2019 – புத்தாண்டு ராசிபலன்கள் – விருச்சிகம்-துலாம்-கன்னி-சிம்மம்

25 Dec,2018
 

 

 
விருச்சிகம்
உங்கள் ராசிக்கு 12-ல் சந்திரனும் சுக்கிரனும் இருக்கும் வேளையில் வருடம் பிறப்பதால், சின்னச் சின்ன கனவுகள் நிறைவேறும். கடன் பிரச்னைகளை இதமாகப் பேசி சமாளிப்பீர்கள்.
குலதெய்வக் கோயிலைப் புதுப்பிக்க உதவி செய்வீர்கள். பால்ய நண்பர்களைச் சந்தித்து மகிழ்வீர்கள். விலையுயர்ந்த நவீன சாதனங்கள் வாங்குவீர்கள்.
வருடத் தொடக்கத்திலிருந்து 12.2.19 வரை ராசிக்கு 3-ல் கேது இருப்பதால், எதையும் திட்ட மிட்டுச் செய்வீர்கள். ஷேர் மூலம் பணம் வரும். ராசிக்கு 9-ல் ராகு இருப்பதால், எவ்வளவு பணம் வந்தாலும் பற்றாக்குறை நீடிக்கும். அடிக்கடி வீண் டென்ஷன் ஏற்படும். தந்தையுடன் மனவருத்தம் ஏற்பட்டு நீங்கும். தந்தைவழி உறவினர்களுடன் கருத்து வேறுபாடுகள் வந்து போகும். 13.2.19 முதல் கேது 2-லும், ராகு 8-லும் இருப்பதால், மற்றவர்களுடன் அனுசரணையாக நடந்துகொள்வது அவசியம். வாகனத்தில் செல்லும் போது எச்சரிக்கையாக இருக்கவும். வெளி வட்டாரத்தில் விமர்சனங்களைத் தவிர்ப்பது நல்லது. கண்களைப் பரிசோதித்துக்கொள்வது நல்லது.
வருடம் முழுவதும் ஏழரைச் சனியில் பாதச் சனி நடப்பதால், பல் வலி, காது வலி ஏற்பட்டு நீங்கும். உறவினர்களிடம் அதிக உரிமை எடுத்துக்கொள்ள வேண்டாம். வெளியிடங்களில் முக்கியமான விஷயங்களைப் பகிர்ந்துகொள்ள வேண்டாம். பணப் பற்றாக்குறை ஏற்படும். மற்றவர்களுக்கு ஜாமீன் கையெழுத்து போடவேண்டாம்.
ராசிநாதன் செவ்வாய் 5-ல் இருக்கும் நேரத்தில் வருடம் பிறப்பதால், கர்ப்பிணிப் பெண்கள் கவனமாக இருப்பது நல்லது. குழந்தையின் வளர்ச்சியை அடிக்கடி பரிசோதித்துக்கொள்வது நல்லது. சகோதரர்களால் அலைச்சலும் செலவுகளும் இருக்கும். பூர்வீகச் சொத்துப் பிரச்னையை சுமுகமாகப் பேசித் தீர்க்கவும். பிள்ளைகளின் உணர்வுகளுக்கு மதிப்பு கொடுத்து நடந்து கொள்ளுங்கள். அவர்கள் விரும்பும் கல்விப் பிரிவில் சேர்க்க முயற்சி செய்யுங்கள்.
வருடத் தொடக்கத்திலிருந்து 12.3.19 வரை; 19.5.19 முதல் 27.10.19 வரை, குரு உங்கள் ராசியில் அமர்ந்து ஜன்ம குருவாக இருப்பதால், ஓய்வெடுக்க முடியாதபடி வேலைச்சுமை இருக்கும். குடும்பத்தில் அடிக்கடி சச்சரவுகள் ஏற்படக்கூடும். வாழ்க்கையில் பிடிப்பின்மை ஏற்பட்டு நீங்கும்.
13.3.19 முதல் 18.5.19 வரை அதிசாரமாகவும், 28.10.19 முதல் வருடம் முடியும் வரை கோசாரப்படி குரு உங்கள் ராசிக்கு 2-ல் அமர்ந்தும் திகழ்வதால், பணவரவு அதிகரிக்கும். பிரிந்திருந்த தம்பதி ஒன்றுசேர்வீர்கள். சிலருக்குக் குழந்தை பாக்கியம் கிடைக்கும். சுபநிகழ்ச்சிகளால் வீடு களை கட்டும். ஒதுங்கியிருந்த உறவினர்களும் நண்பர்களும் வலிய வந்து உறவாடுவார்கள். புது வீடு கட்டி கிரகப் பிரவேசம் செய்வீர்கள்.
வியாபாரிகளே! வியாபாரம் விறுவிறுப்பாக நடைபெறும். வேலையாள்களைத் தட்டிக்கொடுத்து வேலை வாங்குவீர்கள். பழைய பாக்கிகள் வசூலாகும். வாடிக்கையாளர்களைக் கவர புதுப்புது யுக்திகளைக் கையாளுவீர்கள். பெரிய நிறுவனங்களுடன் ஒப்பந்தம் செய்துகொள்வீர்கள். கம்ப்யூட்டர் உதிரி பாகங்கள், ஆடை வடிவமைப்பு, பிளாஸ்டிக் வகை களால் ஆதாயம் அதிகரிக்கும்.
உத்தியோகஸ்தர்களே! உங்கள் நிர்வாகத் திறமை கூடும். பாரபட்சமாக நடந்துகொண்ட அதிகாரி உங்களைப் பாராட்டும் நிலை ஏற்படும். கூடுதல் சலுகைகள் கிடைக்கும். இடமாற்றம் ஏற்பட்டாலும் அதனால் நன்மையே உண்டாகும். ஆனால், ஏழரைச் சனி தொடர்வதால் மறைமுக பிரச்னைகள் இருக்கும். சக ஊழியர்களுடன் அளவோடு பழகவும். பதவி உயர்வு, சம்பள உயர்வு போன்ற சலுகைகளை எதிர்பார்க்கலாம்.
மாணவர்களே! தேர்வுகளில் எதிர்பார்த்தபடி அதிக மதிப்பெண்கள் பெறுவீர்கள். ஆசிரியர்கள் உங்கள் முயற்சிகளுக்குப் பக்கபலமாக இருப்பார்கள். பெற்றோர் உங்கள் தேவைகளைப் பூர்த்தி செய்வர். நல்ல நண்பர்களின் அறிமுகமும் அவர்களால் ஆதாயமும் கிடைக்கும். 
 
கலைத்துறையினரே! யதார்த்தமான படைப்பு களால் முன்னேறுவீர்கள். வெளிநாட்டு நிறுவனங் களிலிருந்து வாய்ப்புகள் வரும்.
மொத்தத்தில், இந்தப் புது வருடம் உங்களின் திறமையை அதிகப்படுத்துவதுடன், பணப் புழக்கத்தையும் வெற்றியையும் தருவதாக அமையும்.
பரிகாரம்: மதுரை மாவட்டம், பேரையூர் எனும் ஊரில் அருள்பாலிக்கும் ஸ்ரீசுப்ரமணிய ஸ்வாமியைப் பூசம் நட்சத்திரத்தன்று தரிசித்து வழிபட்டு வாருங்கள்; சுபிட்சம் உண்டாகும்.

 

2019 – புத்தாண்டு ராசிபலன்கள் – துலாம்

சுக்கிரனும் சந்திரனும் உங்கள் ராசிக்குள் இருக்கும்போது வருடம் பிறப்பதால், இங்கிதமாகவும் இதமாகவும் பேசி காரியம் சாதிப்பீர்கள். செலவுகளைக் குறைக்க திட்டமிடுவீர்கள். கடனாகக் கொடுத்த பணம் திரும்பக் கிடைக்கும்.
வாழ்க்கைத் துணைவர் வழியில் ஒத்துழைப்பு அதிகரிக்கும். வீடு வாங்க, கட்ட வங்கிக் கடனுதவி கிடைக்கும். புது வேலைக்கு முயற்சி செய்பவர்களுக்கு நல்ல வேலை கிடைக்கும். பழைய கடன் பிரச்னைகள் கட்டுப்படும். அவ்வப்போது உடல்நலன் சிறிதளவு பாதிக்கும் என்றாலும், உரிய சிகிச்சை யால் உடனே சரியாகிவிடும்.12.2.19 வரை ராசிக்கு 4-ல் கேதுவும் 10-ல் ராகுவும் இருப்பதால், வாகனத்தில் செல்லும்போது கவனமாக இருக்கவும். காரியங்களில் தடை ஏற்படும். வீண் அலைச்சல், டென்ஷன் ஏற்பட்டு நீங்கும். தாயின் உடல் ஆரோக்கியத்தில் கவனம் தேவை. சொத்துகள் வாங்குவது விற்பதில் வில்லங்கம் ஏற்பட்டு நீங்கும்.
13.2.19 முதல் வருடம் முடியும் வரை கேது 3-ல் அமர்வதால், புதிய முயற்சிகள் சாதகமாக முடியும். வழக்குகளில் சாதகமான தீர்ப்பு வரும். இளைய சகோதரர் வகையில் ஆதாயம் உண்டாகும். ராகு 9-ல் இருப்பதால், சேமிப்புகள் கரையும். தந்தையின் ஆரோக்கியம் பாதிக்கப்படக்கூடும். பிதுர்வழிச் சொத்துகளைப் பெறுவதில் தடை ஏற்பட்டு நீங்கும். வேற்று மொழி பேசுபவர்கள், வெளிநாடுகளில் இருப்பவர்களால் ஆதாயம் உண்டாகும்.
செவ்வாய் 6-ல் பலம் பெற்றிருக்கும் நேரத்தில் வருடம் பிறப்பதால், மனப் போராட்டங்கள் குறையும். எதிர்த்தவர்கள் அடங்கிப் போவார்கள். பேச்சில் அனுபவ முதிர்ச்சி வெளிப்படும். கடனில் ஒரு பகுதியை பைசல் செய்ய வழி பிறக்கும். தள்ளிப் போன வழக்கில் சாதகமான தீர்ப்பு கிடைக்கும்.
வருடம் முழுவதும் சனி 3-ல் இருப்பதால், திடீர் யோகம் உண்டு. பெரிய பதவிகளுக்குத் தேர்ந்தெடுக்கப்படுவீர்கள். புதுத் தொழில் தொடங்கு வீர்கள். வாழ்க்கைத்துணைவரின் உறவினர்கள் உங்களுக்கு ஆதரவாக இருப்பார்கள். சகோதர வகையில் அனுகூலம் உண்டு. சிலருக்கு வெளி மாநிலம், வெளிநாடு செல்லும் வாய்ப்பு ஏற்படும்.
வருடத் தொடக்கத்திலிருந்து 12.3.19 வரை; 19.5.19 முதல் 27.10.19 வரை, குரு உங்கள் ராசிக்கு 2-ம் இடத்தில் இருப்பதால் எதிர்பார்த்த தொகை கைக்கு வரும். சுப நிகழ்ச்சிகளால் வீடு களை கட்டும். அனைத்து வகையிலும் நன்மைகள் உண்டாகும்.
குரு பகவான், 13.3.19 முதல் 18.5.19 வரை அதிசாரத்திலும், 28.10.19 முதல் வருடம் முடியும் வரை ராசிக்கு 3-ல் அமர்ந்தும் திகழ்வதால், ஒரே நாளில் பல வேலைகளைச் சேர்த்துப் பார்க்கவேண்டிய சூழ்நிலை ஏற்படும். மனதில் அடிக்கடி குழப்பங்கள் ஏற்பட்டு நீங்கும். இளைய சகோதர வகையில் மனத்தாங்கல் ஏற்பட்டு நீங்கும்.
வியாபாரிகளே! தொழிலில் போட்டிகளையும்  எதிர்ப்புகளையும் கடந்து லாபம் சம்பாதிப்பீர்கள். புதிய வாடிக்கையாளர்களின் அறிமுகமும் ஆதரவும் கிடைக்கும். உங்களில் சிலர், வெளிநாட்டு நிறுவனத் துடன் புது ஒப்பந்தம் செய்துகொள்வீர்கள். பாக்கிகள் வசூலாகும். கடையைப் புது இடத்துக்கு மாற்றுவீர்கள். வேலையாள்களைத் தட்டிக்கொடுத்து வேலை வாங்கவேண்டி வரும். ஸ்டேஷனரி, பேன்ஸி ஸ்டோர், உணவு, ரியல் எஸ்டேட் வகைகளால் லாபம் கிடைக்கும்.
உத்தியோகஸ்தர்களே! 13.2.19 முதல் அலுவலகத்தில் திருப்திகரமான சூழ்நிலை ஏற்படும். ஆனாலும் அதிகம் உழைக்கவேண்டி வரும். மேலதிகாரிகளிடம் நல்ல பெயர் எடுக்கச் சற்று போராடவேண்டி இருக்கும். மறுக்கப்பட்ட உரிமைகள் கிடைக்கும். பதவி உயர்வு, சம்பள உயர்வு கிடைக்கும். மனதுக்குப் பிடித்தமான வகையில் இடமாறுதல் கிடைக்கும்.
மாணவர்களே! சாதித்துக் காட்டவேண்டும் என்ற வேகம் இருந்தால் மட்டும் போதாது. அதற்கேற்ற உழைப்பும் வேண்டும். அன்றைய பாடங்களை அன்றே படித்துவிடுவது நல்லது. மொழித் திறனை வளர்த்துக்கொள்ளுங்கள்.
கலைத்துறையினரே! வரவேண்டிய சம்பளப் பாக்கி கைக்கு வரும். கிசுகிசுத் தொந்தரவுகள், வதந்திகள் வந்தாலும் பொருட்படுத்தாமல் தைரிய மாக இருப்பீர்கள். புகழும் செல்வாக்கும் அதிகரிக்கும்.
மொத்தத்தில் இந்தப் புத்தாண்டு, உங்களுக்குத் தேவையான பண வரவையும், செல்வாக்கையும், பதவிகளையும் பெற்றுத் தருவதாக அமையும்.
பரிகாரம்: காஞ்சிபுரம் மாவட்டம், தாழம்பூர் எனும் ஊரில் அருளும் அருள்மிகு திரிசக்தி அம்மனை, வெள்ளிக்கிழமைகளில் தரிசித்து வழிபட்டால் வெற்றிகள் சேரும்.

 

2019 – புத்தாண்டு ராசிபலன்கள் – கன்னி

உங்கள் ராசிக்கு 2-ல் சந்திரனும் சுக்கிரனும் இருக்கும் நிலையில் வருடம் பிறப்பதால், பணவரவுக்குக் குறை இருக்காது. தடைப்பட்ட சுபநிகழ்ச்சிகள் அடுத்தடுத்து நடைபெறும். உற்சாகமாக வலம் வருவீர்கள். மகிழ்ச்சியுடன் காணப்படுவீர்கள்.
ராசிநாதன் புதன் சாதகமான வீட்டில் இருக்கும் நேரத்தில் வருடம் பிறப்பதால், நண்பர்களின் உதவி கிடைக்கும். நல்ல வசதியான வீட்டுக்குக் குடிபுகுவீர்கள். வீட்டில் ஏற்பட்டிருந்த பழுதுகள் நீங்கும்.
வழக்கில் நல்ல தீர்ப்பு வரும். வேற்றுமொழி பேசுபவரின் ஆதரவு கிடைக்கும். குலதெய்வக் கோயிலில் திருப்பணிகளை மேற்கொள்வீர்கள். புது வேலை கிடைக்கும். கைமாற்றாக வாங்கி இருந்த பணத்தைத் தந்து முடிப்பீர்கள். பழுதாகிக் கிடந்த வாகனத்தை மாற்றுவீர்கள். அரசாங்கக் காரியங்கள் அனுகூலமாக முடியும்.
வருடத் தொடக்கம் முதல் 12.2.19 வரை ராசிக்கு 5-ல் கேது இருப்பதால், பிள்ளைகள் அடிக்கடி கோபப்படுவார்கள். அவர்களிடம் உங்கள் எண்ணங் களைத் திணிக்கவேண்டாம். கர்ப்பிணிப் பெண்கள் அதிக எடையுள்ள சுமைகளைத் தூக்கவேண்டாம். பூர்வீகச் சொத்தை சரியாகப் பராமரிக்க முடிய வில்லையே என்று வருத்தப்படுவீர்கள். ராகு லாப வீட்டில் நிற்பதால் ஷேர் மூலம் பணம் வரும். கடந்த கால இனிய அனுபவங்களை நினைத்து மகிழ்வீர்கள். வெளிவட்டாரத்தில் செல்வாக்கு உயரும். அரசால் அனுகூலம் உண்டு.
13.2.19 முதல் வருடம் முடியும் வரை கேது 4-லும் ராகு 10-லும் இருப்பதால், சுற்றியிருப்பவர்களைப் பற்றி நன்றாகப் புரிந்துகொள்வீர்கள். எதிர்காலம் பற்றிய கவலைகள் ஏற்பட்டு நீங்கும். நேர்மறையான சிந்தனைகளை வளர்த்துக்கொள்வது நல்லது.
வருடம் முழுவதும் சனி சாதகமாக இல்லாத காரணத்தால், மனத்தாங்கல் காரணமாக தாயாரைப் பிரிய நேரிடும். தாய்வழி உறவினர்களுடன் கருத்து மோதல்கள் ஏற்பட்டு நீங்கும்.
வீட்டில் களவுபோக வாய்ப்பு இருப்பதால், கவனம் தேவை. பிள்ளைகளின் எதிர்காலம் பற்றிய கவலை ஏற்பட்டு நீங்கும். பூர்வீகச் சொத்துப் பராமரிப்புச் செலவுகள் அதிகரிக்கும். வழக்குகளால் மன அமைதி பாதிக்கப்படக்கூடும்.
வருடத் தொடக்கத்திலிருந்து 12.3.19 வரை; 19.5.19 முதல் 27.10.19 வரை, குரு ராசிக்கு 3-ல் நிற்பதால், புதிய முயற்சிகள் தள்ளிப்போய் முடியும்.
13.3.19 முதல் 18.5.19 வரை அதிசாரத்திலும், 28.10.19 முதல் வருடம் முடியும் வரை ராசிக்கு 4-லிலும் குரு அமர்வதால், இழுபறியாக இருக்கும் வேலைகள் முடியும். ஆனால், தாயாரின் உடல் ஆரோக்கியத்தில் கவனம் தேவை. அவருக்குச் சிறுசிறு அறுவை சிகிச்சைகள் செய்ய நேரிடும்.  எனினும், பெரிய அளவில் பாதிப்பு இருக்காது. அவருடன் அனுசரணை யாக நடந்துகொள்வது நல்லது. சொத்து வாங்கும் போது சட்ட நிபுணர்களின் ஆலோசனையைக் கேட்டுச் செய்வது நல்லது. உங்களைப் பற்றிய விமர்சனங்கள் அதிகரிக்கும்.
வியாபாரிகளே! லாபம் அதிகரிக்கும். தேங்கிக் கிடக்கும் பழைய சரக்குகளை விற்றுத் தீர்ப்பீர்கள். அதிரடி சலுகைகளை அறிவித்து விற்பனையை அதிகரிப்பீர்கள். பங்குதாரர்கள் வழக்கம்போல் முணுமுணுப்பார்கள். அனுசரித்துச் செல்வது நல்லது. வேற்று மாநிலத்தைச் சேர்ந்த வேலையாள்களால் நிம்மதி கிடைக்கும். புதிய கிளைகள் தொடங்கும் வாய்ப்பு ஏற்படும். ஏற்றுமதி – இறக்குமதி, கன்ஸ்ட்ரக்‌ஷன், பவர் புராஜெக்ட் வகைகளால் ஆதாயம் உண்டாகும். பெரிய வியாபாரிகளின் அறிமுகம் கிடைக்கும்.
உத்தியோகஸ்தர்களே! கூடுதல் நேரம் உழைத் தாலும் உரிய அங்கீகாரம் கிடைக்காது. ஆனால், அலுவலகத்தில் உங்கள் மதிப்பு மரியாதை கூடும். உயரதிகாரிகளின் நம்பிக்கையைப் பெறுவீர்கள். உங்களை நம்பி சில ரகசியப் பொறுப்புகளை ஒப்படைப்பார்கள். சக ஊழியர்களுக்காக வாதாடி அவர்களுக்கு உரிய சலுகைகளைப் பெற்றுத் தருவீர்கள். சிலருக்கு விரும்பிய இடத்துக்கு மாறுதல் கிடைக்கும்.
மாணவர்களே! கல்வியில் ஆர்வம் அதிகரிக்கும். கலைப்போட்டிகளில் வெற்றி பெறுவீர்கள். ஆசிரியர்களின் பாராட்டுகள் மனதுக்கு மகிழ்ச்சி தரும். பெற்றோர் அரவணைத்துச் செல்வார்கள்.
மொத்தத்தில், இந்தப் புது வருடம் மன நிம்மதி யையும் ஓரளவு வசதி வாய்ப்புகளையும் அளிப்பதுடன், சமூகத்தில் உங்களுக்கு அந்தஸ்தைப் பெற்றுத் தருவதாகவும் அமையும்.
பரிகாரம்: கோயம்புத்தூர் மாவட்டம், பேரூரில் கோயில்கொண்டிருக்கும் ஸ்ரீஆஞ்சநேயரை, சனிக்கிழமைகளில் தரிசித்து வழிபட்டு வந்தால், விருப்பங்கள் தடையின்றி நிறைவேறும்.

 

2019 – புத்தாண்டு ராசிபலன்கள் – சிம்மம்

ராசிக்கு 3-ல் சந்திரனும் சுக்கிரனும் இருக்கும்போது வருடம் பிறப்பதால், சாதுர்யமாகப் பேசி காரியம் சாதிப்பீர்கள். பணவரவு கணிசமாக உயரும். இளைய சகோதர வகையில் ஆதரவு பெருகும். ராசிக்கு 5-ல் புதன் இருக்கும்போது வருடம் பிறப்பதால், பிரபலங்களின் தொடர்பு பயனுள்ளதாக அமையும். விலகிச் சென்ற உறவினர்களும் நண்பர் களும் தேடி வருவார்கள். மகளுக்கு நல்ல வரன் அமையும். மகனின் பிடிவாதப்போக்கு மாறும். பழைய வாகனத்தை மாற்றிவிட்டு புதிய வாகனம் வாங்குவீர்கள்.
12.2.19 வரை ராசிக்கு 6-ல் கேது இருப்பதால், நண்பர்கள் மற்றும் உறவினர்களின் உண்மையான மனநிலையைப் புரிந்துகொள்வீர்கள். மகான்கள், ஆன்மிக அறிஞர்களின் சந்திப்பும் அவர்களுடைய ஆசிகளைப் பெறும் வாய்ப்பும் ஏற்படும். வெளி வட்டாரத்தில் மரியாதை அதிகரிக்கும். ஆனால், ராசிக்கு 12-ல் ராகு இருப்பதால், மற்றவர்களுக்கு ஜாமீன் கொடுக்காதீர்கள். கடந்த கால ஏமாற்றங்களை எண்ணி அடிக்கடி வருந்துவீர்கள்.
13.2.19 முதல் வருடம் முடியும் வரை, கேது 5-ல் அமர்வதால், பிள்ளைகளின் உணர்வுகளைப் புரிந்து கொண்டு உற்சாகமூட்ட முயற்சி செய்யவும். அவர்களின் உயர்கல்வி, உத்தியோகம் தொடர்பான முயற்சிகள் சற்று தாமதமாக முடியும். பூர்வீகச் சொத்தில் சிக்கல்கள் ஏற்படக்கூடும். ஆனால், ராகு 11-ல் இருப்பதால், சாதிக்கவேண்டும் என்ற எண்ணம் வளரும். மக்களுக்குச் சேவை செய்வீர்கள்.
வருடம் முழுவதும் சனி 5-ல் இருப்பதால், அடிக்கடி மனக்குழப்பம் ஏற்படக்கூடும். பிள்ளை களின் உயர்கல்வி, உத்தியோகம், திருமணம் தொடர்பான முயற்சிகள் தாமதமாகும். கர்ப்பிணிப் பெண்கள் மருத்துவரின் ஆலோசனை இல்லாமல் மருந்துகளை எடுத்துக்கொள்ளவேண்டாம்.
ராசிக்கு 8-ல் செவ்வாய் நிற்கும்போது வருடம் பிறப்பதால், உடன்பிறந்தவர்களுடன் மனவருத்தம் ஏற்பட்டு நீங்கும். சொத்துப் பிரச்னைகளை சுமுகமாகப் பேசித் தீர்ப்பது நல்லது. வாழ்க்கைத் துணைக்கு சிறுசிறு அறுவைச் சிகிச்சைகள் ஏற்படக் கூடும். கணவன் – மனைவிக்கிடையே கருத்து வேறுபாடுகள் ஏற்பட்டு நீங்கும். வழக்குகளில் வழக்கறிஞரின் ஆலோசனை கேட்டு முடிவு எடுப்பது நல்லது. வருடத் தொடக்கத்திலிருந்து 12.3.19 வரை மற்றும் 19.5.19 முதல் 27.10.19 வரை குரு 4-ல் இருப்பதால், வேலைச்சுமை இருக்கும். தாயாரின் உடல் ஆரோக்கியத்தில் கவனம் தேவை. வீட்டுப் பராமரிப்புச் செலவுகள் அதிகரிக்கும்.
13.3.19 முதல் 18.5.19 வரை குரு பகவான் அதிசாரமாகவும், 28.10.19 முதல் வருடம் முடியும் வரை, உங்கள் ராசிக்கு 5-ல் அமர்ந்தும் திகழ்வதால், மன இறுக்கங்கள் நீங்கி மகிழ்ச்சி பிறக்கும்.
பணப்புழக்கம் அதிகரிக்கும். சுபநிகழ்ச்சிகளால் வீடு களைகட்டும். புது வீடு கட்டி குடிபுகும் வாய்ப்பு ஏற்படும். வருமானத்தை உயர்த்திக்கொள்ள புது வாய்ப்புகள் ஏற்படும். சிலருக்குக் குழந்தை பாக்கியம் கிடைக்கும். மகளுக்கு நல்ல வரன் அமையும். வெளிவட்டாரத்தில், இழந்த செல்வாக்கு திரும்பக் கிடைக்கும்.
வியாபாரிகளே! வருட முற்பகுதியில் லாபம் அதிகரிக்கும். பெரிய முதலீடுகளைத் தவிர்க்கவும். வாடிக்கையாளர்களிடம் கனிவாக நடந்துகொள்வது அவசியம். பழைய பாக்கிகளைக் கனிவாகப் பேசி வசூலிக்கவும். பங்குதாரர்களுடன் கருத்து வேறுபாடுகள் ஏற்படக்கூடும். அரிசி, மலர்கள், எலெக்ட்ரிகல்ஸ், வாகன உதிரி பாகங்களால் ஆதாயம் உண்டாகும்.
உத்தியோகஸ்தர்களே! பிப்ரவரி 13-ம் தேதி முதல் ராகு சாதகமாக இருப்பதால், அலுவலகத்தில் மரியாதை கூடும். ஆனால், பணிச்சுமை அதிகரிக்கும். சில நேரங்களில் அதிகாரிகள் கூடுதல் பணிகளை ஒப்படைப்பார்கள். சலித்துக் கொள்ளாமல் முடித்துக்கொடுப்பது நல்லது. உழைப்புக்குரிய அங்கீகாரம் கிடைக்காது. பதவி உயர்வு தள்ளிப்போகும். சக ஊழியர்களால் மன உளைச்சல் ஏற்படும். சிலருக்கு இடமாற்றம் ஏற்படும்.
மாணவர்களே! படிப்பில் முழுமையான கவனம் செலுத்தவேண்டியது அவசியம். பொறுப்பு உணர்ந்து படித்தால்தான் நல்லமுறையில் தேர்ச்சி பெறமுடியும். விளையாடும்போது கவனமாக இருக்கவும்.
மொத்தத்தில், இந்தப் புது வருடத்தின் தொடக்கம் அலைச்சலைத் தருவதாக அமைந்தாலும், ஜூன் – ஜூலை மாதம் முதல் முன்னேற்றம் மற்றும் ஆதாயம் தருவதாக அமையும்.
பரிகாரம்: விழுப்புரம் மாவட்டம், கிருஷ்ணாபுரம் எனும் ஊரில் அருளும் ஸ்ரீசுப்ரமணிய ஸ்வாமியை, சஷ்டி திதி நாளில் தரிசித்து வழிபட்டு வாருங்கள்; மகிழ்ச்சி பெருகும்.

 



Share this:

Kommende Film DK

இன்றைய விளம்பரம் INDIA

இன்றைய விளம்பரம் SRI LANKA

இன்றைய விளம்பரம் INDIA

இன்றைய விளம்பரம் INDIA

இன்றைய விளம்பரம் டென்மார்க்

இன்றைய விளம்பரம் டென்மார்க்

Hajj Packages 2020

NEAR REJSE. DK 2020

.

DENMARK

Kommende Film danmark

SWEES TRAVELS

Tamilnews.cc-facebook

திருமண அழைப்பிதழ்

Travel News

Tamil Movies

Honeymoon Package

Denmark Kommende Film

HOLY LAND //2019-20

HolylandTour Package 2019/20 cont/ 0091 9884849794

Umrah 2018-2019

INDIAN MANGOES ( exports)

கேர்னிங் எம்.பி. கடை Dk

08.10.2014

NAER CAR RENTAL SERVICES

swees travels

Andaman Package

Aalbo Attractio Asian SuMart dk

side

jothidam

11,600 -D4 3 N Goa Package

North India Rs. 17,000 -09N

09N 10 D Best of Kerala

Wedding Holl in india 9884849794

Kashmir Tour 09N in- 3* Hotel

RANDERS DK 0045 40737632

Maldives Special

SHIRDI SAI BABA DARSHAN

Wildlife of Gujarat

Temple Tours

Srilanka Tour Package 21.500Rs

Forex 9884849794

Free ads

marana arvithal

© tamilnews.cc. All right reserved Design and development by: Gatedon Technologies