.
விஜய் நடித்து வரும் ‘புலி’ படம் வருகிற அக்டோபர் 1-ந் தேதி வெளியாகவிருக்கிறது. இப்படத்தில் ஸ்ருதிஹாசன்,

ஹன்சிகா மொத்வானி ஆகியோர் கதாநாயகிகளாக நடித்துள்ளனர். பேண்டசி திரைப்படமாக உருவாகியுள்ள இப்படத்தில் ஸ்ரீதேவி கபூரும் முக்கிய கதாபாத்திரத்தில் நடித்துள்ளார். இதில், இவர் ராணி வேடத்தில் நடித்துள்ளார்.

இந்த வேடத்திற்காக 20 கிலோ எடையிலான உடையணிந்து நடித்துள்ளார். இதுகுறித்து, அவர் கூறும்போது, நான் ஏற்கெனவே நடித்த ‘இங்கிலிஷ் விங்கிலிஷ்’ படத்தில் நான் ரெடியாவதற்கு மொத்தமே 20 நிமிடங்கள்தான் ஆகும். ஒரு காட்டன் புடவை, அதிகம் மேக்கப் கிடையாது.

ஆனால், ‘புலி’ படத்தில் நான் அணியும் உடையை உடுத்துவதற்கே அரை மணி நேரம் முதல் 1 மணி நேரம் வரை ஆகும். அதன்பிறகு, முடி அலங்காரம், முக அலங்காரம் எல்லாம் நடக்கும். இதையெல்லாம் செய்து, நடித்துவிட்டு, அந்த நாளில் இறுதியில் பார்த்தால் என்னுடைய தலைமுடி ஒரு குச்சியைப் போல் நீண்டுகொண்டு நிற்கும் என்று கலகலப்புடன் கூறினார்.

சிம்புதேவன் இயக்கியுள்ள இப்படத்திற்கு தேவிஸ்ரீ பிரசாத் இசையமைத்துள்ளார். நட்டி நடராஜ் ஒளிப்பதிவு செய்துள்ளார். எஸ்.கே.டி.ஸ்டுடியோஸ் நிறுவனம் சார்பில் பி.டி.செல்வகுமார், சிபு தமீன்ஸ் இருவரும் இணைந்து தயாரித்துள்ளனர்