சூப்பரான மாலை நேர டிபன் முட்டை அடை
10 Jul,2017
மாலையில் பள்ளியில் இருந்து வரும் குழந்தைகளுக்கு சூப்பரான டிபன் செய்து கொடுக்க விரும்பினால் இந்த முட்டை அடையை செய்து கொடுக்கலாம்.
தேவையான பொருட்கள் :
முட்டைகள் - 2
கடலைப்பருப்பு - ஒரு கை
துவரம்பருப்பு - ஒரு கை
பாசிப்பருப்பு - 1 ஸ்பூன்
உளுந்தம்பருப்பு - 1 ஸ்பூன்
பச்சை மிளகாய் - 3
வற்றல் மிளகாய் - 2
இஞ்சி விழுது - அரை ஸ்பூன்
பூண்டு - 4 பற்கள்
பெரிய வெங்காயம் - 2
கறிவேப்பிலை - ஒரு கொத்து
கொத்தமல்லி - கால் கப்
செய்முறை :
* வெங்காயம், கொத்தமல்லி, ப.மிளகாயை பொடியாக நறுக்கி கொள்ளவும்.
* பருப்பு வகைகள், மிளகாய் வற்றலை நீரில் ஒரு மணி நேரம் ஊற வைக்கவும்.
* நன்றாக ஊறியதும் அதனுடன் பச்சை மிளகாய், இஞ்சி, பூண்டு, உப்பு சேர்த்து நைசாக அரைக்கவும்.
* ஒரு பாத்திரத்தில் முட்டைகளை உடைத்து ஊற்றி அதனுடன் சிறிது உப்பு சேர்த்து நன்றாக அடித்து கலக்கவும்.
* இந்த முட்டை கலவையை மாவுக்கலவையுடன் சேர்த்து, அதனுடன் கறிவேப்பிலை, வெங்காயம், கொத்தமல்லி சேர்த்து நன்றாக கலக்கவும்.
* தோசை கல்லை அடுப்பில் வைத்து சூடானதும் சிறிய சிறிய அடைகளாக ஊற்றி சுற்றி சிறிது எண்ணெய் ஊற்றி வெந்ததும் திருப்பி போட்டு வேக வைத்து எடுத்து பரிமாறவும்.
* சூப்பரான மாலை நேர டிபன் முட்டை அடை ரெடி.