இந்தியில் கங்கனா ரணாவத் நடித்த படம் குயின். இந்த படம் தற்போது தமிழ், தெலுங்கு, கன்னடம், மலையாளம் என நான்கு மொழிகளில் ரீமேக் செய்யப்பட்டு வருகிறது. அதன் தமிழ்ப்பதிப்பில் காஜல்அகர்வாலும், தெலுங்கில் தமன்னாவும், மலையாளத்தில் மஞ்சிமா மோகனும், கன்னடத்தில் பருல் யாதவும் நடிக்கிறார்கள்.

இந்த நிலையில், தற்போது கன்னடத்தில் சூப்பர் ஹிட்டான யுடர்ன் படமும் தமிழ், தெலுங்கில் ரீமேக் ஆகிறது. தமிழ் ரீமேக்கில் நயன்தாரா நடிக்க கடந்த வெள்ளியன்று திரைக்கு வந்து சத்யா படத்தை இயக்கிய பிரதீப் கிருஷ்ணமூர்த்தி அந்த படத்தை இயக்கயிருப்பதாக செய்திகள் வெளியாகியுள்ளன.

அதைத் தொடர்ந்து யுடர்ன் படத்தின் தெலுங்கு ரீமேக்கில் சமந்தா நடிக்கயிருப்பது தற்போது உறுதியாகியிருக்கிறது. ஜனவரி மாதம் முதல் அந்த படத்தின் படப்பிடிப்பு தொடங்குகிறது. இந்த யுடர்ன் படம் ஒரு மர்மக்கொலையை மையப்படுத்திய கதையில் உருவாகியிருக்கிறது.