சிம்பு தற்போது மணிரத்னம் இயக்கத்தில் செக்கச் சிவந்த வானம் படத்தில் நடித்து வரும் நிலையில், அடுத்ததாக விஜய் சேதுபதி நடிப்பில் வெளியான ரெக்க படத்தை இயக்கிய ரத்தினசிவா இயக்கத்தில் நடிக்க இருப்பதாக கூறப்படுகிறது. #STR #Simbu

சிம்பு நடிப்பில் கடைசியாக வெளியான அன்பானவன் அசராதவன் அடங்காதவன் படத்திற்கு போதிய வரவேற்பு கிடைக்கவில்லை. இதையடுத்து சிம்பு ஆங்கிலத்தில் புதிய படம் ஒன்றை இயக்க ஆரம்பித்தார். மேலும் சந்தானம் நடிப்பில் வெளியான சக்க போடு போடு ராஜா படத்திற்கும் இசையமைத்தார்.

மேலும் ஓவியா நடிப்பில் உருவாக இருக்கும் 99 எம்.எல். படத்திற்கு இசையமைக்கவும் ஒப்பந்தமாகி இருக்கிறார்.

இந்நிலையில், சிம்பு தற்போது மணிரத்னம் இயக்கத்தில் செக்கச் சிவந்த வானம் படத்தில் நடித்து வருகிறார். பட அதிபர்கள் போராட்டம் நடத்தி வருவதால் படப்பிடிப்புகள் தள்ளிவைக்கப்பட்டுள்ளன. படப்பிடிப்பு முடிந்து இந்த படம் ஆகஸ்டில் வெளியாகும் என்று எதிர்பார்க்கப்படுகிறது.

இந்நிலையில், சிம்பு அடுத்ததாக ரத்தினசிவா இயக்கத்தில் நடிக்க இருப்பதாக கூறப்படுகிறது. இதுகுறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது. இவர் விஜய் சேதுபதி நடித்த ரெக்க படத்தை இயக்கியவர் என்பது குறிப்பிடத்தக்கது.