துப்பாக்கி, கத்தி படங்களை தொடர்ந்து ஏ.ஆர்.முருகதாஸ் இயக்கத்தில் தளபதி விஜய் ஒரு படத்தில் நடித்து வருகிறார். இந்த படத்தை சன்பிக்சர்ஸ் நிறுவனம் பிரம்மாண்டமாக தயாரித்து வருகிறது. படத்திற்கு பெயர் வைக்காமல் இருந்த நிலையில் நாளை விஜய்யின் பிறந்த நாளை முன்னிட்டு படத்தின் பர்ஸ்ட் லுக் மற்றும் பெயரை சன்டிவியில் நேரலை செய்தனர்.
  
அதன்படி படத்திற்கு சர்கார் பெயர் வைத்துள்ளனர். இந்த படத்திற்கு இசைப்புயல் ஏ.ஆர்.ரகுமான் இசையமைக்க, ஸ்ரீகர் பிரசாத் எடிட்டிங் செய்கிறார். கிரிஸ் கங்காதரன் ஒளிப்பதிவு செய்கிறார். விஜய் ஜோடியாக கீர்த்தி சுரேஷ் நடிக்கிறார். விஜய், ஏ.ஆர்.முருகதாஸ், சன்பிக்சர்ஸ், ஏ.ஆர்.ரகுமான் இணைந்துள்ள இப்படம் ரசிகர்கள் மத்தியில் பெரும் எதிர்பார்ப்பு எழுந்துள்ளது.