நடிகை நயன்தாரா தற்போது சிவகார்த்திகேயனுடன் வேலைக்காரன் படத்தில் நடித்து வருகிறார். இதன் படப்பிடிப்புகள் அனைத்தும் முடிந்து விட்ட நிலையில் பாடல் காட்சி மட்டும் பாக்கியிருந்தது. இந்த பாடல் காட்சி ராஜஸ்தான் மாநிலத்தில் உள்ள அஜ்மீர் அருகே நடந்தது. பாடல் காட்சி படமாக்கப்பட்டு முடிந்ததும் புகழ்பெற்ற அஜ்மீர் தர்காவில் வழிபட வேண்டும் என்று நயன்தாரா தனது விருப்பத்தை தெரிவித்திருக்கிறார்.
 
நாங்களும் வருகிறோம் என்று நயன்தாராவுடன் படப்பிடிப்பு குழுவினரும் கிளம்பி விட்டார்கள். ஹீரோ சிவகார்த்திகேயன், இயக்குனர் மோகன்ராஜா உள்ளிட்ட படக்குழுவினரும் அஜ்மீர் தர்காவுக்கு சென்றனர். படம் வெற்றி பெற வேண்டும் என்று அவர்கள் தர்காவில் மலர் சால்வை காணிக்கை செலுத்தி வழிபாடு செய்தனர். பின்னர் அங்கு அவர்கள் குரூப் போட்டோ எடுத்துக் கொண்டனர்.
 
நயன்தாரா நீண்ட நேரம் கண்ணீர் மல்க தர்காவில் பிரார்த்தனை செய்தாக படக் குழுவினர் தெரிவித்தார்கள்.