தனுஷ் நடிக்கும் 'எனை நோக்கி பாயும் தோட்டா', விக்ரம் நடிக்கும் 'துருவ நட்சத்திரம்' என இரண்டு படங்களை ஒரே நேரத்தில் இயக்கி வருகிறார் கௌதம் வாசுதேவ் மேனன். இதில் தனுஷ், மேகா ஆகாஷ் இணைந்து நடிக்கும் 'எனை நோக்கி பாயும் தோட்டா' படத்தின் முக்கால்வாசி படப்பிடிப்பு முடிவடைந்த நிலையில் பண பிரச்னையால் படம் முடங்கியது.

அதன்பிறகு, விக்ரம் நடிப்பில் 'துருவநட்சத்திரம்' படத்தின் படப்பிடிப்பை துவங்கினார் கௌதம் வாசுதேவ் மேனன். இந்த படமும் அவ்வப்போது தடைபட்டு தடைபட்டு தான் நடந்தது.

இந்நிலையில் தனுஷை வைத்து மீண்டும் எனை நோக்கி பாயும் தோட்டா படப்பிடிப்பை சென்னையில் துவங்கியுள்ளார் கௌதம் வாசுதேவ் மேனன். சென்னை ஓஎம்ஆர்., சாலை அருகே நடைபெற்று வரும் படப்பிடிப்பில் தனுஷ், மேகா ஆகாஷ் நடித்து வருகிறார்கள்.

இந்த ஷெட்யூலோடு இப்படத்தின் படப்பிடிப்பு முடிவடைந்து விடுமாம்.