நடித்தது சில படங்களே என்றாலும் தமிழ், மலையாள ரசிகர்களின் மனதில் இடம்பிடித்தவர் நடிகை நஸ்ரியா. நடிகர் பஹத் பாசிலை திருமணம் செய்தபின், நடிப்பை விட்டு முழுவதுமாக ஒதுங்கி இருந்தாலும் திரும்பவும் நடிக்க வருவாரா என அவரது ரசிகர்கள் எதிர்பார்த்தனர். இந்தநிலையில் நஸ்ரியா மீண்டும் 'பெங்களூர் டேய்ஸ்' இயக்குனர் அஞ்சலி மேனன் இயக்கும் படத்தில் நடிப்பதாக கடந்த சில நாட்களாக சொல்லப்பட்டு வந்தது. இப்போது அந்தப்படத்தில் தான் நடிப்பதை நஸ்ரியாவும் உறுதி செய்து டுவீட் பண்ணியுள்ளார். இந்தப்படத்தில் பிருத்விராஜ் கதாநாயகனாக நடிக்க இன்னொரு நாயகியாக பார்வதி நடிக்கிறார்.