மணிரத்னம் படத்தில் ஸ்ருதிஹாசன்?

‘ஓ காதல் கண்மணி’ வெற்றியைத் தொடர்ந்து மணிரத்னம் தனது அடுத்த படத்தின் பணிகளில் தீவிரமாக களமிறங்கிவிட்டதாக கூறப்படுகிறது. இவர் இயக்கும் அடுத்த படத்தில் கார்த்தி கதாநாயகனாக நடிக்கவிருப்பதாக சமீபத்தில் செய்திகள் வெளிவந்தது.

தற்போது, இப்படத்தில் கார்த்திக்கு ஜோடியாக ஸ்ருதிஹாசன் நடிக்கவிருப்பதாக செய்திகள் வெளிவந்துள்ளது. சமீபத்தில் மணிரத்னம் ஸ்ருதியை சந்தித்து பேசியதாகவும், ஆனால், ஸ்ருதி கைவசம் நிறைய படங்கள் இருப்பதால், இப்படத்திற்கு தேதி ஒதுக்க முடியாத நிலை உள்ளதாகவும், இருப்பினும், மணிரத்னம் மீதுள்ள மரியாதை நிமித்தமாக அவருடைய படத்துக்கு தேதி ஒதுக்க முயற்சி செய்து வருவதாகவும் கூறப்படுகிறது.

ஆனால், மணிரத்னம் அலுவலக வட்டாரங்களில் விசாரிக்கும்போது, மணிரத்னம் தற்போது சென்னையில் இல்லையென்றும், எந்த விஷயமென்றாலும் அவர் திரும்பி வந்தபிறகே முடிவு செய்யப்படும் என்றும், யாரிடமும் புதிய படம் குறித்து பேச்சுவார்த்தை நடத்தவில்லையென்றும், விரைவில் இதுகுறித்து அதிகாரப்பூர்வ தகவல்கள் வெளியிடுவோம் என்று கூறுகின்றனர்.

மேலும், இப்படத்தில் ‘ஓ காதல் கண்மணி’ படத்தில் நடித்த துல்கர் சல்மானும் ஒரு முக்கிய கதாபாத்திரத்தில் நடிக்கவிருப்பதாகவும் ஒரு செய்தி பரவி வருகிறது

அனிருத்துடன் ஆட்டம் போட தயாரான எமி ஜாக்சன்

புதுமுக இயக்குனர் ஷ்யாம் குமாரின் இயக்கத்தில் உருவாகி வரும் புதிய படம் ‘ஆக்கோ’. இப்படத்திற்கு அனிருத் இசையமைக்கிறார். இப்படத்தின் விளம்பரங்கள் அனைத்தும் அனிருத்தை முன்னிலைப்படுத்தியே செய்யப்பட்டுள்ளன. அர்ஜூனன், துலிகா குப்தா என்று படம் முழுக்க புதுமுகங்களே நடிக்கின்றனர்.

சமீபத்தில் இப்படத்தில் இடம்பெறும் ‘எனக்கென யாரும் இல்லையே’ என்ற பாடல் இணையதளத்தில் வெளியிடப்பட்டது. இப்பாடல் ரசிகர்கள் மத்தியில் பெரும் ஆதரவு பெற்றுள்ளது. அனிருத் பாடி, இசையமைத்திருக்கும் இப்பாடலுக்கான மியூசிக் வீடியோவிற்கும் அவரையே நடனம் ஆடவைக்க படக்குழுவினர் திட்டமிட்டுள்ளனர்.

அதன்படி, இந்த மியூசிக் வீடியோவை அமெரிக்காவில் படமாக்கவுள்ளனர். இப்பாடலில் அனிருத்துடன் எமி ஜாக்சனும் இணைந்து நடனமாடவுள்ளார். இதற்காக வரும் ஆகஸ்ட் மாதம் இப்படக்குழு அமெரிக்கா செல்லவிருக்கிறது.

கவர்ச்சியாக நடித்து அலுத்து போய் விட்டது: சுவேதா மேனன்

 சினேகிதியே, அரவான், துணை முதல்வர் உள்ளிட்ட படங்களில் சுவேதா மேனன் நடித்துள்ளார். மலையாளம், இந்தி படங்களிலும் நடித்து உள்ளார். நிறைய படங்களில் ஆடை குறைப்பு செய்து கவர்ச்சியாக நடித்து இருக்கிறார். படுக்கையறை காட்சிகளிலும் நெருக்கமாக நடித்துள்ளார்.

இணைய தளங்களில் அவரது ஆபாச படங்கள் பரவி கிடக்கின்றன. அத்துடன் தனது பிரசவத்தை நேரடியாக படம் பிடித்தும் பரபரப்பு ஏற்படுத்தினார். இந்த நிலையில் இனிமேல் கவர்ச்சியாக நடிக்கப்போவதில்லை என்று சுவேதா மேனன் அறிவித்தார்.

இது குறித்து அவர் கூறியதாவது:–

கவர்ச்சி வேடங்களில் நடித்து அலுத்து போய் விட்டேன். இனி அது போன்ற கேரக்டரை ஏற்க மனம் இல்லை. சவாலான கேரக்டர்களில் நடிக்க விரும்புகிறேன். அது மாதிரியான கதைகளை தேடுகிறேன். காமெடி வேடங்களில் நடிக்கவும் ஆர்வம் உள்ளது.

பழைய இமேஜில் இருந்து என்னை மீட்டெடுப்பதை அவசியமாக கருதுகிறேன். எனக்குள் நிறைய திறமைகள் இருக்கிறது. அதை வெளிப்படுத்தும் வேடங்களில் நடிக்கப்போகிறேன்.

இவ்வாறு சுவேதா மேனன் கூறினார்.

திருமணத்தில் நம்பிக்கை இல்லை: சுருதிஹாசன்

தமிழ், தெலுங்கு, இந்தி பட உலகில் சுருதிஹாசன் முன்னணி நடிகையாக இருக்கிறார். விஜய் ஜோடியாக புலி படத்தில் தற்போது நடித்துக் கொண்டு இருக்கிறார். இதன் பட வேலைகள் இறுதி கட்டத்தில் உள்ளன. அஜித் ஜோடியாகவும் புது படத்தில் நடிக்கிறார். மூன்று இந்தி படங்களும் கைவசம் உள்ளன. தெலுங்கு படமொன்றிலும் நடித்துக் கொண்டு இருக்கிறார்.

இந்தி படங்கள் குவிவதால் மும்பையில் சொந்தமாக வீடு வாங்கி குடியேறி இருக்கிறார். ஆரம்பத்தில் வாடகை வீட்டில் இருந்தார் அப்போது அந்த வீட்டுக்குள் வாலிபர் ஒருவர் அத்துமீறி நுழைந்ததால் சொந்த வீட்டுக்கு மாறி உள்ளார்.

இந்த நிலையில் சுருதி ஹாசனிடம் உங்களுக்கு எப்போது திருமணம் என்று கேட்கப்பட்டது. அதற்கு பதில் அளித்த அவர் திருமணம் செய்து கொள்ளும் எண்ணம் எனக்கு இல்லை. திருமண வாழ்க்கையில் கருத்துவேறுபாடுகள் ஏற்படும் போது நிம்மதியை இழந்து விடுவோம் என்றார்.

இன்டர் நெட்டில் பரவும் நடிகை ஸ்ரீதிவ்யா ஆபாச படம்

நடிகை ஸ்ரீதிவ்யாவின் ஆபாச படம் இன்டர் நெட்டில் வெளியாகி பரபரப்பை ஏற்படுத்தி உள்ளது. தமிழிலில் வருத்தப்படாத வாலிபர் சங்கம் படத்தில் கதாநாயகியாக அறிமுகமாகி ஸ்ரீதிவ்யா பிரபலமானார். ஜீவா, வெள்ளைக்கார துரை, காக்கிச்சட்டை படங்களிலும் நடித்துள்ளார்.

மேலும் நான்கு தமிழ் படங்கள் கைவசம் உள்ளன. இந்த நிலையில் ஸ்ரீதிவ்யா பெயரில் ஆபாச படம் இணைய தளங்களில் பரவி வருகிறது. இந்த படத்தை மார்பிங்கில் உருவாக்கி இருப்பதாக கூறப்படுகிறது. நிர்வாண பெண் உடலோடு ஸ்ரீதிவ்யா தலையை ஒட்டி இந்த படத்தை உருவாக்கியுள்ளனர். இரு தினங்களுக்கு முன் நயன்தாரா படத்தையும் இது போலவே மார்பிங் செய்து பரவ விட்டு இருந்தனர்.

தற்போது ஸ்ரீதிவ்யாவும் இதில் மாட்டி உள்ளார். இந்த படம் இணைய தளங்கள் மற்றும், வாட்ஸ்அப்களில் வேகமாக பரவி வருகிறது. இதனால் ஸ்ரீதிவ்யா அதிர்ச்சியாகி உள்ளார்.

விஜய் வழியை பின்பற்றும் கார்த்தி?

மெட்ராஸ், கொம்பன் ஆகிய இரு தொடர் வெற்றி படங்களை கொடுத்த கார்த்தி, தற்போது நாகார்ஜுனனுடன் இணைந்து ஒரு படத்திலும், நயன்தாராவுடன் இணைந்து ஒரு படத்திலும் நடித்து வருகிறார்.

இந்த இரு படங்களின் படப்பிடிப்புகளும் விறுவிறுப்பாக நடைபெற்று வந்த நிலையில் தற்போது ஒரு சிறிய விடுமுறை கார்த்திக்கு கிடைத்துள்ளது.

இந்த விடுமுறையை தனது குடும்பத்தினர்களுடன் கழிக்க முடிவு செய்த கார்த்தி, மனைவி மற்றும் குழந்தையுடன் லண்டன் சுற்றுப்பயணம் செய்துள்ளதாக கூறப்படுகிறது. தற்போது சென்னை உள்பட தமிழகத்தின் அனைத்து பகுதிகளிலும் வெயில் சுட்டெரித்து கொண்டிருக்கும் நிலையில் லண்டன் சீதோஷ்ண நிலை மிகவும் ரம்மியமாக இருப்பதாகவும், குடும்பத்துடன் லண்டனில் மகிழ்ச்சியுடன் இருப்பதாகவும் கார்த்தி தன்னுடைய சமூக வலைத்தளத்தில் பதிவு செய்துள்ளார்.

மேலும் இந்த விடுமுறைக்கு பின்னர் தமிழ் மற்றும் தெலுங்கில் உருவாகி வரும் நாகார்ஜுனனுடன் நடிக்கும் படத்திற்காக கார்த்தி பாரிஸ் செல்லவுள்ளார். பாரீஸில் நடைபெறும் படப்பிடிப்பில் நாகார்ஜுனன், கார்த்தி, தமன்னா உள்பட படக்குழுவினர் அனைவரும் கலந்து கொள்ளவுள்ளனர்.

இளையதளபதி விஜய்யும், புலி படத்தின் பணிகளை முடித்த பின்னர் லண்டனுக்கு குடும்பத்துடன் ஓய்வு எடுக்க கடந்த மாதம் சென்றார் என்பது குறிப்பிடத்தக்கது.