கடந்த ஆண்டு கன்னடத்தில் வெளிவந்த படம் மம்மி. இந்தப்படத்தில் கதையின் நாயகியாக பிரியங்கா திரிவேதி நடித்துள்ளார். அஜித், விக்ரம் ஆகியோருடன் கதாநாயகியாக நடித்த இவர் நீண்ட இடைவெளிக்குப்பிறகு பிறகு நடித்த படம். அவரது மகளாக பேபி யுவினா நடித்துள்ளார்.. பா.விஜய்யின் பட்டர்பிளை, அஜித்தின் வீரம் என பல படங்களிலும் ஏகப்பட்ட விளம்பரங்களிலும் நடித்தவர் தான் பேபி யுவினா. இவர்களுடன் கிறிஸ்துவ பாதிரியாராக முக்கிய கேரக்டரில் 'கோலிசோடா' மதுசூதனன் நடித்துள்ளார்.

கோவாவில் வசிக்கும் ஒன்பது மாத கர்ப்பிணியான தாய்க்கும், அவரது 6 வயது மகளுக்கும் நடக்கும் நிகழ்வுகள் தான் இந்தப்படத்தின் கதை. ஒரு பங்களா, அதற்குள் பேய், அதன் பழிவாங்கும் போக்கு, அதற்கு ஒரு பூர்வ ஜென்ம கதை என ஹாரர் படங்களுக்கே உரிய வழக்கமான பார்முலாவில் இருந்து முற்றிலும் மாறுபட்டதாக ஹாலிவுட் பாணியில் எமோஷனல் ஹாரர் படமாக இந்தப்படம் உருவாகி இருந்தது.

'ரிச்சி' 'நிமிர்' படங்களுக்கு இசையமைத்துள்ள அஜனீஸ் லோகநாத் இந்தப்படத்திற்கு இசையமைத்துள்ளா£ர். வேணு ஒளிப்பதிவு செய்துள்ளார். இந்தப் படம் தற்போது மம்மி என்ற பெயரிலேயே மொழிமாற்றம் செய்யப்பட்டு வெளியிடப்படுகிறது. ஜே.எஸ்.கே பிலிம் கார்பரேஷன் சார்பில் ஜே.சதீஷ்குமார் வெளியிடுகிறார்.