இயக்குநரும், நடிகர் விஜய்யின் தந்தையுமான எஸ்.ஏ.சந்திரசேகரன், இசை வெளியீட்டு விழா ஒன்றில் நடிகர் ரஜினிகாந்தை மறைமுகமாக தாக்கி பேசியுள்ளார். இயக்குநர் எஸ்.ஏ.சந்திரசேகர் ‘டிராஃபிக் ராமசாமி’ எனும் படத்தில் நடித்துள்ளார். இந்த படத்தின் இசை வெளியீட்டு விழா நேற்று நடைபெற்றது.
  
அதில் பேசிய அவர், நடிகர் ரஜினிகாந்தை மறைமுகமாக தாக்கி பேசியுள்ளார். இசை வெளியீட்டு விழாவில் அவர் கூறுகையில், இது வாழ்க்கை முழுக்க போராடி வரும் ஒருவரின் கதை. போராட வயது தேவையில்லை. போராடாமல் எதுவும் கிடைக்காது. தாயிடம் பால் குடிக்க வேண்டும் என்றால் கூட குழந்தை அழுதால் தான் கிடைக்கும். போராட வேண்டாம் என்றால் எப்படி?
காந்தி போராடவில்லை என்றால் சுதந்திரம் கிடைத்து இருக்குமா? மெரினா போராட்டம் தானே நம் கலாச்சாரத்தை மீட்டு கொடுத்தது? தூத்துக்குடி போராட்டம் தானே ஒரு ஆலையை மூட வைத்தது? போராட வேண்டாம் என்று கூறுவது பைத்தியக்காரத்தனம்’ என தெரிவித்துள்ளார்