மேஷம் முதல் மீனம் வரை- இன்றைய ராசிபலன்

மேஷம்: குடும்பத்தில் மகிழ்ச்சி தங்கும். உடல்நிலை சீராக அமையும். உறவினர்களின் வருகையுண்டு. கூட்டுத் தொழிலில் பங்குதாரருடன் இருந்த கருத்துவேறுபாடு நீங்கும். லாபம் அதிகரிக்கும். பயணங்கள் திருப்தி தரும். அலுவலகத்தில் மேலதிகாரிகளின் ஆதரவு கிடைக்கும்.

ரிஷபம்: பிரபலங்களின் அறிமுகம் கிட்டும். குடும்ப உறுப்பினர் களுடன் குலதெய்வம் கோயிலுக்கு சென்று பிரார்த்தனைகளை நிறைவேற்றுவீர்கள். வேற்றுமொழி, மதத்தினரால் ஆதாயம் உண்டு. வியாபாரத்தை விரிவுபடுத்துவீர். உத்தியோகம் சிறக்கும்.

மிதுனம்: எதையும் சமாளிக்கும் மனப்பக்குவம் கிட்டும். பிள்ளைகளால் உறவினர், நண்பர்கள் மத்தியில் மதிப்பு கூடும். வியாபாரத்தில் புது வாடிக்கையாளர்கள் வருவார்கள். அலுவலகத்தில் தான் உண்டு தன் வேலை உண்டு என்று இருக்கவும்.

கடகம்: யாருக்கும் எதற்காகவும் எந்த வகையிலும் உறுதிமொழி தர வேண்டாம். புண்ணிய தலங்களுக்குச் சென்று வரவும். வியாபாரத்தில் புதிய யுக்திகளைக் கையாண்டு வாடிக்கையாளர்களைக் கவருவீர். அலுவலகத்தில் விவாதங்களைத் தவிர்க்கவும்.

சிம்மம்: உறவினர், நண்பர்கள் வீட்டு சுபநிகழ்ச்சிகளை முன்னின்று நடத்துவீர்கள். வழக்கில் வெற்றி உண்டு. பழைய பிரச்சினைகளுக்கு தீர்வு காண்பீர். வியாபாரம் நல்ல லாபம் தரும். அலுவலகத்தில் தேடிய ஆவணம் தென்படும். மேலதிகாரிகள் பாராட்டுவார்கள்.

கன்னி: வீட்டில் குழப்பம் ஏற்படும். எளிதில் முடிய வேண்டிய காரியம் கூட இழுபறியாகும். பிள்ளைகளின் உடல்நலத்தில் கவனம் தேவை. வியாபாரத்தில் சிக்கல் வரக்கூடும். யாருக்கும் எந்த உறுதிமொழியும் தராதீர்கள். அலுவலகத்தில் சக ஊழியர் மத்தியில் மதிப்பு உயரும்.

துலாம்: சோர்வு நீங்கி சுறுசுறுப்புடன் காணப்படுவீர். குடும்பத்தில் நிலவிய குழப்பத்துக்கு விடை கிட்டும். மன இறுக்கம் நீங்கும். குலதெய்வ பிரார்த்தனைகளை நிறைவேற்றுவீர். வியாபாரம் சூடு பிடித்து நல்ல லாபம் பார்க்கலாம். அலுவலகத்தில் அமைதி காப்பது நல்லது.

விருச்சிகம்: திட்டமிட்டபடி பணிகளை முடிப்பீர்கள். ஈகோ பிரச்சினை தீர்ந்து தம்பதிக்குள் அன்யோன்யம் அதிகரிக்கும். சகோதரர்கள் உதவிகரமாக இருப்பார்கள். வியாபாரத்தில் பங்குதாரர்களின் ஆலோசனையை ஏற்கவும். அலுவலகத்தில் மேலதிகாரி ஆதரவு தருவார்.

தனுசு: தம்பதிக்குள் விட்டுக் கொடுத்து போவது நல்லது. பிரச்சினை களை நினைத்து வருந்த வேண்டாம். பூர்வீக வீட்டை சீரமைத்து விரிவுபடுத்தி கட்டுவீர்கள். வியாபாரத்தில் பாக்கிகளை போராடி வசூலிப்பீர்கள். அலுவலகரீதியாக வெளியூர் பயணம் மேற்கொள்வீர்கள்.

மகரம்: பிரியமானவர்களின் சந்திப்பால் மனமகிழ்ச்சி அடைவீர். குடும்பத்தினரிடம் மனம் விட்டுப் பேசுவீர். தலைவலி, தூக்கமின்மை நீங்கும். வியாபாரத்தில் புதிய சலுகைகளை அறிவிப்பீர். பழைய பாக்கி வசூலாகும். அலுவலகத்தில் அடுத்தவர் விஷயத்தில் தலையிடாதீர்.

கும்பம்: பழைய கடனைத் தீர்க்க புதுவழி யோசிப்பீர். புது வேலை கிட்டும். தந்தையின் உடல்நலம் சீராகும். பழைய நண்பர்கள் தேடி வருவர். வியாபாரத்தில் புதிய பங்குதாரர்கள் ஒத்துழைப்பு தருவார்கள். அலுவலகத்தில் பொறுப்பு கூடும். உயர் பதவிக்கு பரிந்துரைக்கப்படுவீர்.

மீனம்: சாதிக்க வேண்டுமென்ற எண்ணம் அதிகரிக்கும். சமூகத்தில் பெரிய அந்தஸ்தில் இருப்பவர்களின் நட்பு கிட்டும். மூத்த சகோதரர்கள் ஆதரவாக இருப்பார்கள். வியாபாரத்தை அடுத்த கட்டத்துக்கு கொண்டு செல்ல முயற்சிப்பீர். அலுவலகத்தில் விவாதங்களை தவிர்ப்பீர்.

திதி: சதுர்த்தி மாலை 6.59 வரை. பிறகு பஞ்சமி.

நட்சத்திரம்: பூசம் காலை 11.32 வரை. பிறகு ஆயில்யம்.

நாமயோகம்: வியாகாதம் மாலை 5.34 வரை. பிறகு ஹர்ஷணம்.

நாமகரணம்: வணிசை காலை 8.14 வரை. பிறகு விஷ்டி.

நல்ல நேரம்: காலை 9-10, பகல் 11-12, மாலை 4-6.30, இரவு 8-9.

யோகம்: சித்தயோகம் நாள் முழுவதும்.

சூலம்: தெற்கு, தென்கிழக்கு மதியம் 2 மணி வரை.

சந்திராஷ்டமம்: பூராடம் காலை 11.32 வரை. பிறகு உத்திராடம்.

சூரிய உதயம்: சென்னையில் காலை 5.43.

அஸ்தமனம்: மாலை 6.36.

ராகு காலம்: மதியம் 1.30-3.00

எமகண்டம்: காலை 6.00-7.30