தலைவர் 175 படத்துடன் நடிப்புக்கு முழுக்கு போட முடிவு செய்திருக்கிறார் சூப்பர் ஸ்டார் ரஜினிகாந்த் என்று தகவல் வெளியாகியிருக்கிறது. 2028ம் ஆண்டுக்கு பிறகு ரஜினியை புதுப்படங்களில் பார்க்க முடியாதாம்.
ரஜினி ரிடையர்மென்ட்?: சூப்பர் ஸ்டார் என்று ரசிகர்களும், பிரபலங்களும் கொண்டாடும் ரஜினிக்கு 75 வயதாகிறது. ஆனால் உழைப்பதற்கு வயது ஒரு தடை அல்ல என்று தொடர்ந்து படங்களில் நடித்து வருகிறார். இந்நிலையில் ரஜினியின் தீவிர ரசிகர்கள் சமூக வலைதளங்களில் ஒரு தகவலை அதிகம் பகிர்ந்து வருகிறார்கள்.
அதாவது தலைவர் 175 படத்தில் நடித்த பிறகு சினிமாவில் இருந்து விலகிவிடலாம் என்று ரஜினிகாந்த் தீர்மானித்திருக்கிறாராம். 2028ம் ஆண்டுடன் குட்பை சொல்லிவிட்டு ஓய்வெடுக்கப் போகிறாராம். எனவே தலைவர் நடிப்பில் வரும் ஜெயிலர் 2, தர்மன், தலைவர் 174 ஆகிய படங்களை கொண்டாடுவோம். தலைவர் ரிடையர் ஆகப் போகிறார் என்பதை ஏற்க தயாராவோம் என்று கூறி வருகிறார்கள்.
ரஜினிகாந்த் நடிப்பதை நிறுத்தப் போகிறார் என்று தகவல் வெளியானது இது முதல் முறை கிடையாது. ஆனால் இம்முறை அவரின் அதி தீவிர ரசிகர்களே ரிடையர்மென்ட் பற்றி பேசி வருகிறார்கள். இருந்தாலும் ரஜினி தரப்பில் இருந்து அதிகாரப்பூர்வ அறிவிப்பு வரும் வரை காத்திருப்போம்.
ஜெயிலர் 2 ரெடி: நெல்சன் திலீப்குமார் இயக்கத்தில் ரஜினிகாந்த் நடிப்பில் உருவாகியிருக்கும் ஜெயிலர் 2 படம் அக்டோபர் 15ம் தேதி ரிலீஸாகும் என்று அறிவித்துவிட்டார்கள். ஜெயிலரை போன்றே அதன் இரண்டாம் பாகமும் பெரிய அளவில் வெற்றி பெறும் என்று நம்பப்படுகிறது. ஜெயிலர் 2 படத்தில் ரசிகைகளுக்கு மிகவும் பிடித்த பாலிவுட் நடிகர் ரித்திக் ரோஷனை பார்க்கலாம். முன்னதாக அந்த கதாபாத்திரத்தில் தலைவரின் ரசிகனான ஷாருக்கான் தான் நடிப்பதாக இருந்தது. அவர் கிங் பட வேலையில் பிசியானதால் ஜெயிலர் 2 படத்தில் நடிக்க முடியாமல் போய்விட்டது. ஷாருக்கான் மறுத்ததால் ரித்திக்கை நடிக்க வைத்திருக்கிறார் நெல்சன்.
தர்மன் ஷூட்டிங்: ரஜினிகாந்த் தற்போது அஸ்வத் மாரிமுத்து இயக்கத்தில் தர்மன் படத்தில் நடித்து வருகிறார். இந்த தர்மனை விண்வெளி நாயகன் கமல் ஹாசன் தயாரிக்கிறார். தர்மன் என தலைப்பு வைப்பதற்கு முன்பு தலைவர் 173 என்று அழைக்கப்பட்ட அந்த படத்தின் இயக்குநர் மூன்று முறை மாறிவிட்டார்கள். முதலில் பைசா வசூல் இயக்குநரான சுந்தர் சி.யை ஒப்பந்தம் செய்து அறிவித்தார்கள். பிரஷர் டூ டூ மச்சாக இருக்கிறது சார் என்று ரஜினியிடம் சொல்லிவிட்டு அவர் கிளம்பிவிட்டார்.
அதன் பிறகு சிபி சக்ரவர்த்தியை வரவேற்று அறிவித்தார்கள். அவரும் மாறி இறுதியில் அஸ்வத் மாரிமுத்து வந்து பட வேலையை ஆரம்பித்துவிட்டார்கள். அதனால் இனி இயக்குநர் மாற வாய்ப்பே இல்லை.
ரஜினி படங்கள்: தர்மனை அடுத்து சினிமா மூலம் கிடைத்த சகோதரரும், நண்பருமான கமல் ஹாசனுடன் சேர்ந்து KH x RK படத்தில் நடிக்கிறார் சூப்பர் ஸ்டார்.நெல்சன் திலீப்குமார் இயக்கும் அந்த படத்தின் ஹீரோ தலைவரா, ஆண்டவரா என்பதே பெரிய கேள்வி.
இந்நிலையில் தலைவர் 175 தான் கடைசி என்றால் அந்த படத்தை இயக்கும் அதிர்ஷ்டசாலி யாராக இருக்கும் என்று தற்போதே பேச்சு கிளம்பிவிட்டது. தலைவர் 175 ரொம்ப ஸ்பெஷலானது. அதனால் ஸ்பெஷலான இயக்குநரை ஒப்பந்தம் செய்ய வேண்டும் என்று ரசிகர்கள் எதிர்பார்க்கிறார்கள்.
சூப்பர் ஸ்டார் பட்டம் வரலாறு மற்றும் முக்கிய நிகழ்வுகள்
அனிருத்-ரஜினி: தலைவரின் கடைசி படத்திற்கு நிச்சயமாக அனிருத் இசையமைப்பார் என்று நம்பப்படுகிறது. ஜெயிலர் 2, தர்மன், தலைவர் 174 படங்களுக்கு அவர் தான் இசை என்பது குறிப்பிடத்தக்கது. இதற்கிடையே அனிருத்துக்கும், அவரின் காதலி என கிசுகிசுக்கப்படும் காவ்யா மாறனுக்கும் திருமணம் நடக்கப் போவதை உறுதி செய்திருக்கிறார் ஒய்.ஜி. மகேந்திரன்.
