உதயநிதி, பார்த்திபன் இணையும் பொதுவாக என் மனசு தங்கம்

எழில், கௌரவ் இயக்கங்களில் தலா ஒரு படம் நடித்துவரும் உதயநிதி இன்று தனது அடுத்தப் படத்தை தேனியில் தொடங்கினார்.
 
எழில் இயக்கிவரும் சரவணன் இருக்க பயமேன் படம் முக்கால்வாசி முடிந்துள்ளது. கௌரவ் இயக்கும் படம் தற்போதுதான் தொடங்கப்பட்டுள்ளது. இந்நிலையில் உதயநிதி பார்த்திபனுடன் இணைந்து நடிக்கும் படம் தொடங்கப்பட்டுள்ளது. அறிமுக இயக்குனர் தளபதி பிரபு இயக்கும் இந்தப் படத்துக்கு, பொதுவாக என் மனசு தங்கம் என்று பெயரிட்டுள்ளனர்.
 
சூரி, நிவேதா, மயில்சாமி ஆகியோரும் நடிக்கின்றனர்.  டி.இமான் இசையமைக்கிறார்.

ஜனவரியில் விஜய்யின் புதுப்படம், அட்லி இயக்குகிறார்

பரதன் இயக்கத்தில் பைரவா படத்தில் விஜய் நடித்து வருகிறார். விரைவில் இதன் படப்பிடிப்பு நிறைவடைய உள்ளது. 2017 பொங்கலுக்கு படத்தை வெளியிடுகின்றனர்.

அதனைத் தொடர்ந்து ஸ்ரீ தேனாண்டாள் ஃபிலிம்ஸுக்கு விஜய் கால்ஷீட் கொடுத்துள்ளார். பலரிடம் கதை கேட்டு இறுதியில் அட்லியை இயக்குனராக ஒப்பந்தம் செய்துள்ளனர். அவர் விஜய்யை மீண்டும் இயக்குவது உறுதியாகியுள்ளது.
 
2017 ஜனவரியில் படப்பிடிப்பை தொடங்க திட்டமிட்டுள்ளனர்.

முருகதாஸ் படத்தில் உளவுத்துறை அதிகாரியாக நடிக்கும் மகேஷ்பாபு

ஏ.ஆர்.முருகதாஸ் இருமொழிகளில் இயக்கிவரும் படத்தில் மகேஷ்பாபு உளவுத்துறை அதிகாரியாக நடிக்கிறார்.
 
இந்தி அகிரா படத்தைத் தொடர்ந்து மகேஷ்பாபு நடிக்கும் படத்தை தமிழ், தெலுங்கில் முருகதாஸ் இயக்கி வருகிறார். வில்லனாக எஸ்.ஜே.சூர்யா நடிப்பதாக கூறப்படுகிறது. ராகுல் ப்ரீத் சிங் நாயகி.
 
இந்தப் படத்தில் மகேஷ்பாபு உளவுத்துறை அதிகாரியாக நடிப்பதாக கூறப்படுகிறது. சந்தோஷ் சிவன் ஒளிப்பதிவு செய்ய, ஹாரிஸ் ஜெயராஜ் படத்துக்கு இசையமைக்கிறார்.

சூர்யாவின் 'எஸ்3' படம் ரிலீஸ் தேதி அறிவிப்பு!

ஹரி இயக்கத்தில், சிங்கம், சிங்கம் 2 படங்களைத் தொடர்ந்து 'சிங்கம்' 3 ஆம் பாகமான 'எஸ்3' படத்தில் சூர்யா நடித்து வருகிறார்.
 
ஸ்டுடியோ கிரீன் தயாரிப்பில் உருவாகி வரும் இப்படம் டிசம்பர் 16 ஆம் தேதி ரிலீஸ் செய்யப்படும் என அதிகாரப்பூர்வமாக அறிவிக்கப்பட்டுள்ளது.
 
இதில் சூர்யாவுக்கு ஜோடியாக அனுஷ்காவும், பத்திரிக்கையாளர் வேடத்தில் ஸ்ருதி ஹாசனும் நடித்து வருகிறார்கள். மேலும், இப்படத்திற்கு ஹாரிஸ் ஜெயராஜ் இசையமைக்கிறார்.
 
இப்படத்தின் இறுதிகட்ட படப்பிடிப்பு தற்போது விறுவிறுப்பாக நடைபெற்று வருகிறது.

இறுதிகட்டத்தில் கே.வி.ஆனந்த், விஜய் சேதுபதி படம்

மாற்றான், அனேகன் படங்களைத் தொடர்ந்து கே.வி.ஆனந்த் விஜய் சேதுபதி மற்றும் டி.ஆரை வைத்த படம் இயக்கி வருகிறார். ஏஜிஎஸ் என்டர்டெய்ன்மெண்ட் இந்தப் படத்தை தயாரிக்கிறது.

வழக்கம்போல் திரைக்கதையில் எழுத்தாளர்கள் சுபா பங்களிப்பு செலுத்தி உள்ளனர். இந்தப் படத்தில் கூடுதலாக மதன் கார்க்கியும் இருக்கிறார்.
 
மடோனா செபஸ்டின் நாயகியாக நடித்துவரும் இந்தப் படத்தின் முக்கால்வாசி காட்சிகள் படமாக்கப்பட்டுள்ளதாக கே.வி.ஆனந்த் கூறியுள்ளார். விரைவில் பிறக் காட்சிகளையும் முடிக்க உள்ளனர்.
 
பாடல் காட்சிகளுக்காக வெளிநாடு செல்லவும் திட்டம் உள்ளதாம். இன்னும் பெயரிடப்படாத இந்தப் படத்தில் வில்லன் விஜய் சேதுபதியா இல்லை டி.ஆரா என்ற சுவாரஸியக் கேள்வி இன்னும் பதிலளிக்கப்படாமலே உள்ளது.