டிமான்டி காலனியை தொடர்ந்து அஜய் ஞானமுத்து இயக்கியுள்ள படம், இமைக்கா நொடிகள். அதர்வா முரளி, நயன்தாரா, ராசிகண்ணா, அனுராக் காஷ்யப் நடித்துள்ளனர். இதில் சிபிஐ ஆபீசராக நடிக்கும் நயன்தாராவுக்கு கணவர் வேடத்தில் நடிக்க பல ஹீரோக்கள் முன்வந்த நிலையில், தனக்கு ஜோடியாக நானும் ரவுடிதான் படத்தில் நடித்த விஜய் சேதுபதிதான் வேண்டும் என்று நயன்தாரா சொன்னாராம்.
  
இதையடுத்து விஜய் சேதுபதி நடிக்க முன்வந்தார். சிறப்புத் தோற்றம் என்றாலும், முக்கியமான, அழுத்தமான கேரக்டர் என்பதால் விஜய் சேதுபதி சம்மதித்ததாக படக்குழு தெரிவித்தது.