சினிமா துளிகள் பாலிவுட்டில் வெளிவந்த குயின் படத்தின் தமிழ் ரீமேக்கில் தமன்னா!
29 Nov,2016
பியா பாஜ்பாய் புகை எதிர்ப்பு புகைப்படத்தை கிண்டல் செய்த ரசிகர்கள்!
இப்போது உள்ள படங்களில் புகை, மதுபானம் போன்ற பொருள்கள் இடம்பெறாமல் இல்லை. ஆனால் முன்னணி நடிகர்களான ரஜினி, விஜய், அஜித் என அனைவரும் தங்கள் படங்களில் புகை போன்ற விஷயங்களை முற்றிலுமாக ஒழித்து வருகின்றனர்.இந்நிலையில் நடிகை பியா பாஜ்பாய் புகையிலை உயிரை பறிக்கும் என்ற வாசகத்துடன், சிகரெட் புகைப்பது போன்ற படத்தை சமூக வலைதளத்தில் வெளியிட்டு உள்ளார்.இதற்கு ஏராளமான ரசிகர்கள் வரவேற்பு கொடுத்து வருகின்றனர். ஆனால் ஒரு சில ரசிகர்களோ அவரது புகைப்படத்தையும், உடையையும் கலாய்த்து வருகின்றனர்.
எப்படி இருந்த நாயகி இப்படி ஆகிட்டாரே புலம்பும் ரசிகர்கள்!
விஜய்யுடன் மதுர என்ற படத்தில் அவருக்கு நாயகியாக நடித்தவர் ரக்ஷிதா. இவர் அப்பு என்ற கன்னட படம் மூலம் நாயகியாக அறிமுகமாகி அப்படியே தெலுங்கு மற்றும் தமிழ் படங்களிலும் நடித்து வந்தார்.கன்னட இயக்குனர் பிரேம் என்பவரை திருமணம் செய்த இவர் நடிப்புக்கு முழுக்கு போட்டு இப்போது ஒரு குழந்தைக்கு தாயாகி இருக்கிறார்.இந்நிலையில் பொது இடத்தில் இவரை அடையாளம் கண்ட ஒரு ரசிகர் அவரை புகைப்படம் எடுத்து வலைதளங்களில் பதிவேற்றியுள்ளார். இந்த புகைப்படங்களை கண்டவர்கள் எப்படி இருந்த நாயகி இப்படி ஆகிட்டாரே என புலம்பி வருகின்றனர்.
நான்கு வயது குழந்தைக்கு அம்மாவாக நடிக்கும் நயன்தாரா!
நயன்தாரா தற்போது சோலோ ஹீரோயினாகவே பல படங்களில் கலக்கி வருகிறார். இதில் ஒரு படம் தான் இமைக்கா நொடிகள். இப்படத்தில் இவருடன் அதர்வாவும் நடிக்கின்றார், இதில் நயன்தாரா 4 வயது குழந்தைக்கு அம்மாவாக நடித்து வருவதாக கூறப்படுகின்றது.மேலும், இதற்காக படத்தில் பல காட்சிகளில் மேக்-அப் இல்லாமலேயே நடிக்கின்றாராம்.இவை எந்த அளவிற்கு ரசிகர்களை கவரும் என்பதை பொறுத்திருந்து பார்ப்போம்.
பாலிவுட்டில் வெளிவந்த குயின் படத்தின் தமிழ் ரீமேக்கில் தமன்னா!
பாலிவுட்டில் கங்கனா ரணாவத் நடிப்பில் கடந்த 2014-ஆம் ஆண்டு வெளிவந்து மாபெரும் வெற்றி பெற்ற படம் ‘குயின்’. இப்படத்தை தமிழில் ரீமேக் செய்யும் உரிமையை பிரபல இயக்குனரும், தயாரிப்பாளரும், நடிகருமான தியாகராஜன் வாங்கியிருந்தார். இந்நிலையில், இப்படத்தை ரேவதி இயக்குவதாக அறிவிக்கப்பட்டது. சுஹாசினி மணிரத்னம் வசனம் எழுதவுள்ளார். இந்நிலையில், இப்படத்தில் கங்கணா ரணாவத் நடித்த கதாபாத்திரத்தில் யார் நடிப்பார்? என்ற பெரிய கேள்வி எழுந்து வந்தது. அந்த கேள்விக்கு தற்போது விடை கிடைத்துள்ளது. அதன்படி, இப்படத்தில் நாயகியாக தமன்னா நடிக்கவிருப்பதாக செய்திகள் வெளியாகியுள்ளது.
இப்படம் ரீமேக்காக இல்லாமல் தமிழுக்கு ஏற்ற வகையில் சில மாற்றங்களையும் செய்யவிருக்கிறார்களாம். திருமணத்திற்கு முதல் நாள் நாயகியின் திருமணம் நின்றுபோக, தனது தேனிலவிற்கு வாங்கிய டிக்கெட்களை எடுத்துக் கொண்டு கதாநாயகி வெளிநாடு போகிறாள். அந்தப் பயணத்தில் ராணியின் வாழ்க்கை எப்படி மாறுகிறது, மீண்டும் இந்தியா திரும்பும் நாயகி திருமணம் குறித்து எடுக்கும் முடிவு ஆகியவை தான் படத்தின் கதை.கடந்த 2014ம் ஆண்டின் சிறந்த படத்திற்கான தேசிய விருது இப்படத்திற்கு கிடைத்தது. மேலும் இப்படம் ரூ. 110 கோடிக்கு மேல் வசூல் சாதனை புரிந்துள்ளது.
புதிய படத்திலிருந்து ஜி.வி.பிரகாஷை கழட்டிவிட்ட இளைய தளபதி!
இளைய தளபதி விஜய் தனக்கு எது சரி என தோன்றுகின்றதோ அதை தான் செய்வார். அப்படித்தான் பல முன்னணி இயக்குனர்கள் தன் படத்தை இயக்க ரெடியாக இருந்த போது பரதனுக்கு கால்ஷிட் கொடுத்தார்.இந்நிலையில் அட்லீ-விஜய் அடுத்து இணையும் படத்தில் முதலில் ஜி.வி தான் இசையமைப்பாளராக இருந்தார். இடையில் என்ன நடந்தது என்று தெரியவில்லை, தற்போது ஏ.ஆர்.ரகுமான் இசையமைப்பாளராக கமிட் செய்துவிட்டார்கள். விஜய்க்காக சமூக வலைத்தளங்களில் எல்லாம் சண்டைப்போட்டது வீணாகிவிட்டதே என ஜி.வி புலம்பினாலும் ஆச்சரியமில்லை.