தாய்லாந்து நாட்டின் பாங்காக் அருங்காட்சியகத்தில், பாகுபலி மெழுகுச் சிலை இடம்பெற உள்ளது. எஸ்.எஸ்.ராஜமவுலி இயக்கத்தில், பிரபாஸ், ராணா டகுபதி, அனுஷ்கா, தமன்னா உள்ளிட்ட பலர் நடித்த படம், பாகுபலி. இதன் இரண்டாம் பாகம், தற்போது தயாராகி வருகிறது. பாகுபலி படம், பல்வேறு விருதுகளை குவித்துள்ளது. அந்த வரிசையில், உலக புகழ்பெற்ற, பாங்காக், 'மேடம் டுசாட்ஸ்' அருங்காட்சியகத்தில், பாகுபலி மெழுகுச் சிலை நிறுவப்பட உள்ளது.

இதுகுறித்து, பிரபாஸ் கூறுகையில், ''மேடம் டுசாட்ஸ் அருங்காட்சியகம், என்னை தேர்வு செய்தது மகிழ்ச்சியை தருகிறது. நான் ஏற்ற பாகுபலி வேட மெழுகுச் சிலையை, வடிவமைத்து வருகிறது. அதற்கு காரணமான, என் ரசிகர்கள், குரு ராஜமவுலி ஆகியோருக்கு நன்றி,'' என்றார்.