ரஜினிகாந்த் நடித்துள்ள ‘காலா’ திரைப்படம் இன்று திரைக்கு வந்துள்ளது. கர்நாடகாவிலும் இப்படத்தை வெளியிடுகின்றனர். இந்நிலையில் அங்குள்ள விநியோகஸ்தர் அலுவலகத்தை கன்னட அமைப்பினர் தாக்கி உள்ளனர். ரஜினிகாந்த் பற்றி அடிக்கடி மகள் சவுந்தர்யா தனது டுவிட்டர் பக்கத்தில் தகவல்கள் வெளியிட்டு வருகிறார். ஒவ்வொரு முறை அவர் ரஜினிபற்றி சொல்லும்போதும் தந்தை என குறிப்பிடாமல் தலைவர் என்றே குறிப்பிடுகிறார்.
நேற்று அவர் வெளியிட்ட மெசேஜில், ‘போயஸ் கார்டனிலிருந்து தற்போது தலைவர் அடுத்த படத்துக்காக புறப்பட்டு சென்றார். பன்முகவேடங்கள்... ஒன் அண்ட் ஒன்லி தலைவர்’ என குறிப்பிட்டிருந்தார். பன்முக வேடம் என்று அவர் குறிப்பிட்டதுபற்றி பலரும் கேட்டிருந்தனர். அதற்கு பதில் அளித்தவர்,’ திரைப்படத்தில் சொல்லவில்லை, வாழ்க்கையில் குறிப்பிட்டேன். படம் பற்றி இயக்குனர் கார்த்திக் சுப்புராஜ் சரியான நேரத்தில் தெரிவிப்பார்’ என கூறியிருந்தார்.