அந்த விஷயத்தில் மட்டும் மிகவும் தீர்மானமான முடிவில் இருக்கிறாராம் கீர்த்தி சுரேஷ்!

கீர்த்தி சுரேஷ் நம்பர் 1 இடத்தை நோக்கி வேகமாக வளர்ந்து வரும் நடிகை. இவர் தற்போது விஜய்க்கு ஜோடியாக பைரவா படத்தில் நடித்து வருகிறார்.இந்நிலையில் இவர் ஒரு விஷயத்தில் மட்டும் மிகவும் தீர்மானமான முடிவில் இருக்கிறாராம், அது வேறு ஒன்றும் இல்லை, சினிமாவில் நடிக்கும் வரை எந்த ஒரு கிசுகிசுவிலும் சிக்க கூடாது என்பது தான்.
 
படப்பிடிப்பு தளத்தில் கூட தேவையில்லாத அரட்டையெல்லாம் அடிக்கமாட்டாராம், அவருக்கான காட்சியை முந்தைய நாளே கேட்டு தெரிந்துக்கொண்டு தான் அடுத்த நாள் படப்பிடிப்பிற்கே வருவாராம்.

பைரவா படப்பிடிப்பில் கலாய்த்த விஜய்!

இளைய தளபதி விஜய் என்றாலே அமைதியானவர் என்று தான் சொல்வார்கள். ஆனால், அவருடன் நடிப்பவர்களுக்கு தான் தெரியும், விஜய் எத்தனை ஜாலியான மனிதர் என்று. சமீபத்தில் பைரவா படப்பிடிப்பில் நடந்த ஒரு விஷயத்தை சதீஷ் ஒரு நிகழ்ச்சியில் தொலைப்பேசி வாயிலாக கூறுகையில் ‘இந்த படத்தில் தற்போது நடனக்காட்சி எடுத்து வருகிறார்கள்.நான் ரிகர்சல் செய்வதை விஜய் சார் பார்த்துக்கொண்டே இருந்தார், அருகில் வந்து ”என்ன பண்றீங்க” என கேட்டார், நான் “ரிகர்சல் பண்ணிட்டு இருக்கேன் சார்” என்று கூறினேன்.
 

அவர் என்னை ஒரு மாதிரி பார்த்து “அப்போ நான் பண்ணிட்டு இருக்குறது பேரு என்ன” என்று கேட்க ஒட்டு மொத்த யூனிட்டும் சிரிக்க தொடங்கியது’ என கூறியுள்ளார்.

காதலர் படம் ஹிட் ஆனதால் மகிழ்ச்சியில் சமந்தா!

சமந்தா தற்போது ஒரு சில படங்களில் மட்டுமே நடித்து வருகிறார். கூடிய விரைவில் நடிகர் நாக சைதன்யாவை திருமணம் செய்துக்கொண்டு செட்டில் ஆகவுள்ளார். திருமணத்திற்கு பிறகு இவர் நடிப்பாரா? என்பது தெரியவில்லை. இந்நிலையில் சமந்தா செம்ம சந்தோஷத்தில் தற்போது உள்ளாராம்.அதற்கு முக்கிய காரணம் நாக சைதன்யா நடித்த தெலுங்கு ப்ரேமம் படம் ஓடுமா? ஓடாதா? என்று பலரும் குழப்பத்தில் இருக்க, படம் செம்ம ஹிட் அடித்துள்ளது. இதுவரை வந்த நாக சைதன்யா படங்களிலேயே இது தான் பிரமாண்ட ஓப்பனிங் கிடைத்துள்ளது, காதலர் படம் ஹிட் ஆனதால் செம்ம மகிழ்ச்சியில் உள்ளாராம் சமந்தா.
  

கார்த்திக்காக விட்டுக்கொடுக்கும் விஷால்!

விஷால் நடிகர் சங்க பொறுப்பு ஏற்று பல அதிரடி முடிவுகளை எடுத்து வருகிறார். இவருக்கு பக்க பலமாக இருந்து செயல்படுபவர் கார்த்தி தான்.இந்நிலையில் இந்த தீபாவளிக்கு விஷாலின் கத்திச்சண்டை, கார்த்தியின் காஷ்மோரா ஆகிய படங்கள் திரைக்கு வரவிருந்தது.ஆனால், காஷ்மோரா மிகவும் பெரிய பட்ஜெட் படம், சமீபத்தில் வந்த இப்படத்தின் ட்ரைலர் கூட ரசிகர்களை மிகவும் கவர்ந்தது. .

தற்போது விஷால், கார்த்திகாக தன் கத்திச்சண்டை படத்தை நவம்பர் மாதத்திற்கு தள்ளிப்போட்டுள்ளார்

மேடையில் கண்ணீருடன் உண்மையை உடைத்த சிவகார்த்திகேயன்!

சிவகார்த்திகேயனை இன்று பெரிய நட்சத்திரமாக தான் எல்லோருக்கும் தெரியும். ஆனால், அவர் இந்த உயரத்தை அடைய எத்தனை துயரங்களை கடந்து இருக்க வேண்டும் என்பது அவர் மட்டுமே அறிந்தது.இந்நிலையில் சமீபத்தில் டிடி தொகுத்து வழங்கிய ஒரு நிகழ்ச்சியில் பேசிய இவர் ‘எல்லோரும் நான் லக்கில் வந்தேன் என்றார்கள், எனக்கு லக் இருந்தது என்றால் என் அப்பாவை ஏன் இளம் வயதில் இழந்தேன்?.இதே தொலைக்காட்சியில் தொகுப்பாளர் போட்டியில் நான் தோற்றேன், ஆனால், அதற்காக நான் சோர்ந்து உட்காரவில்லை.
 

மீண்டும் கடினமாக உழைத்தேன், இதே தொலைக்காட்சியில் தொகுப்பாளார் ஆனேன், மேலும் தொலைக்காட்சியில் இருந்து சென்றவர் தோற்றால், நானே எல்லோருக்கும் ஒரு தவறான உதாரணம் ஆகிவிடுவேன், அதற்காக கடினமாக உழைக்கின்றேன்’ என உருக்கமாக கண் கலங்கி பேசினார்.

மாதவன் நடிக்கும் படத்தில் வில்லனாக பிரபல பாலிவுட் நாயகன்!

இறுதிச்சுற்று வெற்றிக்கு பின் வெறும் இரண்டு தமிழ் இயக்குனர்களின் படங்களை மட்டுமே ஒப்புக்கொண்டுள்ளார் மாதவன்.கரு. பழனியப்பன் இயக்கத்தில் ஒரு படமும் , களவாணி சற்குணம் இயக்கத்தில் ஒரு படமும் ஒப்புக்கொண்டுள்ளார். சற்குணம் படத்தில் இவருக்கு வில்லனாக நடிக்க பிரபல பாலிவுட் நாயகன் ஜாக்கி ஷெராஃபுடன் பேச்சுவார்த்தை நடந்து வருகிறதாம்.விரைவில் இப்படத்தை பற்றியும், வில்லனை பற்றிய அறிவிப்பும் வெளிவரும் என்கிறார்கள்.