ஒரே நாளில் பிக்கப், டிராப் – டி.ராஜேந்தர் அதிரடிப் பேச்சு-34 ஆண்டுகளுக்குப் பிறகு ‘ஒருதலை ராகம்’ குழுவினர் சந்திப்புஸ

15 Jul,2014
 

             


‘ஒருதலை ராகம்’ படத்தில் நாயகனாக அறிமுகமான சங்கர், தற்போது இயக்குனராக அவதாரமெடுத்து மணல் நகரம் என்ற படத்தை இயக்கியிருக்கிறார். இந்தப் படத்தின் இசை வெளியீட்டு விழா நேற்று சென்னையில் நடைபெற்றது. விழாவில் ‘ஒருதலை ராகம்’ படத்தின் மூலம் அறிமுகமான கலைஞர்கள் பலர் கலந்து கொண்டு விழாவை சிறப்பித்தனர்.

‘ஒருதலை ராகம்’ படத்தின் மாபெரும் வெற்றிக்குக் காரணமான டி.ராஜேந்தர் படத்தின் இசையை வெளியிட்டு வாழ்த்திப் பேசியதாவது,

”நான் கடந்த 2 நாட்களாக நடந்த நிகழ்ச்சிகளில் பரபரப்பாக பேசினேன். புயல் வீசியது என்றார்கள். இங்கு. புயலாக வரவில்லை தென்றலாக வீசப் போகிறேன்.

நான் என்றும் பழையதை மறக்கமாட்டேன். நான் ‘ஒருதலை ராகம்’ படத்தை எடுத்த மாயவரம் ஏவிசி கல்லூரியை பார்த்தாலே இன்றும் விழுந்து கும்பிடுவேன். 34 ஆண்டுகளாக அங்குபோனது இல்லை. இந்த ஆண்டுதான் போகலாம் என இருக்கிறேன்.

இன்று எல்லாம் மாறி விட்டது. கேட்டால் ட்ரண்ட் என்கிறான். அன்றைய காதல் நாகருகமாக இருந்தது. ஆனால் இன்று மாறிவிட்டது. நூன் ஷோவில் பிக் அப் செய்து நைட் ஷோவில் பேக் அப் செய்துவிடுகிறார்கள். அன்று கதைக்காகப் படம் எடுத்தார்கள், இன்று சதைக்காகப் படம் எடுக்கிறார்கள். அன்று குத்துப் பாட்டு வைத்தார்கள். இன்று வெத்துப் பாட்டு வைக்கிறார்கள்.

இன்று தமிழ் சினிமாவில் அம்மா, ஆத்தா, தங்கை சென்டிமென்ட்டை மதிப்பதில்லை. அப்படி வைத்தால் சீரியல் என்கிறான். ஆனால் ஆந்திரா, கேரளா, கர்நாடகாவில் இன்றும் அம்மா, ஆத்தா, தங்கை சென்டிமென்ட்டை மதிக்கிறான்.

இன்று புரிகிற மாதிரி பாட்டு இருக்கக் கூடாது. கேட்டால் ட்ரண்ட் என்கிறான். நான் 108 குரலில் பேசுவேன், இன்றுவரை ஃபீல்டில் இருக்கிறேன். ஆனால், என்னையே கிண்டல் செய்கிறார்கள்.

உங்களை யாராவது கிண்டல் செய்தால் கவலைப்படாதீர்ககள். உஉங்களிடம் திறமை இருந்தால் கிண்டல் செய்வான். உன் மேல் பொறாமை இருந்தால் கிண்டல் செய்வான் உன்னை யாரும் சட்டை செய்யவில்லை என்றால் நீ சடை என்று அர்த்தம். யாரும் உன்னைக் கிண்டல் செய்தால் கவலைப் படாதே.

அன்று ‘ராகம் தேடும் பல்லவி’யில் சங்கரை நான் ஒரு இயக்குநராக காண்பித்தேன். இன்று அது பலித்து விட்டது
 எனக்கு மலையாளத்தில் படமெடுக்க ஆசை. அங்குதான் கலாச்சாரம் இருக்கிறது. அங்குதான் குடும்பக்கதை ‘திரிஷ்யம்’ ஓடுகிறது. மலையாளத்தில்தான் மம்முட்டி, மோகன்லால், திலீப் என எல்லாரும் வேட்டி கட்டி நடிக்கிறார்கள். இங்கு வேட்டி கட்டி நடிக்கிறார்களா? எல்லாரும் ஜீன்ஸ் போட்டு நடிக்கிறார்கள்” என்றார்.

‘மணல் நகரம்’ படத்தின் இசையை வெளியிட்டு படக்குழுவினரை வாழ்த்தி அவர்களக்கு நினைவுப் பரிசுகளையும் டி.ராஜேந்தர் வழங்கினார்.

‘மணல் நகரம்’ திரைப்படம் விரைவில் வெளிவர உள்ளது.

34 ஆண்டுகளுக்குப் பிறகு ‘ஒருதலை ராகம்’ குழுவினர் சந்திப்புஸ


34 ஆண்டுகளுக்குப் பிறகு ‘ஒருதலை ராகம்’ படக் குழுவினர் மீண்டும் ஒரு விழாவில் சந்தித்த நெகிழ்ச்சியான நிகழ்வு ஒன்று நேற்று நடைபெற்றது.

1980ம் ஆண்டு வெளிவந்து மாபெரும் வெற்றி பெற்ற ‘ஒருதலை ராகம்’ படம் மூலம் தமிழ்த் திரையுலகில் நாயயகனாக அறிமுகமானவர் சங்கர். தொடர்ந்து தமிழ், மலையாளம் என 120க்கும் மேற்பட்ட படங்களில் நடித்திருக்கிறார். ‘ஒருதலை ராகம்’ சங்கர் என அறியப்பட்ட இவர் தற்போது தமிழில் இயக்கியுள்ள படம் ‘மணல் நகரம்’. இதற்கு முன் மலையாளப் படம் ஒன்றை இயக்கியிருக்கிறார்.

‘மணல்நகரம்’ படத்தின் ஆடியோ வெளியிட்டு விழா நேற்று ஆர்.கே.வி ஸ்டுடியோவில் நடந்தது.  இந்த சந்தர்ப்பத்தை பயன்படுத்திக் கொண்டு 34 ஆண்டுகளுக்குப் பிறகு ‘ஒருதலை ராகம்’ படக்குழுவினரை இந்த விழாவில் கலந்து கொள்ளள வைப்பபதன் மூலம் விழாவுக்கு வந்தவர்களுக்கு சர்ப்ரைஸ் கொடுக்க திட்டமிட்டு இருந்தார் ‘ஒருதலை ராகம்’சங்கர்.

அதன்படி இயக்குநர் டி.ராஜேந்தர், நாயகி ரூபா, நடிகர்கள் தியாகு, தும்பு கைலாஷ், ஒளிப்பதிவாளர் (ராபர்ட்) ராஜசேகரன், பி.ஆர்.ஓ. டைமண்ட் பாபு என ‘ஒருதலை ராகம்’ படக் குழுவினர் மேடையை அலங்கரித்தனர்.

முழுக்க முழுக்க துயாயில் உருவாகியுள்ள ‘மணல் நகரம்’ படத்தை டிஜெஎம் அசோசியேட்ஸ் சார்பில் எம்.ஐ.வசந்த்குமார் தயாரித்துள்ளார். கௌதம் கிருஷ்ணா, ப்ரஜின், தனிஷ்கா, வருணா ஷெட்டி, சங்கர் மற்றும் பலர் நடித்துள்ளனர். ரெனில் கௌதம் இசையமைத்துள்ளார்.

‘மணல் நகரம்’ஆடியோவை டி.ராஜேந்தர் வெளியிட்டார் ரூபா பெற்றுக் கொண்டார். விழாவில் பேசிய பலரும் ‘ஒருதலை ராகம்’ படம் பற்றிய மலரும் நினைவுகளைப் பகிர்ந்து கொண்டனர்.

சங்கர் பேசும்போது ” நான் ‘ஒருதலை ராகம்’ படத்தில் அறிமுகமாகி 34 ஆண்டுகள் ஆகின்றன. இன்னமும் நான் ‘ஒருதலை ராகம்’சங்கர் தான். அந்தப் படத்தை என் வாழ்நாளில் மறக்க முடியாது. அது என்னைச் சினிமாவுக்கு நாயகனாக அறிமுகம் செய்த படம். அந்தப் பெயரை வைத்துக் கொண்டுதான் இத்தனை காலம் திரையுலகில் இருக்கிறேன். நான் அன்று படத்தில் ரூபாவிடம் பேசியிருந்தால் படமே இல்லை. இன்று இந்த விழாவில் கலந்து கொள்வதற்காகவும், என்னை வாழ்த்துவதற்காககவும் அந்தப் படத்தின் நாயகி ரூபா ஹைதராபாத்திலிருந்து வந்திருக்கிறார்.

‘மணல் நகரம்’ கதையை கேட்டவுடன் துபாயில் பல நாட்கள் எடுக்க வேண்டும் என்று பயந்து கைவிட்டு விடலாம் என்றேன். வேறு கதை செய்யலாம் என்ற போது தயாரிப்பாளர் எம்.ஐ.வசந்த்குமார் பிடிவாதமாக இருந்து ஊக்கம் கொடுத்தார். அதனால்தான் துபாயில் 62 நாட்கள் எடுக்க முடிந்தது,” என்றார்.



Share this:

இன்றைய விளம்பரம் INDIA

இன்றைய விளம்பரம் SRI LANKA

இன்றைய விளம்பரம் INDIA

இன்றைய விளம்பரம் INDIA

இன்றைய விளம்பரம் டென்மார்க்

இன்றைய விளம்பரம் டென்மார்க்

Hajj Packages

NEAR REJSE. DK

.

DENMARK

Kommende Film danmark

SWEES TRAVELS

Tamilnews.cc-facebook

திருமண அழைப்பிதழ்

Travel News

Tamil Movies

Honeymoon Package

Denmark Kommende Film

HOLY LAND /2018/2019

HolylandTour Package 2018 cont/ 0091 9884849794

Umrah 2018-2019

INDIAN MANGOES ( exports)

கேர்னிங் எம்.பி. கடை Dk

08.10.2014

NAER CAR RENTAL SERVICES

swees travels

Andaman Package

Aalbo Attractio Asian SuMart dk

side

jothidam

11,600 -D4 3 N Goa Package

North India Rs. 17,000 -09N

puthandu palan

09N 10 D Best of Kerala

Wedding Holl in india

Kashmir Tour 09N in- 3* Hotel

RANDERS DK 0045 40737632

Maldives Special

SHIRDI SAI BABA DARSHAN

Wildlife of Gujarat

Temple Tours

Srilanka Tour Package 21.500Rs

Forex 9884849794

Free ads

marana arvithal

© tamilnews.cc. All right reserved Design and development by: Gatedon Technologies