வேலூரைச் சேர்ந்தவர் இந்துஜா. மீடியாவின் மீது மிகுந்த ஆர்வம் கொண்டிருந்தவர். மேயாதமான் பட ஆடிசனில் கலந்து கொண்டு அதில் நடிக்க தேர்வானார். அதில் ஹீரோயினாக நடித்த பிரியா பவானி சங்கரை விட இந்துஜா நடித்த கேரக்டர் தான் அதிகம் பேசப்பட்டது. வைபவின் தங்கையாக கலக்கி இருந்தார். நார்த் மெட்ராஸ் பெண்ணாக நைட்டியை மடித்து கட்டிக் கொண்டு இவர் போட்ட ஆட்டத்தை அனைவரும் ரசித்தனர். இதனால் படம் வெளிவருவதற்கு முன்பே ஹீரோயின் வாய்ப்பு கிடைத்தது.

தயாரிப்பாளர் ஆர்.கே.சுரேஷ் ஹீரோவாக நடிக்கும் பில்லா பாண்டி படத்தில் அவருக்கு ஜோடியாக நடிக்கிறார். இன்னொரு ஹீரோயினாக சாந்தினி நடிக்கிறார். இரண்டாவது படத்திலேயே ஹீரோயின் ஆகி உள்ளார் இந்துஜா. மேயாதாமான் படத்தில் சென்னை பெண்ணாக கலக்கியவர் இதில் மதுரை பெண்ணாக கலக்க இருக்கிறார். சுத்த தமிழ் பேசும் இன்னொரு நடிகையாக வளர்ந்து வருகிறார். பில்லா பாண்டி படத்தின் மூலம் நல்லதொரு எதிர்காலத்தை எதிர்நோக்கி காத்திருக்கிறார் இந்துஜா.