துல்கர் சல்மானும், ஹன்சிகாவும் இணைந்து ஒரு படத்தில் நடிப்பதாகவும், ஹரி சங்கர், ஹரிஷ் நாராயண் இணைந்து இந்தப் படத்தை இயக்குவதாகவும் சில தினங்கள் முன்பு செய்தி வெளியிட்டிருந்தோம். 

  

  அரண்மனை படத்தை தயாரித்த விஷன் ஐ மீடியா படத்தை தயாரிப்பதாகவும் குறிப்பிட்டிருந்தோம்.   இப்போது இரட்டை இயக்குனர்கள் இந்த விஷயத்தில் இரட்டை கரணம் அடித்திருக்கிறார்கள். என்னவாம் விஷயம். . ?   விஷன் ஐ மீடியாவிடம் அவர்கள் ஒருன்று சொல்லியிருக்கிறார்களாம்.

கதை ஓகேயானால் துல்கர், ஹன்சிகாவிடம் கால்ஷீட் கேட்க முடிவு செய்திருக்கிறார்களாம்.   அட, கல்யாணமே முடியலை, அதுக்குள்ள குழந்தைக்கு பெயர் வைக்க கிளம்பிட்டீங்களே?

தலைப்பை பார்த்தவுடன் நடிகை அமலாபால் அம்மாவாக போகிறார் என்று எண்ணிவிடாதீர்கள். ஒருபடத்தில் அவர் அம்மாவாக நடிக்க உள்ளார். நடிகை அமலா பால் இயக்குனர் ஏ.எல்.விஜய்யை திருமணம் செய்து கொண்டு செட்டிலான பிறகு நடிக்க மாட்டார் என்றுதான் முதலில் கூறப்பட்டது. விஜய்யும் அதைத்தான் கூறிவந்தார். ஆனால் அமலாபால் தொடர்ந்து நடிப்பதில் ஆர்வம் காட்டி வருகிறார். முன்புபோல் இல்லாமல் அழுத்தமான கேரக்டர் உள்ள படங்களில் மட்டும் நடிக்க முடிவு செய்திருக்கிறார். குழந்தைகள் படம் என்பதாலும், சூர்யா கேட்டுக் கொண்டதாலும் பசங்க 2 படத்தில் நடித்துள்ளார். இதில் அவர் சூர்யாவின் மனைவியாகவும், ஆசிரியையாகவும் நடித்துள்ளார். இந்தப் படம் வருகிற டிசம்பர் 24ம் தேதி வெளிவருகிறது.

இந்த நிலையில் அவர் இந்தி ரீமேக் படமொன்றில் நடிக்க இருக்கிறார். இந்தியில் வெளியாகி பல விருதுகளை வென்ற நில் பட்டே சனட்டா என்ற படம் தமிழில் ரீமேக்காக இருக்கிறது. இது அம்மாவுக்கும் மகளுக்குமான பாசப்போராட்டத்தை சொல்லும் படம். இதில் நடிகை அமலாபால், அம்மா கேரக்டரில் நடிக்கிறார், அவரது மகளாக புதுமுகம் ஒருவர் நடிக்க உள்ளார். இதன் படப்பிடிப்புகள் ஜனவரி முதல்வாரத்தில் துவங்க உள்ளது.

தொடர்ந்து நல்ல நல்ல கேரக்டரில், நடிப்பேன் என்று அமலாபால் கூறியது, இப்போது அவர் தொடர்ந்து நடித்து வரும் படங்களின் மூலம் நிரூபணமாகிறது.

சமூக வலைதளமான டுவிட்டரில் பல பிரபலங்களும் தங்களது கணக்குகளை வைத்துள்ளனர். அவர்களை லட்சக்கணக்கில் ரசிகர்கள் பின் தொடர்ந்தும் வருகின்றனர். இந்நிலையில், பாஜிராவ் மஸ்தானி படத்தில் கதாநாயகிகளாக நடித்து இருக்கும் பாலிவுட்டின் பிரபல ஹீரோயின்களான தீபிகா படுகோனே மற்றும் பிரியங்கா சோப்ரா இருவருமே ஆசிய டுவிட்டரில் அதிகமாக பின்பற்றுபவர்களை வைத்திருக்கும் பெண்களின் பட்டியலில் இரண்டாம், இடத்தையும் மூன்றாம் இடத்தையும் பிடித்து அசத்தியுள்ளனர்.

2000ல் உலக அழகி பட்டத்தை வென்ற பிரியங்கா சோப்ரா, தற்போது எச்.பி.ஓ சீரியல் குவான்டிகோவில் நடித்து உலக ஃபேமஸ் ஆகி வருகிறார். 1.2 கோடி பின் தொடர்வோரைக் கொண்டு மூன்றாம் இடத்தைப் பிடித்துள்ள பிரியங்கா தனது ரசிகர்களுக்கு இதற்காக நன்றி தெரிவித்துள்ளார்.

1.25 கோடி பின்பற்றுவோரை கொண்டு தீபிகா படுகோனே இரண்டாம் இடத்தை ஆட்சி செய்கிறார். சென்னை எக்ஸ்பிரஸ், பிகு, பாஜிராவ் மஸ்தானி என்று அவர் நடிக்கும் அனைத்து படங்களும் வெற்றிகளையும் பாரட்டுகளையும் வாரி குவிப்பதால் பாலிவுட் மட்டுமல்லாமல் ஆசிய அளவில் இரண்டாம் இடத்தை பிடித்துள்ளார்.

இந்த பட்டியலில் 14.5 கோடி ரசிகர்களை கொண்டு இந்தோனேசிய பாடகி அக்னஸ் மோ முதலாம் இடத்தில் உள்ளார் என்பது குறிப்பிடத்தக்கது.

 மோகன் ராஜா இயக்கத்தில் ஜெயம் ரவி, அரவிந்த் சாமி, நயன்தாரா, நடிப்பில் வெளியான படம் ‘தனிஒருவன் படத்திற்கு இசை ஆதி. இப்படத்திற்குக் கிடைத்த வரவேற்பு தற்போது இந்தி, தெலுங்கு உள்ளிட்ட மொழிகளிலும் இந்தப் படம் ரீமேக் ஆகவிருக்கிறது. 

படத்தின் மிக முக்கிய பாத்திரங்கள் என்றால் ஜெயம் ரவி, அரவிந்த் சாமி, மற்றும் நயன்தாரா பாத்திரங்களே. இந்நிலையில் ஏற்கனவே தெலுங்கு ரீமேக்கில் ராம் சரண் நடிக்க இருப்பது உறுதியாகிவிட்டது.

தற்சமயம் சிரஞ்சீவியின் 150வது படத்தின் வேலைகளில் பிசியாக இருக்கும் ராம்சரண் இப்படத்தின் வேலைகளை முடித்தபின் தனி ஒருவன் ரீமேக்கில் இணைய உள்ளார்.

இதனையடுத்து படத்தின் முக்கிய பாத்திரங்களான வில்லன் பாத்திரத்திற்கு அரவிந்த் சாமியே நடிக்க இருப்பதாகவும், ஸ்ருதி ஹாசன், நயன்தாரா கேரக்டரில் நடிக்க இருப்பதாகவும் உறுதி செய்யப்பட்டுள்ளதாகத் தகவல்கள் தெரிவிக்கின்றன. மேலும் அதிகாரப்பூர்வ அறிவிப்பிற்காக தற்போது ராம் சரணின் ரசிகர்கள் காத்திருக்கிறார்கள். ஸ்ருதி ஹாசன் பிரேமம் தெலுங்கு ரீமேக் படத்தில் மலர் பாத்திரத்தில் நடிப்பதும் குறிப்பிடத்தக்கது.