..........................

             

தமிழ் சினிமாவில் ஹீரோக்களையும், பட்டங்களையும் பிரிக்க முடியாது என்பது நீண்ட காலமாகவே இருந்து வருகிறது.

புரட்சித் தலைவர், நடிகர் திலகம், காதல் மன்னன், சூப்பர் ஸ்டார், உலக நாயகன், நவரச திலகம், புரட்சித் திலகம், புரட்சித் தமிழன், இளைய திலகம், காதல் இளவரசன், நவரச நாயகன், புரட்சித் தளபதி, இளைய தளபதி, அல்டிமேட் ஸ்டார், லிட்டில் சூப்பர் ஸ்டார், சின்ன தளபதி என தங்களது அபிமான நடிகர்களுக்கு பட்டங்களைச் சூட்டி அழகு பார்த்தது தமிழ் ரசிகர் கூட்டம்.

சில பட்டங்களால் ரசிகர்களால் சூட்டப்பட்டது, சில பட்டங்கள் நடிகர்களாலேயே சூட்டிக் கொள்ளப்பட்டது.

இன்றைய தமிழ்த் திரையுலகின் வசூல் நாயகர்களில் முக்கியமானவராக இருக்கும் விஜய், ‘இளைய தளபதி’ என்ற பட்டத்துடன்தான் இத்தனைக் காலமும் குறிப்பிடப்பட்டு வந்தார்.

இன்று வெளியான ‘மெர்சல்’ படத்தின் முதல் பார்வையில் விஜய்யின் ‘இளைய தளபதி’ பட்டம் பதவி உயர்வு பெற்று ‘தளபதி’ யாக மாற்றப்பட்டுள்ளது.

நேற்று, ‘இளைய தளபதி’, இன்று ‘தளபதி’, நாளைஸ.அந்தப் பட்டம் என்னவாக மாறும் என்பது விஜய்க்கு மட்டுமே தெரியும்.

அரசியலில் திமுக செயல் தலைவர் ஸ்டாலின் மட்டுமே நீண்ட நாட்களாக ‘தளபதி’ என கட்சித் தொண்டர்களால் அழைக்கப்பட்டு வந்தார்.

இப்போது விஜய்யும் தன் பெயருடன் ‘தளபதி’ என போட்டுக் கொண்டுள்ளது என்ன சர்ச்சையை ஏற்படுத்தும் என்பது இனிதான் தெரிய வரும்.

இராம நாராயணின் ஆசியுடன் தேனாண்டாள் ஸ்டுடியோஸ் லிமிடட் தயாரிக்கும் 100வது படமாக வளர்ந்து வரும் படத்திற்கு ‘மெர்சல்’ என்ற தலைப்பை சற்று முன் அதிகாரப்பூர்வமாக அறிவித்து படத்தின் முதல் பார்வையையும் வெளியிட்டுள்ளார்கள்.

இப்படத்தில் விஜய்யுடன் எஸ்.ஜே.சூர்யா, சத்யராஜ், காஜல் அகர்வால், சமந்தா, நித்யா மேனன், வடிவேல், கோவை சரளா, சத்யன், யோகிபாபு, மற்றும் பலர் நடித்து வருகின்றனர்.

இதன் ஆடியோ வெளியீட்டு விழாவை ஆகஸ்ட் மாதம் பிரம்மாண்டமாக நடத்த ஏற்பாடுகள் நடைபெற்று வருகிறது.

ஏ.ஆர். ரகுமான் இசையில் கவிஞர் விவேக் பாடல்கள் எழுத ஜி.கே.விஷ்ணு ஒளிப்பதிவையும், ரூபன் படத்தொகுப்பையும், அனல் அரசு சண்டைபயிற்சியையும், விஜயேந்திரபிரசாத் மற்றும் ரமணகிரிவாசன் இருவரும் திரைக்கதையையும், ஷோபி நடனப் பயிற்சியையும் கவனிக்கின்றனர்.

அக்டோபர் மாதம் உலகமெங்கும் வெளிவர பிரமாண்டமாக உருவாகி வரும் இப்படத்தை தேனாண்டாள் ஸ்டுடியோஸ் லிமிடட் சார்பில் முரளிராமசாமி, ஹேமாருக்மணி தயாரிக்கிறார்கள்.

இப்படத்தை அட்லி கதை, திரைக்கதை வசனம் எழுதி இயக்கி வருகிறார்