கடும் கோபத்தில் நயன்தாரா!



  
.
'வாயை திறக்காமல் மவுன விரதம் இருந்தாலும், என்னைப் பற்றி, அவ்வப்போது, ஏதாவது வதந்தியை பரப்புகின்றனர்; இவர்களை என்ன செய்வது'

என, கடும் கோபத்தில் இருக்கிறாராம் நயன்தாரா. தான் நடிக்கும் படங்களில், புரமோஷன் நிகழ்ச்சிகளில் பங்கேற்பது இல்லை நயன். இதனால், படத் தயாரிப்பாளர்கள், இவர் மீது கோபத்தில் இருந்தாலும், ரசிகர்களிடம் இருக்கும் செல்வாக்கு காரணமாக, அவருக்கு தொடர்ந்து படங்கள், 'புக்' ஆகின்றன. ஆனாலும், நயன்தாரா நடிக்க சம்மதிக்காத படங்களில் எல்லாம், அவர் நடிப்பதாக சிலர் வதந்தியை பரப்பி விடுகின்றனராம். இதுதான், அவரது கோபத்திற்கு காரணமாம். தற்போதைக்கு, டோரா, காஷ்மோரா ஆகிய இரு படங்களில் மட்டும் தான், நடிக்கிறாராம் நயன்தாரா.

வித்தியாசமான கதாபாத்திரங்களை விரும்பும் அனுஷ்கா

அனுஷ்கா வித்தியாசமான கதாபாத்திரங்களில் நடிக்க ஆர்வம் காட்டுகிறார். கதாநாயகிக்கு முக்கியத்துவம் அளிக்கும் கதைகளில் மட்டுமே நடிக்க சம்மதிக்கிறார்.
‘ஓம் நமோ வெங்கடேசாய’ என்ற பக்தி படத்தில் அனுஷ்காவின் வித்தியாசமான தோற்றம்.
‘ஓம் நமோ வெங்கடேசாய’ என்ற பக்தி படத்தில் அனுஷ்காவின் வித்தியாசமான தோற்றம்.
அனுஷ்கா சினிமாவுக்கு வந்து 10 வருடங்கள் ஆகிறது. ஆரம்பத்தில் நடித்த படங்களில் அவருக்கு முக்கியத்துவம் இல்லாத கதாபாத்திரங்களே அமைந்தன. காதல் காட்சிகளிலும் டூயட் காட்சிகளிலும் மட்டுமே பயன்படுத்தினர். ஆனால் அருந்ததி படம் அவருக்கு திருப்பு முனையை ஏற்படுத்தியது. அனுஷ்காவை மையப்படுத்திய அந்த படம் அவரது நடிப்பு திறமையை வெளிப்படுத்தியது. மந்திரவாதியிடம் ஆக்ரோஷமாக மோதும் காட்சிகளில் மிரளவைத்தார்.

அதன்பிறகு முன்னணி டைரக்டர்கள் பார்வை அவர் பக்கம் திரும்பியது. அனுஷ்காவை மனதில் வைத்து கதைகள் தயார் செய்தார்கள். வானம் படத்தில் மற்ற கதாநாயகிகள் நடிக்க தயங்கும் விலைமாது கதாபாத்திரத்தில் துணிச்சலாக வந்தார். இரண்டாம் உலகம் படத்தில் வாள் சண்டையுடன் அதிரடி கதாபாத்திரத்தில் நடித்தார். பாகுபலி படத்தில் அடிமை சங்கிலியில் பிணைக்கப்பட்ட ராணி வேடத்தில் வந்தார்.

ருத்ரமாதேவி படத்திலும் ராணி வேடத்தில் கதாநாயகர்களுக்கு இணையாக அதிரடி சண்டை காட்சிகளில் நடித்து ரசிகர்களை கவர்ந்தார். இஞ்சி இடுப்பழகி படத்தில் 15 கிலோ எடை கூட்டி குண்டு பெண்ணாக வந்து ஆச்சரியப்படுத்தினார். பாக்மதி என்ற சரித்திர கதையம்சம் உள்ள படத்தில் தற்போது வித்தியாசமான கதாபாத்திரத்தில் நடித்து வருகிறார். நாகார்ஜுனாவுடன் ஓம் நமோ வெங்கடேசாய என்ற பக்தி படத்திலும் நடித்துள்ளார்.

இதில் ஏழுமலையானின் பக்தையாக வருகிறார். இந்த படத்தில் அவரது தோற்றம் வெளியாகி உள்ளது. இது தனக்கு இன்னொரு முக்கிய படமாக இருக்கும் என்று எதிர்பார்க்கிறார். தொடர்ந்து வித்தியாசமான கதாபாத்திரங்களில் நடிக்க அனுஷ்கா ஆர்வம் காட்டுகிறார். கதாநாயகிக்கு முக்கியத்துவம் அளிக்கும் படங்களில் மட்டுமே நடிப்பது என்றும் முடிவு செய்துள்ளார்.              

நாகசைதன்யா, சமந்தா திருமணம் : விரைவில் அறிவிப்பு ?

தெலுங்கு நடிகர் நாகார்ஜுனாவின் மூத்த மகன் நடிகர் நாக சைதன்யாவிற்கும், தமிழ், தெலுங்கு நடிகையான சமந்தாவிற்கும் நடக்க உள்ள திருமணம்

பற்றி விரைவில் அறிவிப்பு வெளியாகும் எனத் தெரிகிறது. நாகார்ஜுனா தயாரிப்பில் தெலுங்கு நடிகர் ஸ்ரீகாந்த் - முன்னாள் தமிழ், தெலுங்கு நடிகையான சிவரஞ்சனி ஆகியோரின் மகன் ரோஷன் நாயகனாக அறிமுகமாகும் 'நிர்மலா கான்வென்ட்' படத்தின் பத்திரிகையாளர் சந்திப்பில் நாகார்ஜுனா இந்தத் தகவலை வெளியிட்டுள்ளார்.

“ஒரு நல்ல நாளில் நான் அனைத்தையும் வெளிப்படையாக விவரமாகச் சொல்கிறேன்,” என பத்திரிகையாளர் ஒருவரின் கேள்விக்கு பதிலளிக்கும் போது நாகார்ஜுனா தெரிவித்துள்ளார். சமந்தா ஏற்கெனவே நாக சைதன்யா குடும்பத்தினருடன் விழாக்களில் கலந்து கொள்ள ஆரம்பித்துள்ளார். அவரை இப்போதே தங்கள் வீட்டுப் பெண்ணாக நாகார்ஜுனா குடும்பத்தினர் ஏற்றுக் கொண்டுள்ளார்கள். அதே போல நாகார்ஜுனா - அமலா தம்பதியினரின் மகனான அகில், ஐதராபாத்தைச் சேர்ந்த ஒரு பிஸினஸ்மேனின் மகளைக் காதலிப்பதாகவும் ஏற்கெனவே செய்திகள் வெளிவந்துள்ளன.

தற்போது நாக சைதன்யா, அகில் ஆகியோரது திருமணங்கள் ஒரே நாளில் நடக்குமா அல்லது முதலில் நாக சைதன்யாவுக்குத் திருமணம் நடக்குமா என டோலிவுட்டில் பேச ஆரம்பித்துவிட்டார்கள். போகிற வேகத்தைப் பார்த்தால் சிவகார்த்திகேயன் ஜோடியாக சமந்தா நடிக்க சம்மதித்துள்ள படத்திலிருந்து விலகிக் கொண்டாலும் ஆச்சரியப்படுவதற்கில்லை.
 ராஜ்கிரணின் மனைவியாகும் நதியா!

   ராஜ்கிரணின் மனைவியாகும் நதியா!

பூவே பூச்சூடவா, உயிரே உனக்காக படங்கள் மூலம் தமிழில் பிரபல நாயகியானவர் நதியா. அதையடுத்து ஒரு பெரிய ரவுண்டு வந்த அவர், பிரபுவுடன்

நடித்த ராஜகுமாரன் படத்திற்கு பிறகு திருமணம் செய்து கொண்டு 1994-ல் நடிப்புக்கு குட்பை சொன்னவர், பின்னர் 2004-ல் எம்.குமரன் சன்ஆப் மகாலட்சுமி படத்தில் ரீ-என்ட்ரி கொடுத்தார். தொடர்ந்து தாமிரபரணி, சண்ட உள்பட சில படங்களில் நடித்த நதியா, தற்போது தனுஷ் இயக்கும் பவர்பாண்டி படத்தில் ராஜ்கிரணுக்கு ஜோடியாக நடிக்கிறார்.

கதைப்படி இந்த படத்தில் ராஜ்கிரணுக்கு மனைவியாக நதியா நடிக்கிறாராம். மேலும், தனுஷின் தந்தை கஸ்தூரிராஜா இயக்கிய முதல் படமான என்ராசாவின் மனசிலே படத்தில் ராஜ்கிரணுக்கு ஜோடியாக நடித்த மீனாவைதான் இந்த படத்தில் நடிக்க வைக்க திட்டமிடப்பட்டிருந்ததாம். ஆனால், தற்போது மீனாவை விட நதியாவே மார்க்கெட்டில் இருப்பதால் அவர் ராஜ்கிரணுக்கு ஜோடியாகி விட்டாராம் தனுஷ். அதே படத்தில் சாயாசிங், பிரசன்னா ஆகியோரும் முக்கிய வேடங்களில் நடிக்கிறார்கள்.

  சிம்புவுக்கு ஜோடியாகும் தமன்னா

'த்ரிஷா இல்லானா நயன்தாரா' என்ற ஆபாசப்படத்தை இயக்கிய ஆதிக் ரவிச்சந்திரன் இயக்கத்தில் சிம்பு நடிக்கும் ஏஏஏ என்கிற 'அன்பானவன்

அசராதவன் அடங்காதவன்' படத்தின் படப்பிடிப்பு நடைபெற்று வருகிறது. இந்தப் படத்தை தயாரிப்பவர் மைக்கேல் ராயப்பன். முன்னாள் எம்.எல்.ஏ.வான இவர் தற்போது ஆளுங்கட்சியில் இருக்கிறார்.

படப்பிடிப்புக்கு மட்டம் போடுதல் போன்றவைகள் எல்லாது கூடாது என்று ஏகப்பட்ட கண்டிஷன் போட்டு படத்தை ஆரம்பித்துள்ளார் ராயப்பன். இதனால் அதனால் ஒழுங்காக படப்பிடிப்புக்கு வந்து போகிறாராம் சிம்பு.

இதனிடையே இந்தப் படத்தில் சிம்புவுக்கு மூன்று வேடங்கள். ஒரு கேரக்டருக்கு ஜோடியாக ஸ்ரேயா நடிக்கிறார். இவர்கள் சம்பந்தப்பட்ட காட்சிகளின் படப்பிடிப்பு திண்டுக்கல் பகுதியில் முடிந்து விட்டதாம்! சிம்புவின் இன்னொரு கேரக்டருக்கு ஜோடியாக நடிக்க தமன்னா ஒப்பந்தமாகியிருக்கிறார். சிம்புவுடன் தமன்னா இணைந்து நடிக்கும் முதல் படம் இது. ஸ்ரேயா, தமன்னா தவிர சிம்புவுக்கு இன்னொரு ஜோடியும் உண்டு. அந்த கேரக்டரில் நடிக்க ஹன்சிகாவுக்கு தூது விட்டுக் கொண்டிருக்கிறார்கள்.