மனம்திறந்த ராஜ்கிரன்ஸ!!

 

 

 

தமிழ் சினிமாவில் சந்திரபாபு, நகேஷ், கவுண்டமணி வரிசையில் நகைச்சுவையில் தனி இடம் பிடித்தவர் வடிவேலு.

 

வைகைபுயல் என்று அழைக்கப்படும் வடிவேலுவை நடிகர் ராஜ்கிரன்தான் தனது ராசாவின் மனசிலே படத்தில் அறிமுகப்படுத்தினார்.

 

 

 

 

 

வடிவேலுவுக்கு வாய்ப்பு கிடைத்ததே ஒரு சுவாரசியம். தயாரிப்பாளராக இருந்தபோது தனி ரசிகர் வட்டத்தை வைத்திருந்தவர் ராஜ்கிரன். அவரின் தீவிர ரசிகரான இளங்கோ என்பரின் ஒருவரின் திருமணத்தை நடத்தி வைக்க ராஜ்கிரன் மதுரைக்கு சென்று இருந்தார்.

 

 

 

திருமணம் காலையில் முடிந்தது. இரவுதான் ரயில். எனவே இளங்கோ பேச்சு துணைக்காக வடிவேலுவை உடன் அனுப்பி வைத்தார்.

 

அவர் நாள் முழுவதும் அவருடன் இருந்து சிரிக்க சிரிக்க பேசினார். ஆனால் அவரிடம் வடிவேலு சினிமா சான்ஸ் கேட்கவில்லை. ராஜ்கிரனும் வாய்ப்பு தருவதாக கூறவில்லை.

 

இந்த நிலையில் ராசாவின் மனசில படப்பிடிப்பின்போது கவுண்டமணி சம்பளம் கொடுத்தால்தான் வருவார் இல்லையென்றால் வரமாட்டார் என மேனேஜர் கூறினார்.

 

இதனால் கோபம் அடைந்த ராஜ்கிரன் அவருக்கு போட்டியாக ஒரு நடிகரை உருவாக்க வேண்டும் என்று நினைத்தார். அப்படி யோசித்தபோது மனதில் தோன்றியவர் வடிவேலு.

 

உடனே எப்படியோ இரவோடு இரவாக வடிவேலுவுக்கு போன் மூலம் தகவல் தெரிவித்து திண்டுக்கல்லுக்கு வரவழைத்தார். கவுண்டமணிக்கு பதிலாக வடிவேலு நடிக்க தயாராக இருந்தார்.

 

அதே நேரம் கவுண்டமணியும் வந்து விட்டார். இதனால் திகைத்து போன ராஜ்கிரன் என்ன செய்வது என்று தெரியாமல் அந்த படத்தில் வடிவேலுவுக்காவே ஒரு கேரக்டரை உருவாக்கி நடிக்க வைத்தார்.

 

மேலும் அவரை தன்னுடனேயே சென்னை அழைத்து சென்று வைத்து கொண்டார். தொடர்ந்து தனது படங்களில் நடிக்க வைத்து வளர்த்து விட்டார். சொன்னதை செய்தும் காட்டி விட்டார் ராஜ்கிரன்