விழுப்புரத்தில் வீட்டின் அருகே விளையாடிக் கொண்டிருந்த 3 வயது சிறுமியை மிட்டாய் வாங்கி தருவதாக ஒதுக்கு புறமான இடத்திற்கு அழைத்து சென்று பாலியல் கொடுமையில் ஈடுபட்ட வாலிபனை பொதுமக்கள் பிடித்து தர்ம அடி கொடுத்து சுமார் 3 கிலோ மீட்டர் தூரம் அவனை ரோட்டில் ஊர்வலமாக தரதரவென இழுத்து வந்து காவல் நிலையத்தில் ஒப்படைத்துள்ள சம்பவம் பெரும் பரபரப்பை ஏற்படுத்தியுள்ளது.
விழுப்புரம் மாவட்டம் தோகைப்பாடி கிராமத்தை சேர்ந்தவன் இளவரசன் நேற்று மாலை வேலைக்கு செல்லாமல் வீட்டில் இருந்த இவன் அதே பகுதியில் தனது வீட்டின் அருகே விளையாடி கொண்டிருந்த 3 வயது சிறுமியை பார்த்துள்ளான்.
சிறுமி என்றும் பாராமல் அதை சீரழிக்க எண்ணிய இவன் மிட்டாய் வாங்கி தருவதாக ஒதுக்கு புறமான இடத்திற்கு சிறுமியை அழைத்து சென்றதாக கூறப்படுகின்றது.
சிறுமியிடம் தகாத முறையில் நடக்க முயன்றுள்ளான். அப்போது சிறுமி சத்தம் போட்டதை தொடர்ந்து பொதுமக்கள் அங்கு கூடி சிறுமியை மீட்டுள்ளனர்.
மேலும் இந்த இழிச் செயலில் ஈடுபட்ட இளவரசனை வாழை மட்டை உள்ளிட்டவற்றால் இளைஞர்கள் பொலந்து கட்டினர். இதில் இளவரசனின் முகம் கொல கொலவென ஆனது.
ஏற்கனவே இவன் இது போன்று சிறுமிகளிடம் தகாத முறையில் நடந்த கொண்டதை அறிந்த பொதுமக்கள் இவனுக்கு சரியான பாடம் புகட்ட வேண்டும் என்று எண்ணி 3 கிலோ மீட்டர் தூரம் ஊரார் பார்க்கும் வண்ணம் ரோட்டில் அவனை தர தரவென ஊர்வலமாக இழுத்து வந்தனர்.
தகவல் அறிந்த காணை காவல் நிலைய போலிசார் இடையில் வந்து இளவரசனை கைது செய்து அழைத்து சென்றனர்.
அவனிடம் தொடர்ந்து போலிசார் விசாரனை நடத்தி வருகின்றனர். பொதுமக்கள் கொடுத்த தர்ம அடியில் படுகாயமடைந்த அவனை மருத்துவமனயைில் சேர்த்து சிகிச்சை அளித்து வருகின்றனர்.
”குழந்தைகள நீ சீரழிப்ப பாத்துட்டு நாங்க உண்ணை சும்மா விட்ருவோமா” எனக் கூறி அந்த பகுதி இளைஞர்கள் அவனுக்கு தர்ம அடி கொடுத்த சம்பவம் அந்த பகுதியில் பெரும் பரபரப்பை ஏற்படுத்தியது.