சினிமா செய்தித் துளிகள்
மீண்டும் ஜோடி சேரும் ஆர்யா-நயன்தாரா!
06 Apr,2016
மீண்டும் ஜோடி சேரும் ஆர்யா-நயன்தாரா!
நான் கடவுளுக்குப்பிறகு பல தோல்வி படங்களை கொடுத்து வந்த ஆர்யாவுக்கு நயன்தாராவுடன் நடித்த பாஸ் என்கிற பாஸ்கரன் சூப்பர் ஹிட்டாக
அமைந்தது. அதேபோல் அதன்பிறகு மீண்டும் அவருடன் இணைந்த ராஜா ராணி படமும் ஹிட்டாக அமைந்தது. அதனால் அதையடுத்து தான் நடித்த சில படங்கள் சறுக்கியபோது நயன்தாராவுடன் ஜோடி சேர ஆசைப்பட்டார் ஆர்யா. ஆனால் அது ஒர்க்அவுட்டாகவில்லை. கைவசம் பல படங்கள் வைத்திருந்த நயன்தாரா தனது இயலாமையை தெரிவித்தார். அதனால்தான் வாசுவும் சரவணனும் ஒன்னா படிச்சவங்க படத்தில் நயன்தாராவுக்கு பதிலாக தமன்னாவை நடிக்க வைத்தார் ஆர்யா.
இந்த நிலையில், தற்போது ஆர்யாவினால் இயலாத அந்த காரியம் நடிகை குஷ்புவினால் கைகூடி வந்திருக்கிறது. அதாவது குஷ்பு தயாரிப்பில் சுந்தர்.சி இயக்கத்தில் உருவாகும் கலகலப்பு-2 படத்தில் ஆர்யாவுக்கு ஜோடியாக நடிக்க நயன்தாராவை புக் பண்ணியிருக்கிறார்களாம். கலகலப்பு படத்தில் விமல், மிர்ச்சி சிவா, அஞ்சலி, ஓவியா என இரண்டு ஜோடி நடித்த கதையை இப்போது சிங்கிள் ஜோடி கதையாக மாற்றியிருக்கிறாராம் சுந்தர்.சி. இந்த படமும் முதல் பாகத் தைப்போலவே காமெடி கதையில்தான் உருவாகிறதாம். அதனால் ஆர்யா-நயன் தாரா கூட்டணியோடு சூரி, நான் கடவுள் ராஜேந்திரன் உள்பட சில மெகா காமெடியன்களும் இணைகிறார்களாம். மே மாதம் இப்படத்தின் படப்பிடிப்பு தொடங்குகிறதாம்
தெறி படத்தை தொடர்ந்து சொந்தப்படம் ஒன்றை தயாரிக்கவுள்ள சமந்தா!
சமந்தா தெறி படத்தின் ரிலிஸை தான் ஆவலுடன் எதிர்ப்பார்த்து காத்திருக்கிறார். ஏனெனில் இவர் நடிப்பில் தமிழில் நான் ஈ, கத்தி படங்களை தவிர வெளிவந்த அனைத்து படங்களும் தோல்வி தான்.தற்போது அடுத்து சொந்தப்படம் ஒன்று தயாரிக்கவுள்ளாராம் இவர், கன்னட சினிமாவில் வித்தியாசமான படங்களை எடுத்து வருபவர் பவன்குமார்.இவரின் யு-டர்ன் படத்தின் தமிழ் உரிமையை சமந்தா வாங்கியுள்ளாராம், இதுமட்டுமின்றி அவரே நடிக்கவும் உள்ளார்.
விஷாலுக்கு ஜோடியாக ரகுல் ப்ரீத் சிங்
.
மிஷ்கின் இயக்கி வரும் 'சவரக்கத்தி' படத்தின் படப்பிடிப்பு முடிவடையும் தருவாயில் உள்ளது. சவரக்கத்தி படப்பிடிப்பு முடிவடைந்ததும் விஷால்
நடிக்கும் 'துப்பறிவாளன்' படத்தின் படப்பிடிப்பை துவக்க இருக்கிறார் மிஷ்கின். விஷாலின் 'விஷால் ஃபிலிம் ஃபேக்டரி' நிறுவனம் தயாரிக்கும் 'துப்பறிவாளன்' படத்திற்கான கதாநாயகி தேடல் தற்போது முடிவுக்கு வந்துவிட்டது.
இந்த படத்தில் விஷாலுக்கு ஜோடியாக, ரகுல் ப்ரீத் சிங் நடிக்கவிருக்கிறார். விஷாலும் ரகுல் ப்ரீத் சிங்கும் முதன் முதலாக இணைந்து நடிக்கும் படம். தெலுங்கில் முன்னணி நடிகையாக இருக்கிறார் ரகுல் ப்ரீத்சிங். தெலுங்கு டப்பிங் ரைட்ஸை மனதில் வைத்து அவரை கதாநாயகியாக புக் பண்ணி இருக்கிறார்கள். இதர நடிகர், நடிகைகள், தொழில்நுட்ப கலைஞர்களின் தேர்வு தற்போது நடந்து வருகிறது. இப்படத்திற்கு மிஷ்கின் இயக்கிய 'பிசாசு' படத்திற்கு இசை அமைத்த அரோல் கொரேலி இசை அமைக்கவிருக்கிறர்.
கொம்பன் முத்தையா இயக்கத்தில் விஷால் நடித்துள்ள 'மருது' படத்தின் டப்பிங் வேலைகள் இப்போது நடைபெற்று வருகின்றன. அதை முடித்துவிட்டு 'துப்பறிவாளன்' படப்பிடிப்பில் கலந்து கொள்கிறார் விஷால்.
அஞ்சலியின் இமேஜ் மாறப்போகிறதாம்!
.
கற்றது தமிழ் படத்தில் அஞ்சலியை அறிமுகம் செய்தவர் டைரக்டர் ராம். அதையடுத்து அங்காடித்தெரு படம் மூலம் பிரபலமான அவரை, கலகலப்பு
படத்தில் இருந்து கவர்ச்சி நாயகியாக்கினார் சுந்தர்.சி. அந்த இமேஜ்தான் அதன்பிறகு அஞ்சலியை ஒட்டிக்கொண்டது. அதோடு, சிங்கம்-2வில் சூர்யாவுடன் குத்தாட்டமும் ஆடினார். தாய்மொழியான தெலுங்கிலும் குத்துபாட்டு நடிகைகளுக்கே சவால் விடக்கூடிய அளவுக்கு குட்டை பாவாடை நடிகையாக வலம் வந்து கொண்டிருக்கிறார்.
ஆனால், தற்போது அவரை இறைவி, தரமணி, பேரன்பு, காண்பது பொய் ஆகிய தமிழ்ப்படங்களில் குடும்பப் பாங்கான வேடங்களில் நடிக்க வைத்துள்ளனர். குறிப்பாக, இறைவி படத்தில் எனது மதிப்பு, மரியாதையை அதிகப்படுத்தும் வேடத்தை தந்திருக்கிறார் கார்த்திக் சுப்புராஜ். சமீபகாலமாக கவர்ச்சி நடிகையாக நடித்து வரும் என்னை குடும்ப குத்து விளக்காக மாற்றி விட்டார் அவர். அதனால் இந்த படத்திற்கு பிறகு என் மீது விழுந்துள்ள கவர்ச்சி இமேஜ் மறைந்து, குடும்ப நடிகை என்கிற இமேஜ் அழுத்தமாக பதிந்து விடும் என்று கூறும் அஞ்சலி, இனிமேல் இந்த இமேஜை தக்க வைத்துக்கொள்ளும் வகையிலான கதைகளுக்கே முதலிடம் கொடுக்கப்போகிறாராம்.
தனுஷூடன் நடிக்க ஆசைப்படும் பெங்காலி நடிகை
.
பிரபஞ்ச அழகி போட்டியில் இந்தியாவின் சார்பில் கலந்து கொண்டவர் ஷீனா சோஹன். அனுபம் கேரின் நடிப்பு பள்ளியில் நடிப்பு பயின்றார். அதனால்
நடிகர் ஜெயராம் மூலம் மலையாளப்படத்தில் நடிக்கும் வாய்ப்பு கிடைத்தது. இவர் நடித்த மலையாள படத்திற்கு பல சர்வதேச விருதுகள் கிடைத்தது. தற்போது பெங்காலி படத்தில் நடித்திருக்கும் ஷீனாவுக்கு தமிழ் படத்தில் நடிக்கும் ஆர்வம் இருக்கிறது.
இதுகுறித்து அவர் கூறியதாவது: ''சிறு வயதிலிருந்தே நடிப்பின் மீது ஆர்வம். அதனால்தான் முறைப்படி நடிப்பு கற்றேன். கராத்தேவில் பிளாக் பெல்ட் வாங்கினேன். வயலின் இசையும் கற்றேன். மலையாளம் மற்றும் பெங்காலியில் நடித்திருந்தாலும் தமிழில் நடிக்க வேண்டும் என்பது என் ஆசை. குறிப்பாக தனுஷூடன் நடிக்க வேண்டும் என்பது என் ஆசை'' என்கிறார் ஷீனா.
அம்மா நடிகைக்கு சிபாரிசு செய்த நயன்தாரா!
.
விஜய் ஆண்டனி நடித்து வெளியான 'பிச்சைக்காரன்' படத்தில் அம்மா வேடத்தில் நடித்தவர் தீபா ராமானுஜம். அம்மாவை மையப்படுத்திய கதை
என்பதால் அதற்கு முன்பு பசங்க-2, ரஜினிமுருகன் போன்ற படங்களில் நடித்திருந்தபோதும் பிச்சைக்காரன் படம் தீபா ராமானுஜத்துக்கு பெரிய ஓப்பனிங்கை கொடுத்துள்ளது. அதையடுத்து 'இது நம்ம ஆளு' உள்பட சில படங்களிலும் அம்மா வேடங்களில் நடித்து களத்தில் உள்ள சில அம்மா நடிகைகளுக்கு பெரும் போட்டியாக வளர்ந்து வருகிறார் தீபா ராமானுஜம்.
மேலும், பிச்சைக்காரன் படத்தில் அவரது நடிப்பு குறித்து டைரக்டர் சசி பெருமையாக சொன்னதால், இப்போது வேறு சில முன்னணி டைரக்டர்களின் படங்களிலும் ஒப்பந்தமாகியிருக்கிறார் தீபா ராமானுஜம். அதோடு, இது நம்ம ஆளு படத்தில் நயன்தாராவுக்கு அம்மாவாக நடித்தபோது தீபாவின் இயல்பான நடிப்பு நயன்தாராவை கவர்ந்து விட்டதாம். அதனால் இப்போது தனக்கு வேண்டப்பட்ட சில டைரக்டர்களிடமும் ஒரு நல்ல அம்மா நடிகை இருக்கிறார் என்று சொல்லி தீபா ராமானுஜத்தின் பெயரை பரிந்துரை செய்கிறாராம் நயன்தாரா.