உலக அளவில் கொரோனா பாதிப்பு எண்ணிக்கையில் அமெரிக்கா முதலிடத்தில் உள்ளது. அதனை தொடர்ந்து இந்தியா 2-வது இடத்திலும், பிரேசில் 3-வது இடத்திலும் உள்ளது. உலக அளவில் கொரோனா பாதிப்பு அதிகமுள்ள பட்டியலில் இத்தாலி 8-வது இடத்தில் உள்ளது.

 

 

இந்நிலையில், இத்தாலி நாட்டில் கடந்த 24 மணி நேரத்தில் 15 ஆயிரத்துக்கும் அதிகமானோருக்கு தொற்று உறுதி செய்யப்பட்டு உள்ளது. இதையடுத்து அங்கு கொரோனா வைரசால் பாதிப்பு அடைந்தோர் எண்ணிக்கை 27 லட்சத்து 80 ஆயிரத்து 882 ஆக உள்ளது.

 

ஒரே நாளில் 348 பேர் உயிரிழந்துள்ள நிலையில், அங்கு கொரோனா பாதிப்பால் உயிரிழந்தவர்கள் எண்ணிக்கை 95 ஆயிரத்து 235 ஆக உள்ளது. மேலும், கொரோனாவில் இருந்து குணமடைந்தோர் எண்ணிக்கை 23 லட்சத்தை கடந்துள்ளது. சுமார் 3.82 லட்சத்துக்கும் அதிகமானோர் சிகிச்சை பெற்று வருகின்றனர்.

 

உலகம் முழுவதும் கொரோனா பாதிப்பில் இருந்து குணமடைந்தோர் எண்ணிக்கை 8.61 கோடியாக உயர்ந்துள்ளது.

 

 

சீனாவின் உகான் நகரில் வெளிப்பட்ட கொரோனா வைரஸ் உலக நாடுகளை உலுக்கி வருகிறது. வைரஸ் தொற்று பரவி ஏறத்தாழ ஒரு வருடங்கள் கடந்து விட்டாலும் இதன் வீரியம் குறைந்தபாடில்லை.  உலக அளவில் கொரோனா வைரஸ் தொற்று பாதிப்பில் முதலிடத்தில் அமெரிக்காவும், இரண்டாம் இடத்தில் இந்தியாவும், மூன்றாவது இடத்தில் பிரேசிலும், 4-வது இடத்தில் ரஷ்யாவும் உள்ளது.

 

 

இந்நிலையில் தற்போதைய நிலவரப்படி, உலகம் முழுவதும் கொரோனாவால் பாதிக்கப்பட்டோர் எண்ணிக்கை 11 கோடியை தாண்டி உயர்ந்து வருகிறது. இதன்படி உலகம் முழுவதும் தற்போது 11,12,30,787 பேருக்கு கொரோனா வைரஸ் தொற்று உறுதி செய்யப்பட்டுள்ளது. கொரோனா பாதிப்பில் இருந்து இதுவரை 8,61,05,214 பேர் குணமடைந்துள்ளனர். மேலும் வைரஸ் தாக்குதலுக்கு இதுவரை 24 லட்சத்து 62 ஆயிரத்து 565 பேர் உயிரிழந்துள்ளனர். 

 

கொரோனா தொற்றுக்கு தற்போது 22,631,233 பேர் சிகிச்சை பெற்று வருகின்றனர். சிகிச்சை பெறுபவர்களில் 94,899 பேரின் நிலைமை கவலைக்கிடமாக உள்ளது.

 

கொரோனா அதிகம் பரவிய நாடுகள்:-

 

அமெரிக்கா  -  பாதிப்பு- 28,602,722, உயிரிழப்பு -  5,07,665 குணமடைந்தோர் - 18,800,783

இந்தியா   -    பாதிப்பு- 10,976,776, உயிரிழப்பு -  1,56,240, குணமடைந்தோர் -10,675,882

பிரேசில்   -    பாதிப்பு - 10,081,693, உயிரிழப்பு -  2,44,955, குணமடைந்தோர் - 9,029,159

ரஷ்யா    -    பாதிப்பு - 4,139,031, உயிரிழப்பு -    82,396, குணமடைந்தோர் - 3,679,949

இங்கிலாந்து -  பாதிப்பு - 4,095,269, உயிரிழப்பு -   119,920, குணமடைந்தோர் - 2,331,001