எல்லாத்திற்கும் போராட்டம் செய்து கொண்டிருந்தால் நாடே சுடுகாடாகி விடும் என்று நடிகர் ரஜினிகாந்த் பத்திரிகையாளர் சந்திப்பின்போது கூறியிருந்தார். இந்நிலையில் இவரின் இந்த கருத்துக்கு நடிகர் சத்யராஜ் நேரிடியாக பதிலடி கொடுத்துள்ளார். பெரியார் திடலில் கருணாநிதியின் பிறந்தநாளையொட்டி விழா ஒன்று ஏற்பாடு செய்யப்பட்டிருந்தது.
  
அதில் அரசியல்வாதிகள், சினிமா பிரபலங்கள் உள்ளிட்டோர் கலந்துகொண்டனர். அந்த விழாவில் கலந்து கொண்டு பேசிய நடிகர் சத்யராஜ், நீதியின் மீது மக்களுக்கு நம்பிக்கை போகும் போதுதான் புரட்சி வெடிக்கும் என்றும், நாடு சுடுகாடு ஆவதற்கு புரட்சி வெடிக்காது என்று நடிகர் சத்யராஜ் தெரிவித்தார்.
நடிகர் சத்யராஜ் இந்த விழாவில் நேரடியாக அதற்கு பதில் கூறியது பலரையும் ஆச்சர்யத்தில் ஆழ்த்தியது. இதற்கு முன்னதாக நடைபெற்ற பல போராட்டங்களில் நடிகர் சத்யராஜ், ரஜினியை இவ்வாறு நேராகவே தாக்கி பேசி இருக்கிறார் என்பது குறிப்பிடத்தக்கது.