள்ளநோட்டு அடித்த தொலைக்காட்சி நடிகையை பொலிசார் கைது செய்துள்ளனர். கள்ளநோட்டு கும்பலின் பின்னணியில் மலையாள தொலைக்காட்சி நடிகை சூரிய சசிகுமாருக்கு தொடர்பு இருப்பது தெரிய வந்தது. இதனையடுத்து அவரது பங்களா வீட்டை பொலிசார் ரகசியமாக கண்காணித்து வந்துள்ளனர். நேற்று அதிகாலை நேரத்தில் பொலிஸ் படையினர் அவரது பங்களா வீட்டில் நுழைந்து அதிரடி சோதனை நடத்தினார்கள். அப்போது அங்கு கள்ள நோட்டுகள் அச்சடிக்கப்படுவது கண்டு பிடிக்கப்பட்டது.
  
டிகை சூரிய சசிகுமார் அவரது தாயார் ரமா தேவி தங்கை சுருதி ஆகியோரை கைது செய்தனர்.அங்கிருந்து ரூ.57 லட்சம் மதிப்புள்ள கள்ள நோட்டுகளும் கைப்பற்றபட்டது. கடந்த 8 மாதங்களாக நவீன கருவிகள் மூலம் கள்ள நோட்டுகள் அச்சடித்து புழக்கத்தில் விட்டது விசாரணையில் தெரியவந்தது. தற்போது இவர்களிடம் விசாரணை நடைபெற்று வருகிறது, சொகுசு வாழ்க்கை வாழவும் தேவைகளை நிறைவேற்றிக்கொள்ளவும் இவ்வாறு செய்துள்ளதாக கூறப்படுகிறது.