தமன்னாவின் ரேஞ்சே வேற!

'என்னை அவ்வளவு சீக்கிரம், சினிமாவில் இருந்து ஓரம் கட்டிவிட முடியாது' என, ஆவேசம் கலந்த பெருமிதத்துடன் கூறுகிறார், பால்

நிறத்தழகி தமன்னா. சில ஆண்டுகளுக்கு முன், கோலிவுட், டோலிவுட்டை ஓரம் கட்டி விட்டு, பாலிவுட்டுக்கு பறந்தார் தமன்னா. அங்கு, பெரிய அளவில் அவருக்கு வரவேற்பு இல்லை. மீண்டும் சென்னை, ஐதராபாத்துக்கு படையெடுத்தார். 'தமன்னாவின் சினிமா அத்தியாயம் முடிந்து விட்டது' என, அவருக்கு எதிராக வதந்தி பரப்பப்பட்டது. ஆனால், பாகுபலி வெற்றிக்கு பின், அந்த வதந்தியை தகர்த்த தமன்னாவுக்கு, இப்போது, மூன்று படங்கள் கைவசம் உள்ளன. தெலுங்கில், 'மாஸ் மகாராஜா' என போற்றப்படும், ரவி தேஜாவுடன் நடித்துள்ள, பெங்கால் டைகர் என்ற படத்தில், தமன்னாவுக்கு தாறுமாறான கேரக்டராம். இதனால், 'இந்த படம் வெளியானதும், என் ரேஞ்சே வேற என்கிறார் தமன்னா.

ஜீவா ஜோடியாக லட்சுமிமேனன்

‘யான்’ படத்துக்கு பிறகு ஜீவாவுக்கு தொடர்ந்து படங்கள் அமையவில்லை. தற்போது நயன்தாராவுடன் ‘திருநாள்’ என்ற படத்தில் நடித்து வருகிறார். அடுத்து ‘போக்கிரி ராஜா’ படத்தில் இவரது ஜோடியாக ஹன்சிகா நடிக்கிறார். ‘கவலை வேண்டாம்’ படத்தில் ஜீவா ஜோடியாக கீர்த்தி சுரேஷ் நடித்து வருகிறார்.

இதன் படப்பிடிப்புகள் முடிவடையும் நிலையில் உள்ளது. இந்த படங்கள் விரைவில் ரிலீஸ் ஆக இருக்கின்றன. இந்த நிலையில் அறிமுக இயக்குனர் முத்துக்குமார் இயக்கத்தில் ‘ஜெமினி கணேசன்’ என்ற படம் தயாராகிறது. இதிலும் ஜீவா நடிக்கிறார். இந்த படத்தில் இவரது ஜோடியாக லட்சுமி மேனன் நடிக்கிறார்.

ஹன்சிகாவை காப்பாற்றிய ஜீவா, சிபிராஜ்!

தமிழ் சினிமாவில் முன்னணி நடிகையாக இருந்து வரும் ஹன்சிகா, தற்போது ''போக்கிரி ராஜா'' என்ற படத்தில் நடித்து வருகிறார்.

இப்படத்தில் ஜீவா, சிபிராஜ் உள்ளிட்ட பலர் நடிக்கின்றனர். தமிழுக்கு எண் ஒன்றை அழுத்தவும் படத்தை இயக்கிய ராம்பிரகாஷ் ராயப்பா இயக்குகிறார். போக்கிரி ராஜாவின் படப்பிடிப்புகள் கடந்த 10 நாட்களுக்கு மேலாக புதுச்சேரியில் கொட்டும் மழையில் நடந்து வருகிறது.

இந்நிலையில் போக்கிரி ராஜாவின் படப்பிடிப்பை காண ஏகப்பட்ட பொதுமக்கள் தினமும் பார்க்க வருகின்றனர். அப்படி இருதினங்களுக்கு முன்னர் படப்பிடிப்பை காண வந்த மக்கள் கூட்டத்தின் மத்தியில் நடிகை ஹன்சிகா சிக்கி கொண்டு செய்வது அறியாது நின்றார். ஹன்சிகாவின் நிலைமையை பார்த்து அங்கு நின்ற ஜீவாவும், சிபிராஜூம் உடனடியாக ரசிகர்கள் கூட்டத்தில் இருந்து ஹன்சிகாவை மீட்டனர்.

மக்கள் கூட்டத்திலிருந்து என்னை காப்பாற்றிய ஜீவா, சிபிராஜ்க்கு நன்றி. அவர்கள் இருவரும் இல்லையென்றால் மக்களிடம் இருந்து என்னால் சமாளித்து வெளியே வந்திருக்க முடியாது என்று கூறியுள்ளார்.

மழை பாதிப்பு - திருமண மண்டபங்களை தந்து உதவிய ரஜினி, விஜய்!


  

சென்னையை புரட்டி போட்டுள்ள கனமழை, சென்னையை தனித்தீவாக்கி உள்ளது. எங்குநோக்கினும் வெள்ளக்காடாய் காட்சியளிக்கின்றன.

வீடுகளுக்குள் மழைநீர் புகுந்ததால் மக்கள் தங்க இடமின்றி வீட்டின் மொட்டைமாடியிலும், அரசால் ஏற்பாடு செய்யப்பட்டுள்ள பல்வேறு முகாம்ங்களிலும் தங்க வைக்கப்பட்டுள்ளனர். இந்நிலையில் மழை வெள்ளத்தில் பாதிக்கப்பட்டு தங்க இடமின்றி இருப்பவர்களுக்கு பாதுகாப்பாக தங்க நடிகர்கள் ரஜினிகாந்த்தும், விஜய்யும் முன் வந்துள்ளனர்.

கோடம்பாக்கத்திலுள்ள நடிகர் ரஜினிகாந்த்தின் திருமண மண்டபம், சாலிகிராமத்திலுள்ள நடிகர் விஜய் திருமண மண்டபம் போன்றவை, வெள்ளத்தால் பாதிக்கப்பட்ட மக்களுக்காக திறந்து வைக்கப்பட்டுள்ளது. மக்கள் பாதுகாப்பாக தங்க ஏற்பாடு செய்யப்பட்டுள்ளது. மேலும் அவர்களுக்கு உணவு வழங்கவும் ஏற்பாடு செய்யப்பட்டுள்ளதாக கூறப்படுகிறது.

பிந்து மாதவியின் ஏக்கம்!

'எவ்வளவு தான் கடுமையாக உழைத்தாலும் முன்னணி இடத்தை பிடிக்க முடியவில்லையே' என, ஏங்குகிறார் பிந்து மாதவி. அவரது

ஏக்கத்தை புரிந்து கொண்ட சிலர், 'முன்னணி இடத்துக்கு வர வேண்டும் என்றால், பெரிய ஹீரோக்களுடனும், பெரிய பட்ஜெட் படங்களிலும் நடிக்க வேண்டும். துக்கடா வேடமாக இருந்தாலும், பெரிய பட்ஜெட் படங்களை ஓரம் கட்டக்கூடாது' என, ஆலோசனை கூறியுள்ளனர். இதையடுத்து, இதுவரை பின்பற்றி வந்த திரைப்பட கொள்கையை மாற்றியுள்ள பிந்து மாதவி, முன்னணி ஹீரோக்கள் மற்றும் பெரிய பட்ஜெட் படங்களுக்கு வலை வீசி வருகிறார்.

நீண்ட இடைவெளிக்கு பிறகு தமிழ் படத்தில் நமீதா

தமிழ் பட உலகில் முன்னணி நடிகையாக இருந்த நமீதா நீண்ட நாட்களாக தமிழ் பட வாய்ப்பு இல்லாமல் இருந்து வந்தார். சமீபத்தில் உடல் எடையை குறைத்த நமீதா மலையாள படம் ஒன்றில் மம்முட்டியுடன் நடித்து வருகிறார்.

தமிழ் படங்களில் நடிக்கவும் பேச்சுவார்த்தை நடத்தி வந்தார். இப்போது, பிரபு முக்கிய வேடத்தில் நடிக்கும் ‘மீன் குழம்பும் மண் பானையும்’ படத்தில் நமீதாவுக்கு நடிக்க வாய்ப்பு கிடைத்திருக்கிறது.

இதில் வெளிநாட்டு பெண்ணாக வரும் நமீதா பின்னர் தமிழ்நாட்டுக்கு வந்து தமிழ் பாரம்பரியத்தின் பெருமைகளை உணர்ந்து தமிழ் கலாசாரத்தை நேசிப்பது போன்ற வேடத்தில் நடிக்கிறார். நீண்ட இடைவெளிக்குப் பிறகு தமிழ் படத்தில் நடிப்பதால் நமீதா மகிழ்ச்சியில் உள்ளார்.