கடந்த செப்டம்பர் மாதம் வெளியான மலையாளப்பாடலான 'ஜிமிக்கி கம்மல்' பாடல் ஏற்படுத்திய பரபரப்பும், அது தொட்ட உயரமும் நாம் அறிந்ததுதான். இதுவரை சுமார் 67 மில்லியன் பார்வையாளர்கள் இந்த பாடலை கண்டு ரசித்துள்ளார்கள்..

 

இந்த நிலையில் கடந்த பிப்-9-ஆம் தேதி முதல் அதே மலையாள தேசத்தில் இருந்து வெளியான 'மாணிக்ய மலராய பூவி' பாடல் மீண்டும் சோஷியல் மீடியாவை புயலாக தாக்கியுள்ளது. இதுவரை 36 லட்சம் பார்வையாளர்கள் இந்தப்பாடலை கண்டு ரசித்துள்ளார்கள்.

 

அதற்கு முக்கிய காரணம் இந்தப்பாடலில் தனது புருவ அசைவுகளால் இளைஞர்களின் மனதை கொள்ளையடித்த பிரியா பிரகாஷ் வாரியர் தான். இப்போது இந்தப்பாடல் ஜிமிக்கி கம்மல் பாடல் சாதனை ஒன்றை முறியடித்துள்ளது..

 

அதாவது கடந்த 6 மாதங்களில் ஜிமிக்கி கம்மல் பாடல் 4.6 லட்சம் லைக்குகளையே பெற்றுள்ளது ஆனால் இந்த மாணிக்ய மலரே பாடல் கடந்த பத்து நாட்களில் மட்டுமே 5.6 லட்சம் லைக்குகளை அசால்ட்டாக அள்ளி ஆச்சர்யப்படுத்தி உள்ளது.

 

ஜிமிக்கி கம்மல் பாடலுக்காக ஹிட் ஆனது என்றால், இந்தப்பாடல் புருவ அழகிக்காகவே இவ்வளவு லைக்குகளை குவித்துள்ளது என்பது மறுக்கமுடியாத உண்மை.