:

 

கமலால் எதனையும் பேசமட்டும் தான் முடியும், ஆனால் ரஜினி தான் எதையும் செய்துகாட்டுவார் என ரஜினி ரசிகர் மன்ற நிர்வாகி சீனிவாசன் பேட்டியளித்துள்ளார்.

 

அவர் அளித்துள்ள பேட்டியில், தமிழில் டுவிட் செய்பவர்கள் எல்லாம் தமிழர்கள் அல்ல, மக்களுக்கு என்ன வேண்டும் என உணர்வது அவசியம், அதை ரஜினி உணர்ந்துள்ளார்.

 

கமல் பேச மட்டுமே செய்வார், ஆனால் ரஜினி தான் செயல்படுத்துவார், கமல் மக்களின் கவனத்தை ஈர்ப்பதற்காக பேசிக்கொண்டுள்ளார். கமலுக்கு தற்போது கையில் படங்கள் இல்லை.

 

அதனால் அவர் பெரிய திரையில் இருந்து சின்ன திரைக்கு வந்துள்ளார், அதனால் தன் ஏதாவது அறிக்கைகளை விட்டுக்கொண்டுள்ளார்.

 

கமல் அரசியலுக்கு வர வேண்டும் என்றால் அவர் முன்னால் ஒரே ஒரு வாய்ப்பு தான் உள்ளது. அது அவர் ரஜினியுடன் சேர வேண்டும். ரஜினிதான் முதல்வராக வர வேண்டும் என மக்கள் விரும்புகிறார்கள்.

 

கமலுக்கு நிறைய ஃபாலோயர்கள் டுவிட்டரில் இருக்கலாம், அது தமிழக மக்கள் தொகையில் 1% மட்டுமே. மக்கள் மாற்றத்தை விரும்புகிறார்கள். அதனால் ரஜினிக்குத்தான் ஓட்டுப்போடுவார்கள்.

 

காரணம் ரஜினி தான் நேர்மையானவர், ரஜினி அரசியலுக்கு வருவதற்கான அனைத்து அடிப்படை வேலையையும் செய்துவிட்டார். தற்போது அரசாங்கம் என்று ஒன்று பெயரளவில் இயங்கிக்கொண்டுள்ளது.

 

அந்த நேரத்தில் எதற்கு அறிக்கைகளை கொடுக்க வேண்டும், ரஜினி சரியான நேரத்தில் அரசியலுக்கு வருவார், அந்த நேரத்துக்காக காத்திருக்கிறார் என்று கூறியுள்ளார்.