சகலகலாவல்லவனுக்கு மேலும் மேலும் ரசிகர்கள் ஆதரவுரோமியோ ஜூலியட் வெற்றியை தொடர்ந்து ஜெயம்ரவிவுக்கு ரீலீஸ் ஆன திரைபடம் சகலகலாவல்லவன் இதில் ஜெயம்ரவியுடன் திரிஷா ,அஞ்சலி பிரபு சூரி விவேக் மற்றும் பலர் நடிப்பில் கடந்த இரண்டு வாரங்கள் முன் ரீலீஸ் ஆனது இந்த படம் ரசிகர்களிடம் பெரிய வரவேற்பு அடைந்ததுஇதனால் படம் மிக பெரிய வெற்றியடைந்துள்ளது இன்றய காலகட்டத்தில் ஒரு படம் ரீலீஸ் ஆகி இரண்டு வாரங்கள் திரையரங்கத்தில் ஓடுவது என்பது மிக பெரிய விஷயம் ஆனால் இந்த படம் ரீலீஸ் ஆகி இரண்டு வாரங்கள் மேல் ஆகியும் அரங்கங்கள் புள்ள ஓடுது அது மட்டும் இல்லாமல் இந்த வாரம் மேலும் பல திரையரங்களில் இந்த படம் வெளியிடப்பட்டுள்ளது அதும் இந்த வாரம் இரண்டு முக்கிய நட்சத்திரங்கள் அதாவது ஆர்யா மற்றும் சிம்பு படம் ரீலீஸ் நேரத்தில் இந்த படத்துக்கு ரசிகர்களிடம் பேரும் வரவேற்ப்பு அடைந்துள்ளது .நிச்சயம் இந்த வெற்றி மேலும் பல படங்களை தயாரிக்க வைக்கும் வெற்றியாக தான் இருக்கும் அதுமட்டும் இல்லை ஜெயம்ரவி காட்டுல நல்ல மழை தொடர்ந்து இரண்டாவது வெற்றி அடுத்து இவர் நடித்து வெளிவர இருக்கும் படம் தனி ஒருவன் விரைவில் இந்தப்படம் ரீலீஸ் ஆக இருக்கிறது அப்ப அட்ரிக் அடிப்பார் என்று நம்பலாம் .பெண்களை இழிவு படுத்துகிறாரா பிரகாஷ் ராஜ்சமீபத்தில் தொலைக்காட்சி முதல் ஆன்லைன் வரை நடிகர் பிரகாஷ் ராஜ் நடித்த ஒரு விளம்பரம் பெரும் சர்ச்சையை கிளப்பி கொண்டு இருக்கிறது. டீஸராக வெளியிடப்பட்டுள்ள இந்த விளம்பரம் எந்த பிராண்டிற்காக என்பது ரகசியமாக வைக்கப்பட்டுள்ளது. ஆகஸ்ட் 15ம் தேதி முழுமையான விளம்பரம் வெளியாகும் என அறிவிக்கப்பட்டுள்ளது.அவ்விளம்பரத்தில் கல்யாண வயதில் உள்ள பெண்களை அப்பெண்ணின் பெற்றோர்கள் டென்ஷன் என குறிப்பிடுவதும் அதற்கு பிரகாஷ் ராஜ் ‘கல்யாண வயசுல பொண்ணுங்க இருந்தாலே டென்ஷன் தானே’ என கூறுவதைப் போலவும் அமைந்துள்ளது.இந்த விளம்பரம் முகநூல் மற்றும் ட்விட்டர் ல் ஏனைய மக்களால் விமர்சிக்க பட்ட வண்ணம் உள்ளது. கல்யாண வயசுல பெண்கள் இருந்தால் உண்மையில் பெற்றோர்களுக்கு டென்ஷன் தானே என ஆதரிப்பது போல் ஒரு சாரரும், பெண்களை டென்ஷன் என எப்படி குறிப்பிட முடியும் என மற்றொரு தரப்பும் காரசார விவாதத்தில் இடுபட்டுள்ளனர்.பெண்கள் தங்கள் முன்னேற்றத்திற்காக பல வகையில் பாடுபட்டு தங்களை தாங்களே வழிநடத்தி வரும் நிலையில் இப்படி ஒரு விளம்பரம் தேவையா. பெண் பிள்ளைகள் என்றாலே வரதட்சணை சேர்க்க வேண்டும், திருமணம் ஆகும் வரை அவர்களைப் பாதுகாக்க வேண்டும் என இந்த நூற்றாண்டிலும் பிரச்னைகள் இருப்பினும் அதை சரி செய்ய பல அமைப்புகள் போராடி வருகின்றன. இந்தக் காலத்தில் பெண்களை டென்ஷன் என சொல்லும் விளம்பரம் பெண் இனத்தை இழிவு படுத்துவதாக சமூக வாதிகள் பலரும் சர்ச்சை கிளப்பி வருகிறார்கள்.மேலும் பிரகாஷ் ராஜுக்கும் மேக்னா, பூஜா என இரு மகள்கள் இருக்கும் நிலையில் அவர் தன் மகள்களை டென்ஷனாகக் கருதுகிறாரா எனவும் கேள்விகள் எழுந்துள்ளன. பார்க்கலாம் இது என்ன விளம்பரம் என்பது இன்னும் ஓரிரு தினங்களில் தெரிந்துவிடும். டென் எண்டர்டெயின்மென்ட்... இது ஐஸ்வர்யா தனுஷின் புதிய பட நிறுவனம்!ஐஸ்வர்யா தனுஷ் ஆரம்பித்துள்ள புதிய படத் தயாரிப்பு நிறுவனத்துக்கு டென் எண்டர்டெயின்மென்ட் என்று பெயர் சூட்டியுள்ளார்.ரஜினியின் மூத்த மகளும், தனுஷின் மனைவியுமான ஐஸ்வர்யா, இப்போது திரைப்பட இயக்குநராகவும் உள்ளார். 3, வை ராஜா வை படங்களை இயக்கியுள்ள அவர் அடுத்து தயாரிப்பாளராகவும் அவதாரம் எடுத்துள்ளார்.முதல் கட்டமாக குறும்படங்களைத் தயாரித்து வெளியிடத் திட்டமிட்டு, தயாரிப்பு நிறுவனம் ஒன்றைத் தொடங்கியுள்ளார். இதற்கு டென் எண்டர்டெயின்மென்ட் என்று பெயர் சூட்டியுள்ளார். இந்த நிறுவனம் தமிழ், தெலுங்கு, மலையாளம், கன்னடம் ஆகிய நான்கு மொழிகளிலும் குறும்படங்களைத் தயாரிக்கவிருக்கிறது.தனுஷின் தயாரிப்பு நிறுவனமான வுண்டர்பார் நிறுவனத்தின் துணை நிறுவனமாக டென் எண்டர்டெயின்மென்ட் செயல்படும்.இதுகுறித்து ஐஸ்வர்யா கூறுகையில், "நான் தயாரிப்பு நிறுவனம் தொடங்கியதற்குக் கிடைத்த வரவேற்பு மகிழ்ச்சியளிக்கிறது. உற்சாகப்படுத்த ஏராளமான திறமையாளர்கள் காத்திருக்கிறார்கள். தென்னிந்திய மொழிகளில் குறும்படங்களை எனது நிறுவனத்தின் யுட்யூப் சேனல் மூலம் வெளியிடுவதில் பெருமை அடைகிறேன்," என்றார்.உப்பியிடம் வாலாட்டும் சிம்புவும், வாசுவும் சரவணனும்...!உப்பி 2 அதிகரிக்கும் திரையரங்குகள்உப்பி 2 வுக்காக தெலுங்கு சூப்பர் ஸ்டார் மகேஷ்பாபு தனது ஸ்ரீமந்துடு திரைப்படம் பெங்களூரில் வெளியாவதை 1 வாரம் தள்ளிவைத்தது குறிப்பிடத்தக்கது. 100 திரையரங்குகளில் வெளியாகும் உப்பி 2 நாளை மாலைக்குள் 130 திரையரங்குகளாக அதிகரிக்கலாம் என்று எதிர்பார்க்கப்படுகிறது.வாசுவும் சரவணனும் ஒண்ணாப் படிச்சவங்கஆர்யா, தமன்னா, சந்தானம் நடிப்பில் காமெடி கலந்து உருவாகியிருக்கும் வாசுவும் சரவணனும் ஒண்ணாப் படிச்சவங்க திரைப்படம் ஆச்சரியம் தரும் விதமாக வாலுவை விட அதிகமான திரையரங்குகளில் வெளியாக இருக்கிறது. சுமார் 43 திரையரங்குகளில் வெளியாகும் இந்தப் படம் நாளை வெளியீட்டிற்கு முன்பு 60 திரையரங்குகளை நெருங்க வாய்ப்பிருப்பதாக தகவல்கள் கூறுகின்றன.கார்த்திகாக 3வது முறை ஓகே சொன்ன அனுஷ்காடாப் ஹீரோயின்கள் 2 பேரை ஒரே படத்தில் நடிக்க வைப்பது இயக்குனருக்கு பெரும்பாடு. பெரிய இயக்குனர்கள் படத்தில் இது சாத்தியப்பட்டாலும் நடுத்தர இயக்குனர்கள் படங்களில் அவர்களை பங்கேற்க வைப்பது சிரமம்தான். ஆனாலும் ஒருவருக்கொருவர் நட்பில் இருக்கும் 2 ஹீரோயின்களை இணைப்பது ஒருவகையில் சாத்தியமாகிறது. பாகுபலி படத்தில் அனுஷ்கா சோலோ ஹீரோயினாக நடித்து வந்தார். 6 மாத படப்பிடிப்புக்கு பிறகு திடீரென்று அவரது பாத்திரம் குறைக்கப்பட்டு தமன்னா ஹீரோயினாக இணைந்தார். ஆனாலும் அனுஷ்கா முகம் சுளிக்காமல் தமன்னாவுடன் நட்புடன் பழகினார். தற்போது தமன்னா ஹீரோயினாக நடிக்கும் புதிய படத்தில் கெஸ்ட் ரோலில் நடிக்க சம்மதித் திருக்கிறார் அனுஷ்கா. கார்த்தி, நாகார்ஜூனா நடிக்கும் இப்படத்தை வம்சி படிபள்ளி இயக்குகிறார். இதன் படப்பிடிப்பு பிரான்ஸ் நாட்டில் நடந்து வருகிறது. ஏற்கனவே பட குழு அங்கு முகாமிட்டு ஷூட்டிங் நடத்தி வருகிறது. தற்போது கெஸ்ட் ரோலில் நடிக்க ஒப்புக்கொண்ட அனுஷ்கா பிரான்ஸ் புறப்பட்டு சென்றார். இதில் இன்னொரு விஷயம் என்னவென்றால் கார்த்தியுடன் அலெக்ஸ் பாண்டியன் படத்தில் அனுஷ்கா ஜோடி போட்டிருக்கிறார். தவிர சகுனி படத்தில் கெஸ்ட் ரோலில் நடித்திருக்கிறார். 3வது முறையாக தற்போது கார்த்தி படத்தில் அவர் இணைந்திருக்கிறார். கார்த்தியுடன் உள்ள நட்பாலேயே அவர் இதில் கெஸ்ட் ரோலில் நடிக்க சம்மதித்தாராம்.சிவகாசியில் தொடங்கி சிகரமே தொட்ட ஸ்ரீதேவிஹிந்தி திரையுலகின் முதல் பெண் சூப்பர் ஸ்டார் என்று அழைக்கப்படுபவர் ஸ்ரீதேவி. தமிழக மக்களால் அழகுமயில் என அழைத்து ரசிக்கப்பட்ட சிறந்த ஒரு நடிகையாக தமிழ்ப்படங்களில்தான் வலம் வந்தவர். பிறகு, கோலிவுட்டை மறந்துவிட்டு பாலிவுட்டுக்கு பறந்துவிட்டது அந்த கோல மயில்.பாலிவுட்டுக்கு போன பிறகு தனது குண்டு மூக்கை ஒரு குறையாக கருதி ப்ளாஸ்டிக் சர்ஜரியும் செய்துகொண்டார்.ஹிந்தி படவுலகில் தனது அழகாலும் நடிப்பாலும் உச்சத்தையே தொட்டார். மும்பை வாலாக்கள் ஸ்ரீதேவியின் தற்போதைய முகத்தை வியந்து ரசித்தாலும், அந்த குண்டு மூக்கோடு தமிழ்ப் படங்களில் இருந்த அழகு தான் மனங்களில் அழுத்தமாய் பதிகிறது என்பதும் பல ரசிகர்களின் கருத்தாக உள்ளது.இந்திய சினிமாவின் நூற்றாண்டு விழாவை முன்னிட்டு, பிரபல ஆங்கில ஊடகம் நடத்திய வாக்கெடுப்பில், இந்த 100 ஆண்டுகளில் இந்தியாவில் சிறந்த நடிகையாக முதல் இடத்தில் ஸ்ரீதேவியை தேர்வு செய்திருந்தனர்.அவர் அதிக அளவிலான ரசிகர்களால் வெகுவாக ஈர்க்கப்பட்ட இந்திய நாயகி என்பதுக்கு இதைவிட வேறு என்ன தகுதி இருக்க முடியும்.1963 ம் ஆண்டு ஆகஸ்டு மாதம் 13ம் தேதி தமிழ்நாட்டில் உள்ள சிவகாசியில் பிறந்தார். ஸ்ரீ அம்மா யங்கர் அய்யப்பன் என்ற பெயருடைய ஸ்ரீதேவி துணைவன் என்ற பக்திப் படத்தில் குழந்தை முருகன் வேடத்தில் குழந்தை நட்சத்திரமாக அறிமுகமானார்.1975 ல் ஜூலி என்ற இந்தி படத்தில் கதாநாயகி லட்சுமியின் கடைசி தங்கையாக ஸ்ரீதேவியின் நடிப்பு பேசப்பட்டதால், அதுவே பாலிவுட்டுக்கு பிள்ளையார் சுழியானது.1975 ல் குழந்தை நட்சத்திரமாக நடித்த ஸ்ரீதேவி, 1976 ல் தனது 13 வது வயதில் மூன்று முடிச்சு படத்தில் கதாநாயகியாக நடித்தார்.நடிகைகள் வயதை குறைத்து சொல்வதுதான் வழக்கம் ஆனால், தனது 14வது வயதில் தான் ஸ்ரீதேவி 16 வயதினிலே படத்தில் நடித்தார். அடுத்தடுத்து சிகப்பு ரோஜாக்கள், மூன்றாம்பிறை, போக்கிரிராஜா, சந்திப்பு என கமல், ரஜினி, சிவாஜியோடும் ஜோடியாக நிறைய வெற்றிப்படங்களில் நடித்தார்.அதிலும், கமல், ஸ்ரீதேவி ஜோடி தமிழ் ரசிகர்களிடையே பெரிய தாக்கத்தை ஏற்படுத்தியது. பிறகு மும்பை சென்ற ஸ்ரீதேவி.ஹிந்தியில் அமிதாப்பச்சன் போன்ற முன்னணி ஹீரோக்களோடு நடித்தார். ஹிம்மத்வாலா, மாவாளி, கர்மா, மிஸ்டர் இண்டியா போன்ற பல வெற்றிப்படங்களில் நடித்து புகழடைந்தார்.இந்திய அரசின் உயர்வான பத்மஸ்ரீ விருதும் 5 முறை பிலிம்பேர் விருதும் இன்னும் பல விருதுகளையும் பெற்றுள்ளார்.ஸ்ரீதேவி 1996 ல் போனிகபூரை மணந்தார். அதன்பிறகு சினிமாவிலிருந்து 15 வருடங்கள் விலகியிருந்தார். பிறகு, மீண்டும் 2012ல் இங்லீஷ் விங்லீஷ் படத்தில் நடித்து ரசிகர்களின் ஏகோபித்த வரவேற்பை மீண்டும் பெற்றது, அந்த படத்தின் வெற்றியிலேயே தெரிந்தது. பாலிவுட்டில் அதுவரை, 15 வருடங்கள் இடைவெளிக்கு பிறகு வந்து, நடித்து ஜெயித்த நடிகை இல்லை.ஸ்ரீதேவி மும்பை சென்ற பிறகு, 1980 களில் சூப்பர் ஸ்டார் ரஜினியோடு நான் அடிமை இல்லை என்ற படத்தில் நடித்தார்.அதன்பிறகு, தற்போதுதான் வளரும் படமான ’புலி’ என்ற விஜய் படத்தில் முக்கியமான கேரக்டரில் நடித்துக் கொண்டிருக்கிறார். அவருடைய இந்த பிறந்த நாளில் வாழ்த்து சொல்வதோடு இன்னும் நிறைய தமிழ்ப்படங்களில் நடிக்க வேண்டும் என்ற கோரிக்கையையும் தமிழ் ரசிகர்கள் சார்பில் வைப்போம்.