பீப் பாடல் கேட்க தூண்டுறீங்க: கருத்து ...
அனிருத் இசையில் நடிகர் சிம்பு பாடிய பீப் பாடல் தான் தமிழகத்தின் தற்போதைய ஹாட் டாப்பிக். கருத்து சொல்லுங்க, கருத்து சொல்லுங்கனு பிரபலங்களை கேட்க, அதுவும் ஒரு பக்கம் பிரச்சனையாக உருவெடுக்கிறது.
நடிகர்கள், பாடகர்கள், இசையமைப்பாளர்கள், எழுத்தாளர்கள், பாடலாசிரியர்கள், சமூக ஆர்வலர்கள், பெண்கள் அமைப்பினர்கள் மேலும் பல கருத்து கந்தசாமிகள் தங்கள் கருத்துக்களை தெரிவித்த வண்ணமே உள்ளனர். இந்நிலையில் கோவையில் பீப் பாடல் குறித்து நடிகை சினேகா செய்தியாளர்களிடம் பெண்களை வர்ணிக்கிற பாடலும் உண்டு, அடிடா, உதைடா என்ற பாடல்களும் உண்டு.
இவற்றை ஒன்றும் சொல்ல முடியாது. ஒரு பாடலை பற்றி பேசிப் பேசியே அந்த பாடலை ஹிட் ஆக்குகிறோம். பீப் பாடலை நிஜமாகவே நான் கேட்கவில்லை.
கேள்வி கேட்டதால் அதில் அப்படி என்ன உள்ளது என அப்பாடலை கேட்க தூண்டியுள்ளீர்கள்.
இது தான் அந்த பாடலை ஹிட் ஆக்குகிறது என்றார் நடிகை சினேகா.
விட்ட இடத்தை பிடிப்பாரா காஜல் அகர்வால்?
விக்ரம் தற்போது ‘அரிமா நம்பி’ படத்தின் இயக்குனர் ஆனந்த் சங்கர் இயக்கத்தில் நடித்து வருகிறார். இப்படத்திற்கான பூஜை சமீபத்தில் போடப்பட்டது. இப்படத்தில் விக்ரம் தாடி வைத்து வித்தியாசமான தோற்றத்தில் நடிக்க இருக்கிறார். இப்படத்திற்கு ‘மர்ம மனிதன்’ அல்லது ‘மாரீசன்’ என்று தலைப்பு வைக்க இருப்பதாக செய்திகள் வெளியாகியுள்ளது.
இப்படத்தில் விக்ரமுக்கு ஜோடியாக நயன்தாரா மற்றும் நித்யா மேனன் நடித்து வருகிறார்கள். இதில் நயன்தாரா கதாபாத்திரத்தில் முதலில் காஜல் அகர்வால் நடிப்பார் என்று கூறப்பட்டது. ஆனால், சில காரணங்களால் காஜல் அகர்வால் நீக்கப்பட்டிருக்கிறார். ஆனால், தற்போது விக்ரம் அடுத்தாக திரு இயக்கத்தில் நடிக்க இருக்கும் படத்திற்கு காஜல் அகர்வாலை ஒப்பந்தம் செய்திருப்பதாக தகவல் வெளியாகியிருக்கிறது.
படக்குழுவினரிடம் இந்த விஷயத்தை குறித்து விசாரித்த போது, அவர்கள் மறுத்திருக்கிறார்கள். விரைவில் இப்படம் குறித்த அதிகாரப்பூர்வ அறிவிப்பு விரைவில் வெளியாகும் என்று கூறியிருக்கிறார்கள்.
விக்ரமுடன் நடிக்க இருந்த முதல் வாய்ப்பை தவறவிட்ட காஜல் அகர்வால், தற்போது அந்த வாய்ப்பை பிடிப்பாரா? என்று ரசிகர்கள் மத்தியில் எதிர்பார்ப்பு நிலவி வருகிறது.
விஜய் சேதுபதி படத்தில் குத்தாட்டம் போடும் நயன்தாரா
விஜய் சேதுபதி நடிப்பில் சமீபத்தில் வெளியான படம் ‘நானும் ரௌடிதான்’. இதில் விஜய் சேதுபதிக்கு ஜோடியாக நயன்தாரா நடித்திருந்தார். இப்படம் ரசிகர்களிடையே நல்ல வரவேற்பு பெற்று வெற்றிகரமாக ஓடிக்கொண்டிருக்கிறது. இந்தப்படத்தில் இவர்களிடையிலான கெமிஸ்ட்ரி அதிகம் பேசப்பட்டது.
இதனைத்தொடர்ந்து இந்த ஜோடி மீண்டும் புதிய படத்தில் இணைய இருக்கிறார்கள். ஆனால், நயன்தாரா கதாநாயகியாக நடிக்காமல், ஒரு பாடலுக்கு ஆட இருப்பதாக தகவல் வெளியாகியுள்ளது.
விஜய் சேதுபதி தற்போது சீனு ராமசாமி இயக்கத்தில் ‘தர்மதுரை’ படத்தில் நடித்து வருகிறார். இதில் இடம்பெறும் ஒரு சிறப்பான பாடலுக்கு நயன்தாரா நடன ஆட இருக்கிறார். இந்த பாடலுக்கான படப்பிடிப்பு அடுத்த வாரம் நடைபெற இருப்பதாக கூறப்படுகிறது.
தற்போது இப்படத்தின் படப்பிடிப்பு தேனி அருகே நடந்து வருகிறது. விஜய் சேதுபதிக்கு அம்மாவாக ராதிகா நடிக்கிறார். கதாநாயகியாக நான்கு பேர் நடித்து வருகிறார்கள்.
ஜல்லிக்கட்டு விமர்சனம்: எமிக்கு வலுக்கிறது எதிர்ப்பு
அடுத்த மாதம் பொங்கல் திருவிழா வருகிறது. தமிழ்நாடு முழுவதும் ஜல்லிக்கட்டு நடக்கிற காலம். ஆனால் உச்சநீதிமன்றம் ஜல்லிக்கட்டுக்கு தடைவிதித்துள்ளது. இந்த தடையை நீக்க வேண்டும் என்று பல்வேறு தரப்பினரும், அரசியல் கட்சிகளும் போராடிக் கொண்டிருக்கின்றன.
திரைப்படத்துறையை பொறுத்தவரையில் கமலஹாசன், சரத்குமார் உள்ளிட்ட நட்சத்திரங்கள் ஜல்லிக்கட்டுக்கு வெளிப்படையான ஆதரவை தெரிவித்திருக்கிறார்கள். இந்த நிலையில் விலங்குகளை பாதுகாக்கும் அமைப்பின் தூதுவராக உள்ள பிரபல இந்தி முன்னணி நட்சத்திரங்கள் ஜல்லிக்கட்டுக்கு எதிராக குரல் கொடுத்து வருகிறார்கள். அவர்களில் எமி ஜாக்சனும் ஒருவர். தனது டுவிட்டரில் ஜல்லிக்கட்டுக்கு எதிரான கருத்தை கூறிவருகிறார்.
தமிழ் படங்களில் நடித்துவரும் எமி ஜாக்சனுக்கு இது பிரச்சினையை ஏற்படுத்தி உள்ளது. பல அமைப்புகள் எமி ஜாக்சனுக்கு கண்டனம் தெரிவித்து வருகிறது. தமிழர் முன்னேற்ற படை என்ற அமைப்பு எந்திரன் 2.0 படத்திலிருந்து எமி ஜாக்சனை நீக்காவிட்டாலோ, அவர் தனது கருத்தை வாபஸ் பெறாவிட்டாலோ எந்திரன் 2.0 படப்பிடிப்பு நடக்கும் இடத்தில் முற்றுகை போராட்டம் நடத்தப்போவதாக அறிவித்துள்ளது.
இந்த அமைப்பின் தலைவர் கி.வீரலட்சுமி விடுத்துள்ள அறிக்கையில் இதனை தெரிவித்துள்ளார். "ஜல்லிக்கட்டு எங்கள் பாரம்பரிய விளையாட்டு, பணம் சம்பாதிக்க வரும் நடிகர் நடிகைகள் அதை சம்பாதித்துவிட்டு போகவேண்டும். அதை விட்டுவிட்டு எங்கள் கலாச்சாரத்தில் மூக்கை நுழைப்பதை ஒருபோதும் அனுமதிக்க மாட்டோம்" என்றும் அந்த அறிக்கையில் கூறியுள்ளார்.
சிங்கம் 3 யிலும் சூர்யாவின் மனைவியாக தொடர்கிறார் அனுஷ்கா
சிங்கம் படத்தில் போலீஸ் இன்ஸ்பெக்டர் துரைசிங்கத்தின் காதலியாக வந்து கடைசியில் மனைவியானார் அனுஷ்கா. சிங்கம் 2 பாகத்தில் பாசக்கார மனைவியாக தொடர்ந்தார். அவரை ஒருதலையாக காதலித்து செத்துப்போவார் ஹன்சிகா. தற்போது சிங்கம் 3 பகுதி கதையும் முந்தைய கதைகளின் தொடர்ச்சி என்பதால் இதிலும் அனுஷ்கா நடித்தே ஆகவேண்டும். எனவே இதிலும் மனைவியாக அவர் தொடர்கிறார்.
சூர்யாவை திருமணமாகாதவர் என்று நினைத்து ஒரு தலையாய் காதலிக்கும் சி.ஐ.டி போலீசாக ஸ்ருதிஹாசன் நடிக்கிறார். ஆக.. டூயட் பாட்டெல்லாம் ஸ்ருதிக்குத்தான். அனுஷ்காவுக்கு அவ்வளவு வேலை இல்லை. முதல் இரண்டு பாகத்துக்கும் தேவி ஸ்ரீ பிரசாத் இசை அமைத்திருந்தார். மூன்றாம் பாகத்துக்கு ஹாரிஸ் ஜெயராஜ் இசை அமைக்கிறார். முதல்கட்ட படப்பிடிப்புகள் சென்னை ராயபுரம் துறைமுக பகுதியில் நடப்பதாக இருந்தது. சென்னையில் பெய்த மழை வெள்ளம் காரணமாக முதல்கட்ட படப்பிடிப்புகள் அடுத்த வாரம் விசாகபட்டினத்தில் தொடங்குகிறது. சிங்கம் சீரிஸ் படங்களுக்கு வில்லன்கள் பவர்புல்லாக இருப்பார்கள். முதல் பாகத்தில் அரசியல்வாதி பிரகாஷ்ராஜ், இரண்டாம் பாகத்தில் சர்வதேச கடத்தல்காரன் ஆப்பிரிக்க நாட்டு நடிகர், இந்த பாகத்தில் வில்லன் யார் என்பதை சஸ்பென்சாக வைத்திருக்கிறார்கள்
சிம்பு ,இளையராஜா வரிசையில் ஷ்ரேயா
பீப் சாங், இளையராஜா அறிவிருக்கா, ஜேம்ஸ் வசந்தன் கமெண்ட் என கொஞ்சம் சீரியசான செய்திகளையே நமது தமிழ் சினிமா ரசிகர்கள் படித்துக் கொண்டிருக்கிறார்கள். அவர்களைக் கொஞ்சம் குஷிப்படுத்தவோ என்னவோ ஸ்ரேயா படு கிளாமரான செல்ஃபி புகைப்படங்களை அவருடைய டிவிட்டரில் வெளியிட்டிருக்கிறார்.
தமிழில் எனக்கு 20 உனக்கு 18 படத்தின் மூலம் 2003ம் ஆண்டு நாயகியாக அறிமுகமான ஷ்ரேயா அப்படத்திற்கு பின் ரஜினிகாந்த், விஜய், விக்ரம், விஷால், ஜெயம் ரவி, ஜீவா என பல நடிகர்களுடன் ஜோடி போட்டவர்.
கடந்த 12 ஆண்டுகளாக இன்னமும் அதே இளமைத் தோற்றத்தில் அசத்தலான உடலமைப்புடன் இருக்கிறார். காரணம் தினமும் உடற்பயிற்சி செய்வதை ஷ்ரேயா விடுவதேயில்லையாம்.
அதுதான் தன் உடலமைப்பின் ரகசியம் என்கிறார். இந்நிலயில் நேற்று உடற்பயிற்சி செய்யும் போது அவரின் சில அசத்தலான கிளாமரான புகைப்படங்களை வெளியிட்டு சற்றே அதிர்ச்சியை ஏற்படுத்தியிருக்கிறார்.