வெறும் வயிற்றில் மற்றும் சாப்பிட்ட பிறகு உங்க ரத்த சர்க்கரை அளவு எந்த வரம்பிற்குள் இருக்க வேண்டும்? சர்க்கரை நோய் ஆபத்திலிருந்து தப்பிக்க உங்க வயதிற்குரிய சரியான அளவை இப்போதே தெரிந்துகொள்ளுங்கள்!
இந்தியாவில் சர்க்கரை நோயின் பாதிப்பு மிக வேகமாக அதிகரித்து வருகிறது. உலக சுகாதார அமைப்பின் தகவலின்படி, இந்தியாவில் 18 வயதுக்கு மேற்பட்ட சுமார் 7.7 கோடி பேர் டைப்-2 நீரிழிவு நோயால் பாதிக்கப்பட்டுள்ளனர். மேலும், சுமார் 2.5 கோடி பேர் ப்ரீடயாபடீஸ் நிலையில் உள்ளதால், எதிர்காலத்தில் நீரிழிவு ஏற்படும் அபாயம் அதிகமாக உள்ளது.
உடலில் சர்க்கரை அளவை பரிசோதிக்கும் போது வயது, பரிசோதனை செய்யும் நேரம் ஆகியவற்றை பொறுத்து அளவுகள் மாறுபடும். உங்கள் வயதிற்கு ஏற்ப உடலில் ரத்த சர்க்கரை அளவு எவ்வளவு இருக்க வேண்டும் என்பதை கீழே உள்ள அட்டவணை மூலம் எளிதாக தெரிந்து கொள்ளலாம்.
நாம் தினசரி சாப்பிடும் உணவில் உள்ள கார்போஹைட்ரேட்டுகள் செரிமானத்தின் போது குளுக்கோஸாக மாறுகின்றன. இந்த குளுக்கோஸ் நம் ரத்தத்தில் கலந்து, உடலுக்கு தேவையான ஆற்றலை வழங்குகிறது. கணையத்தில் சுரக்கும் இன்சுலின் எனும் ஹார்மோன் தான், இந்த குளுக்கோஸை ரத்தத்தில் இருந்து உடலின் செல்களுக்குள் கொண்டு செல்ல உதவுகிறது.
ஆனால், உடலில் இன்சுலின் சுரப்பு போதிய அளவில் இல்லாதபோது அல்லது சுரக்கும் இன்சுலினை உடலின் செல்கள் சரியாகப் பயன்படுத்த முடியாதபோது, குளுக்கோஸ் செல்களுக்குள் செல்ல முடியாமல் ரத்தத்திலேயே தங்கி விடுகிறது. இதன் விளைவாகவே ரத்த சர்க்கரை அளவு அதிகரிக்கிறது. இதுவே நாளடைவில் சர்க்கரை நோயாக மாறுகிறது.
வயது வாரியான ரத்த சர்க்கரை அளவு அட்டவணை
வயது வாரியான ரத்த சர்க்கரை அளவு அட்டவணை
பொதுவாக சர்க்கரை நோய் இல்லாத ஒரு ஆரோக்கியமான மனிதருக்கு இருக்க வேண்டிய சர்க்கரை அளவுகள் (mg/dL – மில்லிகிராம்/டெசிலிட்டர்) கீழே கொடுக்கப்பட்டுள்ளது.
1. குழந்தைகள் (6 முதல் 12 வயது)
வெறும் வயிற்றில்: 70 – 100 mg/dL
சாப்பிட்ட 2 மணி நேரத்திற்கு பின்: 140 mg/dL-க்கும் குறைவாக
2. டீனேஜர்கள் (13 முதல் 19 வயது)
வெறும் வயிற்றில்: 70 – 100 mg/dL
சாப்பிட்ட 2 மணி நேரத்திற்கு பின்: 40 mg/dL-க்கும் குறைவாக
3. பெரியவர்கள் (20 முதல் 59 வயது)
வெறும் வயிற்றில்: 70 – 99 mg/dL
சாப்பிட்ட 2 மணி நேரத்திற்கு பின்: 140 mg/dL-க்கும் குறைவாக
4. முதியவர்கள் (60 வயதுக்கு மேற்பட்டோர்)
வெறும் வயிற்றில்: 70 – 110 mg/dL
சாப்பிட்ட 2 மணி நேரத்திற்கு பின்: 140 – 160 mg/dL-க்குள்
சர்க்கரை நோய் பாதிப்பை கண்டறிவது எப்படி?
சர்க்கரை நோய் பாதிப்பை கண்டறிவது எப்படி?
மருத்துவ ரீதியாக ஒருவருக்கு சர்க்கரை நோய் அல்லது அதற்கு முந்தைய நிலை ப்ரீடயாபடீஸ் இருக்கிறதா என்பதை வெறும் வயிற்று ரத்த பரிசோதனை மூலம் கண்டறிவது சிறந்தது.
இயல்பான அளவு (Normal): 70 முதல் 99 mg/dL வரை
ப்ரீடயாபடீஸ்: 100 முதல் 125 mg/dL வரை
சர்க்கரை நோய் நிலை (Diabetes): 126 mg/dL அல்லது அதற்கு மேல்.
அடிக்கடி தாகம் எடுப்பது
அதிகமாக சிறுநீர் கழித்தல்
காயம் குணமடைய தாமதமாகுதல்
தலைவலி
உடல் சோர்வு
பார்வை மங்குதல்
இந்த அறிகுறிகள் தொடர்ந்து இருந்தால் மருத்துவரை சந்தித்து ஆலோசனை பெறுவது நல்லது
தினமும் குறைந்தது 30 நிமிடங்கள் நடைப்பயிற்சி அல்லது மிதமான உடற்பயிற்சி செய்வது இன்சுலின் சுரப்பை சீராக்கும்.
காய்கறிகள், முழுதானியங்கள் மற்றும் புரதச்சத்து நிறைந்த உணவுகளை சாப்பிடுங்கள்.
அதிக சர்க்கரை மற்றும் பதப்படுத்தப்பட்ட உணவுகளை தவிர்க்கவும்.
தினமும் 7 முதல் 8 மணி நேரம் தூங்க வேண்டும். தூக்கமின்மை இன்சுலின் எதிர்ப்பை அதிகரித்து ரத்த சர்க்கரை அளவில் ஏற்றத்தாழ்வு வழிவகுக்கும்.
தியானம், மூச்சுப்பயிற்சி மூலம் மன அழுத்தத்தை கட்டுக்குள் வைக்கவும்.
சர்க்கரை நோய் எந்த வயதிலும் ஏற்படலாம். எனவே, உங்கள் வயதிற்கு ஏற்ப சாதாரண ரத்த சர்க்கரை அளவு என்ன என்பதை தெரிந்து கொண்டு, அவ்வப்போது பரிசோதனை செய்வது நல்லது. அன்றாட உணவுப் பழக்கம், போதிய தூக்கம், மன அழுத்தம் இல்லாத வாழ்க்கை மற்றும் சுறுசுறுப்பான செயல்பாடுகள் மூலமே நீரிழிவு நோயை வராமல் தடுக்கவும், வந்த பின் கட்டுப்படுத்தவும் முடியும்.
ப்ரீடயாபடீஸ் நிலையில் இருப்பவர்கள் இப்போதே தங்களின் வாழ்க்கை முறையை மாற்றிக்கொண்டால், சர்க்கரை நோய் பாதிப்பில் இருந்து தப்பித்துக் கொள்ள முடியும்.
30 வயதை கடந்தவர்கள் அல்லது குடும்பத்தில் சர்க்கரை நோய் பின்னணி கொண்டவர்கள் வருடத்திற்கு ஒருமுறையாவது ரத்த சர்க்கரை பரிசோதனை செய்து கொள்வது நல்லது.
