செவ்வாய் கிரகத்தில் தரையிறங்கியது பெர்சவரன்ஸ்! – வெளியானது முதல் புகைப்படம்!
19 Feb,2021
செவ்வாய் கிரகத்தை ஆராய நாசா அனுப்பிய பெர்சவரன்ஸ் விண்கலம் வெற்றிகரமாக செவ்வாயில் தரை இறங்கியது.
விண்வெளி ஆராய்ச்சியில் பல்வேறு முன்னேற்றங்களை கண்டுள்ள நாசா தொடர்ந்து செவ்வாய் கிரகத்தை ஆய்வு செய்து வருகிறது. முன்னதாக சில ரோவர்கள் அனுப்பப்பட்டு செவ்வாய் கிரகத்தை படங்கள் எடுத்த நிலையில் அங்குள்ள மண் மற்றும் பாறை மாதிரிகளை சேகரித்து வர நாசா திட்டமிட்டது.
இதற்காக உருவாக்கப்பட்ட பெர்சவரன்ஸ் விண்கலம் கடந்த ஆண்டு ஜூலை மாதம் விண்ணில் ஏவப்பட்டது கடந்த 8 மாத காலமாக விண்வெளி பயணம் மேற்கொண்ட பெர்சவரன்ஸ் இன்று செவ்வாயில் வெற்றிகரமாக தரையிறங்கியது. தரையிறங்கிய பெர்சவரன்ஸ் விண்கலம் எடுத்த முதல் புகைப்படம் சமூக வலைதளங்களில் வைரலாகி வருகிறது.
செவ்வாயில் தரையிறங்கிய நாசாவின் விண்கலம் வெற்றிகரமாக ததையிறங்கி தனது முதல் புகைப்படத்தை அனுப்பியுள்ளது.
நாசா அனுப்பிய ரோபோட்டிக் ஓவர் செவ்வாய் கிரகத்தில் வெற்றிகரமாக தரையிறங்கியது. செவ்வாய் கிரகத்தில் உயிரினங்கள் வாழ்வது சாத்தியமா என்ற ஆய்வுக்காக இந்த விண்கலம் பிரத்யேகமாக வடிவமைக்கப்பட்டுள்ளது. இந்த விண்கலம் 7 மாத பயணத்திற்கு பிறகு செவ்வாய் கிரகத்தை அடைந்துள்ளது.
இந்நிலையில், விண்கலத்தில் இருந்து ரோபோடிக் ரோவர், ஜெசிரோ பள்ளத்தில் இந்த நேரப்படி அதிகாலை 2 மணி அளவில் தரையிறங்கியது. இதன்பிறகு செவ்வாயை படம்பிடித்து முதல் படத்தை நாசாவுக்கு அனுப்பிவைத்துள்ளது. ஓராண்டுக்கு (687 நாட்கள்) ரோவர் செவ்வாய்கிரகத்தில் ஆய்வு மேற்கொள்கிறது.