சராசரி மக்களுக்கு சொந்த வீடு ஒரு வாழ்நாள் கனவு. வசதி படைத்தவர்களுக்கு போர்ட் கிளப் ஏரியாவில் பங்களா வாங்குவது கனவு. இன்னும் வசதியானவர்களுக்கு கிழக்கு கடற்கரை சாலையில் ஒரு பார்ம் ஹவுஸ் கட்டுவது கனவு.

அதுபோல பிரபல நடிகர்களுக்கு துபாய் கடலுக்கு நடுவில் பங்களா வாங்குவது கனவு.

துபாயில் கடலை மேடாக்கி ஈச்ச மரத்தின் வடிவில் ஒரு நகரை உருவாக்கி இருக்கிறார்கள். இங்கு வீடு வாங்கி குடியிருந்தால் பூமியிலேயே சொர்க்கத்தை அனுபவிக்கலாம் என்கிறார்கள்.

மோகன்லால், மம்முட்டி, ஸ்ரீதேவி, ஷாருக்கான், சல்மான்கான் ஆகியோருக்கு அங்கு எற்கெனவே பங்களா உள்ளது. இப்போது ஐஸ்வர்யாராயும் அங்கு ஒரு பங்களாவை வாங்கி உள்ளார்.

பிரமாண்ட நீச்சல்குளம், சுற்றிலும் ஈச்ச மரம். மினி தியேட்டர், பெரிய உடற்பயிற்சிக்கூடம், தியானகூடம், 9 படுக்கை அறைகள், ஒரு மீட்டிங்ஹால், ஒரு வரவேற்பு ஹால் கணினிமயமாக்கப்பட்ட  பாதுகாப்பு வசதி இத்தனை வசதிகளும் கொண்ட  இந்த வீட்டின் மதிப்பு 54 கோடி ரூபாய்.

இது ஐஸ்வர்யாராயின் ஒரு வருட வருமானம்.

ஏற்கெனவே கணவருடன் தனிக்குடித்தனத்தை ஐஸ்வர்யா வற்புறுத்தி வரும் நிலையில் அவரின் இந்த தனி வீடு குடும்பத்துக்குள் லேசான புகைச்சலையும் கிளப்பி இருப்பதாகச் சொல்கிறார்கள்.

‛சிங்கம்-3யை தொடர்ந்து ‛சாமி-2 : ஹரி அறிவிப்பு

துபாயில் கடலுக்கு நடுவில் பங்களா வாங்கிய ஐஸ்வர்யாராய் thumbவிக்ரம், சூர்யா இருவருக்கும் கமர்ஷியல் ரீதியாக மிகப்பெரிய வெற்றியை கொடுத்தவர் இயக்குநர் ஹரி.

இருவரையும் போலீஸ் ரோலில் நடிக்க வைத்து இருவரின் சினிமா கேரியரிலும் ஒரு கம்பீரத்தை தந்தார். தமிழ் படத்தின் மூலம் சினிமாவில் இயக்குநராக அறிமுகமான ஹரி, தனது இரண்டாவது படத்திலேயே விக்ரமுடன் ‛சாமி என்ற படத்தில் இணைந்தார்.

இப்படம் விக்ரமிற்கு பெரிய வெற்றி படமாக அமைந்தது. அதன்பின்னர் மீண்டும் விக்ரமுடன் அருள் படத்தில் இணைந்தார். இப்படம் சாமி அளவுக்கு வெற்றி பெறவில்லை.

தற்போது ஹரி, சூர்யாவைக் கொண்டு சிங்கம் படங்களின் வரிசையில் மூன்றாம் பாகமான சிங்கம்3 எனும் எஸ்-3 படத்தை இயக்கி வருகிறார்.

அனுஷ்கா, ஸ்ருதிஹாசன் ஆகியோர் ஹீரோயின்களாக நடிக்கிறார்கள். ஹாரீஸ் ஜெயராஜ் இசையமைத்துள்ளார். தற்போது இதன் படப்பிடிப்புகள் வேகமாக வளர்ந்து வருகிறது.

இந்நிலையில் விக்ரம், தற்போது ஆனந்த் சங்கர் இயக்கத்தில் நடித்துள்ள இருமுகன் படத்தின் இசை வெளியீட்டு விழா சென்னையில் இன்று(ஆகஸ்ட் 2ம் தேதி) சிறப்பாக நடந்து.

இதில் சிறப்பு விருந்தினராக இயக்குநர் ஹரியும் கலந்து கொண்டார். அப்போது நிகழ்ச்சியில் பேசிய ஹரி, எஸ்-3(சிங்கம்3) படத்தை முடித்தவுடன் அடுத்தப்படியாக சாமி படத்தின் இரண்டாம் பாகத்தை இயக்க உள்ளேன்.

இதில் விக்ரமே ஹீரோவாக நடிக்கிறார், ஹாரீஸ் இசையமைக்கிறார் என்றார். மேலும் இப்படத்தை இருமுகன் படத்தை தயாரித்துள்ள தமீன் பிலிம்ஸே தயாரிக்க இருக்கிறது.

இதன்மூலம் சூர்யாவுக்கு அடுத்தப்படியாக மூன்றாவது முறையாக விக்ரமுடன் இணைகிறார் ஹரி.

மும்பை: நடிகை ஸ்ரீதேவியின் மூத்த மகள் ஜான்வி தனது காதலர் ஷிகர் பஹாரியாவுக்கு லிப் டூ லிப் முத்தம் கொடுத்தபோது எடுத்த புகைப்படம் இணையதளங்களில் வெளியாகி பரபரப்பை ஏற்படுத்தியுள்ளது.

நடிகை ஸ்ரீதேவியின் மூத்த மகள் ஜான்வி கபூரை தேடி பட வாய்ப்புகள் வருகின்றன. ஆனால் அவர் தான் அந்த வாய்ப்புகளை ஏற்க மறுத்து வருகிறார்.

தற்போது ஜான்வி அமெரிக்காவின் லாஸ் ஏஞ்சல்ஸ் நகரில் தங்கி நடிப்பு குறித்த படிப்பு படித்து வருகிறார்.

இந்நிலையில் ஜான்வி பார்ட்டி ஒன்றில் தனது காதலர் ஷிகர் பஹாரியாவுக்கு லிப் டூ லிப் முத்தம் கொடுத்தபோது எடுக்கப்பட்ட புகைப்படம் இணையதளங்களில் வெளியாகி பரபரப்பை ஏற்படுத்தியுள்ளது.

ஜான்வியின் மற்றொரு புகைப்படமும் வெளியாகியுள்ளது. அதில் காதலர் தனது கன்னத்தில் முத்தமிடுவதை கண்மூடி ரசித்தபடி நிற்கிறார் ஜான்வி.

ஜான்வியின் காதலர் வேறு யாரும் அல்ல முன்னாள் மத்திய அமைச்சர் சுஷில் குமார் ஷிண்டேவின் பேரன் தான்.

லண்டனில் படித்து பட்டம் வாங்கிய ஷிகர் தற்போது மும்பையில் வசித்து வருகிறார். ஷிகரின் சகோதரர் வீர் பஹாரியாவை தான் பாலிவுட் நடிகர் சயிப் அலி கானின் மகள் சாரா காதலிக்கிறார் என்பது குறிப்பிடத்தக்கது